الضلال البعيد

1

#الضلال_البعيد

بقلمي السيدة العلوية

الجزء 1

قبل لا ابدأ بكتابة القصة .. المحتوى هذه المرة مختلف .. لذلك نرجو المعذرة لو وردت بعض الالفاظ لغرض ايصال الفكرة لاغير .. علماً ان الالفاظ منقحة .. كالعادة .. الاسماء وهمية والاماكن كذلك والعناوين .. ..

قال الله تعالى في محكم كتابه في سورة الحج الاية {يدعو من دون الله ما لايضره وما لا ينفعه ذلك هو الضلال البعيد } يمكن هو الموت حقيقة صح .. بس يجوز اني ماجنت اريد اموت .. جنت اريد العب . اتسلى .. اغير مزاج .. اغير مزاج !! لالا .. اغير نظام حياتي .. اسوي انقلاب شامل بحياتي وحياة عائلتي .. من تفكر تريد تواجه شي اعرف حجمك .. اعرف مستواك .. اعرف انته منو . شنو .. ليش .. مو رأسا تجي وتدخل للمستوى الاخير وتجي تتجرأ .. لا هنا يمكن راح تواجه العقوبـة ..

المكان {احد أزقـة الموصل القديـمة ..

الزمان: الوقت الحالي .. منتصف ليل الخميس البارد ..

الوصف الدقيق للموقع : بيت مهجور من الخارج .. سرداب ضيق يؤدي الى غرفتين .. غرفة بها مجموعة مسلحة ..ارهاببين من داعش .. الغرفـة الثانية يحتجز بها فتاة نحيلة جدا .. بشرة شاحبة صفراء اللون .. ملامح غربية الوجه يحتوي على الكثير من النمش .. ملامحي أوربية بحته .. طبعا فأنا {فاتيما} او كما تقولون {فاطمة } بالمناسبة اني مااعرف احجي مثل لهجتكم لكن راح احاول حتى تفهمون قصتي وية المجنون . الداعشي 1: غداً سيأتي الامير وتكون هذه السبية من حصته

الداعشي 2: حسناً دعك منها ومن الامير .. لنقوم بتحضير العملية القادمة .. هل جهزت حصة المجاهدين

فانتيما : معقولة .. اني كل السبب بية .. وثقت بشخص وتركت اهلي علمودك يا.. مجنون .. ليش يا كرار

اني بنية من البرتغال .. جنوب غرب أوربا .. اني مو اصلي من البرتغال ,, اني امي مسيحية من البرتغال وابوية من العراق من الجنوب .. الله شكد جنت اتمنى ارجع للعراق واشوفه يكولون حلو ودافيء .. بس ..

صحيح امي مسيحية بس جانت جدا انسانة محافظة .. خلونا نرجعلكم بالاحداث .. ..

كلارا: فاتيما جهزي الريوك حتى اصحي ابوج

فاتيما : حاضر ماما.. كمت ولو اني كلش كسولة وخصوصا البارحة تعبت لان سهرت علمود البحث مال الشعر مالتي .. اهووو اني مااحب الشعر القديم وهذا البروفيسور مالتنا .. {استاذ بريستون } كلش معقد ومايقبل يتفاهم واني موكلش متعلقة بالشعر وهو اختارلي شاعر قديم جدا من شعراء البرتغال من القرن السادس عشر اسمه ..لويس كامويس ..

فاتيما : يعني هو يغامر ويسوي مغامرات واني احتار بالشعر مالته

الاب مصطفى : هههههههههه منو هذا شبيج من الصبح بس تدردمين .

كلارا: مصطفى ماذا تعني ,, تدردمين ؟؟

مصطفى: كلارا .. ترى صارلنا متزوجين 20 سنه يعني هسة جاي تريدين تعرفين .. صرتي خبرة بالمصطلحات العراقية اكثر من عندي .. وين الجاي فطومة عمري

فاتميا بغضب: بابا اسمي فاتيما موفطومة ..

مصطفى: اصلا اسمج فاطمة على اسم السيدة فاطمة ..

فاتيما : منو هذه بابا ..

مصطفى : الجمعة عند المساء تقبلين اعزمج على موعد وعشاء وسوالف دافئة ..

فاتيما : موافقة

كلارا: موعد غرامي !! كانما انا انتهى دوري مصطفى

مصطفى: انت زوجتي واختي وشريكة حياتي .. وهذه قطعة من قلبي لكن هذه المشوار مهم في حياتها ..

فاتيما : اوك انا اغادر الان .. وفعلا رحت للمدرسة وكان يومي حافل بالمحاظرات الصعبة .. عندي اصدقاء وصديقات .. لكن دعوني اعرفكم عليهم الان

فاتميا : هاي

جاستينا : هاي شلونج

ماريانا : اتصلت بيج البارحة وماجاوبتيني

جاستينا: شلونج وية البحث

فاتيما: اسكتي اصلا .. جدا مزعج وماكدرت اكمل الاوراق الاخيرة.. خلوني افهمكم عني .. اني صح اعيش بدولة اوربية وصح امي برتغالية الاصل لكن عندي اسلوب حياة مختلف وعندي افكار مقتنعة بيهة .. موشرط امشي خلف قطيع الاغنام .. مو شرط اقلد غيري لمجرد انهم مبتكرين طريقة او موديل .. صحيح عندي حب للحفلات والخروج والركمجة لكن ماعندي اختلاط بأي رجل .. اعيش عالمي بسلام .

ماريانا: فاتيما فعلا انتي معقدة

جاستينا: اتفق معك

فاتميا وانا مستمر بأكل ساندويج : ليش .. اكيد انفصلتي عن صديقك مو

مارينا: فاتميا ليش انتي مو مثلنا ..

يتبع