نفيسة دائما بتنهر البنات لما يجن معديات بجمب الشاب البزاكر تحت الشجرة ....ويقعدن يتغامزن ويضحكن ويقرقرن.....وهو ولاااااا كأنو سامع بني ادمين مارين بجمبو....
وفي يوم البنات زودن القرقرة لما سمعن الشاب بتكلم بطريقة غرررريبة جدااا ....حتي نفيسة المرة دي ضحكت ...وهو اتاري زمان كان بسمع نفيسة لما كانت بتشاكل البنات وبتجرهن وتمشيهن سرعة من جمب الشجرة القاعد فيها الشاب ....واليوم دا نفيسة زاااتا ضحكت مع البنات لاول مرة....الشاب رفع رأسو عين للبنات..... لانو عيونو ماقدرت تقاوم صوت الضحكة السمعها بايضنينو
...
وقرر يشوف ست الضحكة الرناااانة دي...... واول مارفع الشاب عيونو ..وقعن في عيون نفيسة ...وهي مركزة مع الكلام الغريب الكان بتكلمو الشاب .... نفيسة اول مرة تشوف شاب وسيم بالمواصفات دي .....
وحست نفيسة عيون الشاب بتنهرا ....عشان اسم الله عليهو عيونو النوع الكباااار ديلاك ...وخلقة تحس انو منططين كدا ... والله الله من وساع العيون ....نفيسة خافت وعمرها مابتعرف الخوف.... وحست برجفة فيييي قليبا
....وقامت جرت ...والبنات ضحكو وجرن وراها ....مشن للبلولة شالن اللبن ورجعن لبيوتن ....
ومن يوميها بقا الشاب ينتظر مواعيد البنيات ... تحت الشجرة بفارق الصبر.... عشان يملي عيونو بشوفت البت ست الضحكة الرنانة ....ونفيسة كانت زمان بتتأخر لما يجنها البنات يمشن يجيبن اللبن..... بس لكن بعد النظرة المن الشاب ديك.... نفيسة بقت تطلع اول وحدة ....وكان وشها بحمر لما تشوف الشاب من بعيييد هندااااك ليهو
...والبنات بدن يلاحظن لنظرة الشاب بتركز علي نفيسة بس ....وبقن يشاغلن نفيسة ...ويقولن ليها زولك وقع في الشبكة بختك ....واستمر الحال فترة وبقت النظرات واااضحة بين نفيسة والشاب .... وفي يوم الشاب خلا الدفاتر فوق الكرسي...ولحق البنات ....وكل مايتلفتن يشوفنو وراهن ....اضحكن ...... بس
سامية اتصرفت .....سامية وحدة من البنات صحبات نفيسة ...مشهووورة بيناتن ...انها فصييييحة ومدرررردحة ....قبلت عليهو وقالت ليهو ...نعم عايز شنو يا اخ... سكت الشاب وعين لنفيسة .... واعتزر ورجع تحت الشجرة لكرسيهو ودفاترو
.....
ورجعن البنات وعدن بالشجرة الفيها الشاب ...وهو عين ليهن ...عين لنفيسة وابتسم ....
نفيسة رجعت البيت ...وكانت طووول اليوم سرحانة ...حاجة السرة مالاحظت السرحان علي نفيسة الا تاني يوم ....لما نفيسة جات تعمل القهوة للحريم .... وقااامت كدا نفيسة دقت البن بيد فندك البهارات وكان مدقوق بيهو توم ....وبقا طعم القهوة توووووم مايديك الدرب....قهوة ام توم....واضطرت نفيسة تعيد البن وتقلا واحد جديد...وضحكن الحريم فيها وقالن ليها مالك الليلة يابت ....بالك مشغول وين ....هنا حاجة السرة حدرت لنفيسة حدرة قوووية وسكتت...وبقت تراقب تصرفات نفيسة ...
