اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#الضلال_البعيد
بقلمي السيدة العلوية
الجزء 4
اقتربنا من العطلة وحان موعد المخيم مال الكشافـة وصار لازم اروح اقضي وقت ويمكن اغيب لمدة شهر عن البيت .. بهذه الفترة من بعد التغير الي صار بشكلي وصرت تقريبا دائما البس القبعة على شعري وهالشي خلاني اتعرض لتساؤلات هواي من الاصدقاء
جاستينا : دائما مختفية ودائما احسك مختلفة
فاتيما : مجرد خيال من عندك اكيد صدكيني .. اني مثل قبل
ماريانا : ماكايمة تعجبيني فاتيما جدا صايرة غريبة الاطوار وهم كولي ماراح احضر للمخيم
فاتيما : لا بالعكس اني احتاج للعزلة وتغير جو
ماريانا : اتفقت مع جون انه يجي ويانا وكذلك كل المجموعة
وفعلا بعد اسبوع ودعت اهلي واخذت احتياجاتي ورحنا للمخيم الكشفي قريب من مدينه بورتو هالمدينه كلش حلو وشكد مااوصفها مااعرف بس خلوني شوية احاول .. هي بيها تعداد سكان هواي وتمتاز بالاماكن الخضراء الحلوة والي هي نقطة ضعفي وتطل على المحيط الاطلسي والماء الحلو الصافي خصوصا اني احب الركمجة واحنه بفصل الصيف ومرات الجو يصير حار كلش ودرجة الحرارة 25 درجة بس هم اكو نسمات هواء منعشة توصلنا من جنا نعبر الطريق لان تخترق البحر الابيض .. انطلقنا وجنت كلش فرحانه وخصوصا الاستاذ توماس وعدني ياخذني اماكن ويساعدني بالبحوث .. لان يدري بية عندي حب للاستطلاع
اول يوم جنت كلش تعبانه وردت بس اغفي وارتاح .. بعدين بالمساء كال استاذ توماس انه لازم نتوزع على فرق .. اني وولد اخر كنا موزعين انه نروح نساعد في مركز صحي لايواء المرضى اصحاب الحالات الخطيرة والفاقدين الامل بشفائهم ..
زاك: فاتيما اني راح اساعد السيدة الكبيرة بالعمر
فاتيما : واني شنو اسوي مااعرف .. راح ادخل على قسم الحروق الاطفال .. وجان مدة بقائنا ساعة باليوم وبعدها نروح نقي الفترة الباقية باعمال الكشافة الباقية .. يوم من 4 واني امر كالعادة بالمركز الصحي ... قرات على قسم من الاقسام {ممنوع الدخول الا بامر الادارة } وقرأت انه هذا القسم خاص بمدمني المخدرات ...بعدها رجعت للخيمة .. وعند الصبح شفت الاستاذ
استاذ توماس : صباح الخير فاتيما شلونج .. حضري روحج اليوم المسابقة ..
فاتيما : واذا فزت على مجموعة جاستينا ..
استاذ توماس : عود بوقتها الج هدية من عندي
فاتيما : الهدية صعبة استاذ .. ترى الشرط صعب ؟؟
الاستاذ بضحكة ابوية : ههههههه اكيد اتحملها ..
وفعلا كانت المسابقة انه منو يفوز على الفريق الاخر بتجديف القوارب .. كان فريقي مكون من زاك واني وضليت محتارة شلون .. بنفسي الوقت اني عندي بحكم افكاري وحكم انه اني مسلمة مااكدر .. شلون .. الفريق الثاني جاستينا وماريانا وجون..وكذلك الفريق الثالث .. 5 فرق ..لكن حاولت وخليت بعض الاشياء على اساس احتاجهم وبدأت المسابقة ونصف ساعة من الخوف والترقب والحماسة .. واشوف الكل يحاول ..
كان قارب ماريانا القريب علينا .. بعدها مااعرف بحركة غبية من جون تعثر وانقلبو وبوقتها متت من الضحك احس ايدي ماكامت تسيطر على المجداف .. لكن كملت المسابقة وكدرت احصل على المركز الاول
من رجعت كانت عيون ماريانا تموت ضحك وهي تريد تبجي ..
ماريانا : اكيد قاربكم هو السبب
فاتيما : هههههه بل ثقل وزن جون
جاسيتينا: ههههه صحيح
عند المساء توجهت الى مكان جلوس الاستاذ توماس : وين هديتي
توماس : ههههه طماعة انت ماتشبهين كلارا
فاتيما : انته قبلت الشرط وحان التنفيذ
توماس : كولي شنو الي شرطج وهديتج
فاتيما : اكو مكان بالمستشفى .. واريد ادخل اشوفة واحاول اساعد بي
توماس : هذا امر مفرح جدا ومو صعب
فاتيما : انتضر انته ماتعرف قصدي ترى ..اكو مكان بالطابق ال2 خاص بمدمني المخدرات ..
