الضلال البعيد

6

#الضلال_البعيد

بقلمي السيدة العلوية

الجزء 6

من تدور بدوامة وتضل تاخذك من جهة وترجع لجهة ثانية .. مثل الالعاب الي بمدينة الالعاب الى جنا نروحلها واحنه جنا اطفال ونظل نصرخ نريد نلعب باللعبة تبقى تدور وتدور بينا .. حياتي هيج مجرد تمشي ماعندي هدف معين وماعندي فكر او منهج او فد طريقة .. قدوتي بالحياة والشخص الي اسمعه كلامة .. هو حسام .. ادور مثل مايكول واسكت ورى مايسكت.. واني ادري بداخلي بحر متلاطم ومااعرف احس بروحي جاي اريد اسبح واسبح بس ماادري كلما اريد اوصل لبر الامان وللساحل وللواحة الى ارتاح بيها الكة روحي دخلت بمنعطف جديد .. بحجة المحل جنت اسهر بس اغلب سهراتي جانت وية حسام والكوفي وشوب .. اني بعيون امي واخواتي انسان صادق .. بس بعيون ليث لا .. لان ليث دائما جان يحذرني من اسلوب حياتي المنفلت

ليث : ترى هواي زودتها كرار

كرار: اوعدك احاول ارجع من وكت

ليث : يمعود عدنه اخوات وامي متكلي وين تروحون انته وحسام ولاتكول لا .. لان ادري كل شي

كرار: ليث ترى بديت تدخل بحياتي صح انته اخوية وعزيز بس حياتي واني حر بيها .. مو بنية اني حتى تحددون اوقات طلعاتي ..وبهالاثناء ودك تلفوني

حسام : كرور وسام ومنذر باجر راح يطلعون للمول ومناك اكو فد طلعة

كرار: بيهة لو اخفيهة

حسام : اكيد يمعود .. انته المعزب

كرار: اكيد ومااقصر وسديت تلفوني

ليث وهو يسمع الكلام .. ولك شوكت تحس جاي يستغلوك .. شبيهم شناقصهم مايصرفون همه لو انته ابن الملوك ولازم انته الي تكيت اللهم مو ..

كرار: شبيك يمعود شخبصتني ..

ليث طلعت واني مفور وروحي طالعة من تصرفات اخوية .. اني الاخ الاكبر لكرار واختلف عنه بكل شي .. انسان جدي ومااحب هالامور وحياتي كلها مختلفة وماعندي غير امي وابوية واخواتي .. بس الي مضوجني وضع اخوية .. مرة من المرات تأخر اخويـة وكلش قلقت عليه خصوصاً من مرة وصلتنا رسالة تهديد لبابا .. هالشي بس اني وابوية ندري بي .. ولهذا اني جدا قلق حتى اخواتي اني مهتم بيهن .. ومرة من المرات ...