الضلال البعيد

2

#الضلال_البعيد

بقلمي السيدة العلوية

الجزء 2

فاتيما .. كان يومي حافـل ومشغول ومملوء بالمغامرات خصوصاً بعدما السيدة ريمون اكتشفت انه احنه وكعنا العصير على فستان ثوب العرض الخاص بالمسرحية المفروض الي نؤديها خلال حفل العام الدراسي وهالشيء خلاني اتعاقب واحتجز لمدة نصف ساعة ..

رجعت للبيت وكانت امي تحضر وجبة الغداء واني جنت جدا جوعانه لان مااكلت بس تفاحة وكان لازم استفهم من والدي عن قصد ماريانا بانه اني معقده لان هالشي كان يضايقني .. ويسببلي ازعاج نفسي ..

كلارا: شبيج فاتيما

فاتيما : مابية ماما بس جوعانه وهي تجهز لنفسها طبق

كلارا: لامااعتقد اكو شي ضامته علية

فاتيما : لا بس احب تغير جو .. راح اروح للحديقة الخارجية اكعد .. وفعلا كان عندي كيس ملاكمة مرات اتمرن عليه من احتاج انفس عن غضبي يعني اني موكلش خبيرة بس هي محاولات ..

في ملهى ليلي في مدينـة براغا {شمال البرتغال }

ماريانا : ليش مادعينا فاتيما تجي ويانا

جاستينا : اووووووه دعك من هذه المجنونه انها معقده وافكارها غبية

مارينا بضحك : كثيرا افكارها باتت غريبة وتزعجني .. فهمنا انه لاتحب الاصدقاء وفهمنا انها لاتزال عذراء لكن من غير المعقول انه حتى ماتقبل تسهر ويانه بحجة انه افضل الذهاب للاماكن الغير مغلقة ..

جاسينا : عوفج منها ..

مارينا : لكن مع هذا تبقى صديقتنا المزعجة الوفية

جاسينا : فعلا فعلا وبدأتا بالرقص على الانغام الصاخبة

بالمساء من رجع مصطفى للبيت .. كالعادة من العمل مرهق لكن يرسم الابتسامة على وجهه حتى يسعد حبيبيته .. وبعد ان اطمأنت فاتيما انه والدها اخذ راحته واستقر من جو الشغل .. كانما تكون هي مدللته وبنته

مصطفى: فاتميا ليش لهذا الوقت بعدج كاعدة

فاتميا : لا شيء مجرد اقلب مواقع الانترنت

مصطفى: شنو اخبار البحث مالتج

فاتميا : جيد لكن اعتقد مو بالمستوى الي اريد اوصل له .. انته تدري بية ماعندي علاقة بالشعر

مصطفى: هو هذا هم شعر .. والشعر العربي شعر ..

فاتميا : الشعر العربي ؟؟ صحيح الي تقوله ؟

مصطفى: اكيد .. انتي ليش ماجربتي تسوين البحث مالتج عن شعراء العرب لو ممنوع

فاتميا : مو الاستاذ هو الي حدد المادة بابا لكن اوعدك راح احاول ادرس التاريخ العربي حتى اتعلم ثقافة بلدكم .. بابا انته دولتكم حلوة

مصطفى: انتي عفت العراق قبل 20 سنه اكيد تغير كل شي والحروب والدمار ..

فاتيما : اووووووووه .. بابا عندي سؤال

مصطفى : كنت انتضر سؤالك بفارغ الصبر ..

فاتميا : هل فعلا انا غريبة الاطوار ومعقدة

مصطفى وهو يضحك بصوت عالي جدا ويقوم بأخذها بحظنه .. منو الي كال هيج .. جاسيتينا لو مارينا ..

فاتيما بعيون باكية : اثنينهم .. يعني اني لان مااقبل يصير عندي اصدقاء ولد ومااقبل اروح وياهم للحانه هيج يحجون وياي

مصطفى : اعتقد صار لازم اخذج للمشوار المهم بحياتج فاتيما لان بدأتي تمرين بمنعطف مهم بحياتك ..

فاتيما : وين هذا المشوار

مصطفى : يوم الجمعة مساءً حضري نفسك لرحلة مهمة ..وفعلا يوم الجمعة .. كان لازم اخذ بنتي الى اهم مكان بالبرتغال بالنسبة الي .. اني صحيح عراقي مسلم .. بس مسألة الدين بالنسبة لبنتي الي انولدت بالبرتغال وعاشت عمرهاكله هناك .. كان يمكن اكدر اجبرها بس اكيد بحكم الاصدقاء والاختلاط راح تواجه صعوبة وراح تواجه رفض ونكران .. وبدلما اكتسب انسانه مؤمنة راح اخسرها للأبد .. اني كنت مطمئن انه بنتي عمرها ماانجرفت مثل باقي صديقاتها بس بقت مالها علاقة بالدين وهالشي مااكدر بعد اصبر عليه ..

يوم الجمعة انطلقنا انا وفاتيما {فاطمة } الى مدينة {فاطمة } في البرتغال ..وتق في بلدة أوريم

فاتيما : احنه وين رايحين بابا

مصطفى: الى مدينة السيدة فاطمة {عليها السلام}

فاتيما : من هي فاطمة .. اعتقد اسمها يشبه اسمي

مصطفى: بل اسمج يشبه اسمها روحي فداها .. بهذه المدينه تجلت السيدة ..في هذا المكان لثلاثة اطفال .. وبدأت اروي لبنتي عن دينها وعن حياتها وكيف المفروض تتصرف

فاتميا : احس نفسي مثقلة بالافكار الي اول مرة خطرت في بالي .. مسلمة ؟؟ انا مسلمة .. دمائي دماء مسلمة ؟؟ الان عرفت ليش ماجاي اكدر اتصرف مثل البقية وليش احس بقيد من نور يمنعني ..

يتبع