الضلال البعيد

5

#الضلال_البعيد

بقلمي السيدة العلوية

الجزء 5

فاتيما : وافقت بلهفة وشوق كبير بداخلي راح اشوف عراقي من بلد والدي .. شلون شكلة .. لبست ملابسي كالعادة

وحطيت القبعة التي تغطي شعري والي تخليني وية جسمي النحيل اصير مثلي مثل ولد .. وكلما نمشي بداخل المستشفى احس قلبي يخفق ويدك بسرعة قوية حتى من الخوف والقلق بدأت اتخيل انه على اي لحظة اي شخص ممكن يكون ما مقيد بمكانه

توماس: خايفة ؟؟ ملامح وجهج مو مطمئنة

فاتيما : مااكدر اخفي عليك بداخلي خوف لان اول مرة اتعامل وية مدمني المخدرات .. لكن بداخلي اصرار وعزيمة انه احاول اساعد ..

توماس :راح تخليني اقلق عليج .. اني وصيت المدير واخذت موافقات واكدر الغي المسأله ونرجع هسة

فاتيما : لاااااا ارجوك ارجوك .. اني اكدر ادافع عن نفسي ..

توماس : جنت بداخلي متخوف بس هذه البنت جدا عنيدة ومااكدر ارفض حماستها .. شوفي راح ندخل للغرفة مال الممرضة وراح تنطيج المعلومات عنه .. حتى تكدرين تساعديهم ساعة او 2 باليوم .لمدة شهر من الان الى وقت انتهاء المخيم الكشفي ..

فاتيما : بعدما فهمت من الممرضة وتركني الاستاذ توجهت للغرفة بعدما عرفت انه المريض نايم هسة.. دخلت ومااعرف انه بدخولي راح يتغير عالمي كله .. شايف من تمنع نفسك عن كل شي وماتعرف الاسباب وتحس اسباب غيبية وراء هذا المنع .. وتحس بعدين انه اقتربت من مكان وانه هذا المكان رغم اختلافه عنك بس لازم تبقى وتفهم الرسالة الموجهة الك بي .. لازم تفك الشفرة وتحزر السر وراء المسألة كلهـا .. اني جنت اسمع انه الاميرة دائما تكون نائمة وانه الامير هو الي يجي حتى يساعدها .. بس شلون وليش اجاني هذا الاساس .. انه اني الاميرة وانه اني راح اساعد الامير .. هههههه دائما خيالات الرسوم المتحركة بحياتي .. وجنت اتأمل الشاب النايم وبنفس الوقت ايده مربوطة ..

ضليت كاعدة كبالة ومااحس الا ودموعي تنزل .. تنزل تنزل لوحدها .. وماعرفت السبب .. ليش هيج مسوي بروحه .. اكيد جان شكلة حلو .. اكيد بس جنت اباوع على ايده المليانه اماكن ندوب وحروق ..ووجهة الاصفر ومحتارة بالوقت الي يمر واني اتمنى اعرف عنه .. وبديت اراجع بكتاب عندي ..ومااحس الا وصوت خشن يكول بلغة مو لغتنا {لان اني احجي برتغالي ومكسر عربي }