الضلال البعيد

11

#الضلال_البعيد

بقلمي السيدة العلوية

الجزء 11

(هذه الاحداث من ذكريات كرار)

جانت الحالة الهسترية العندي ابد موطبيعية من تكتشف كارثة وتعتقد انه انته السبب بيها الله يكون بعونك .. من تحس الذنب بيك .. من تحس اجزاء روحك تناثرت بخطأ سويته وانته متوقع جنت تلعب او تلهي نفسك ..احساس الفقد صعب موجع موحش مثل نفق ونهايته ظلمة ومابيها ضوء واريد الساعات ترجع وارجع عسى ولعل اكدر لو بس اشبع من ابتسامات اخوية لو اكدر اسمع كلماته لو اكدر اكعد وياه لو .... لو .. لو .. وكثرت عندي الامنيات وكلها صعبه لان صاحبها راح ومات..

جنت واكع بالكاع وماااحس الا والدنيا تدور وصار كلشي اسود والظلام حل بعيوني .. اثاري فوك الحالة مال التعاطي اللي عندي اثاري هاي ايد ابوية على وجهي تتلمس ملامح وجهي بخوف وحذر يريد يسمع باقي الجملة واني اكول .. اني السبب ..

الاب بجزع ووجع : كرار شجاي تحجي

الام: كروري يمة استهدي اخوك مات لان مريض .. لاتروحون من ايدي ثنينكم وكامت تلطم بحرقة ودموع والتمت البنات يهدأون بالام

الاب: مستمر بنفس النظرة ولزم كرار من قميصة ويهز بي .. احجي ولك احجي ....

كرار: اني الي اتعاطى مخدرات ليش ليث الي يموت ليششششششش ...

الام : دخيلك ربي وكامت تبكي بقوة وصوت عالي .. ولك ليش هيج ليش تضيعون بليلة وضحاها

الاب : بديت اصفك ايد بأيد وشاحجي وشاكول .. ولدي الاثنين الطلعت بيهم من الدنيا .. واحد رحت بي جنازة للنجف والثاني منتضر دورة .. والمن ألوم .. ليش ياليث .......... ليش ياكرار .. اني الماأكلت حرام .. تدورن حرام تالي شيبي بالكاع هيج .. تفضحوني ولكم منو هسة الي ولاخواتكم منو ........

صعب من تكون أب وتحس نفسك مسؤل ومامقصر ومأذيت اي احد وتاليتك تتأذى ومن منو من الي كاعد بيتك .. من ولدك .. يهدمون بيك على تالي العمر ..بس مالازم اضعف ومالازم اوكع .. وراية بنات وزوجة .. اعوفهن مثلما عافوني ولدي وأذوني هيج .. اه ياجرح قلبي .. اه يالجمة الما بعدها لجمة ... اركان حياتي انهدت والله بس لازم اكون كدها ولازم استمر .. .. ثاني يوم خابرت على الشخص المقرب للي جان اعز نسمة عندي .. خابرت على سنان صديق ليث ..

الاب: وليدي السلام عليكم

سنان: هلة عمي وعليكم السلام .. بشر شلون صرت .. والله بالي يمك .. واليوم كلت امر عليك اشوف خاف محتاجين شي

الاب: اي والله ترى انته بمثابة .. وردت انطق ليث بس استعبرت بدموعي وماكدرت ..

سنان: ولايكون بالك عمي العصر اجيك واني ممنون ...وفعلا رحت .. شفت الشايب الي رباني وربى ليث صديقي ابد مو مثل قبل شفته مهدوم ومتثاقل من الحزن والكابة ..والي خلاني استغرب طلبه انه نسولف بدون علم اي احد ..

الاب: محتاجك ترتبلى سفرة سرية لكرار بدون علم اي شخص

سنان: لوين خالو وماليش هالسفرة وليش شصاير

الاب ______حجيتله كلشي

سنان: خلص لعد خليني ادورله مصحة بغير دولة ونراسلهم وبلكت يقبلون بس خالو ترى تكلف .. ليش مو بالعراق

الاب: تحجي صدك انته حتى يهرب ويموت روحه

سنان: بعد اسبوع من نقاشي وية ابو ليث .. لكيت مصحة بالبرتغال وصار لازم نخلي كرار يسافر ..

كرار : مستحيل اسافر مااطلع من العراق

الام: ولك لاتشلع قلوبنا بعد مابينة حيل تموت مثل ليث كافي ضعتو وضيعوتنا وياكم

كرار: مااطلع .. وبديت اصرخ ومااحس الا لطمة على وجهي

الاب: ولك ارجعلي كافي .. انته منو ومنين اجيت .. ابد مو انته الي من صلبي ومو كرار ابني .. ليش هيج تجازيني .. ليش تشتهي تموت ليش ..

كرار: اني موتت ليث وتريد اعيش المن ارجع اعيش .. اني الغلطت لازم اتحمل

الاب: ولك واخواتك تشردهن من اموت المن يبقن .. يضيعن بالشارع لو هم يبيعن شرفهن .. ماجاي اخذ رأيك ..الخاطر امك واخواتك روح ...

{الوقت الحالي .......... البرتغال }

يوم من راحت هاي الاجنبية واني بديت اشتاق لسوالفها شجاني وخلاني اضوجها .. بس هي شبيهة انفعلت هم موعادي عدهم الاصدقاء والشباب والعلاقات .. ثم هي شبيها لعد اذا هيج شعدها جاية يمي .. والله انته مخبل كرار .. انته كل عقلك مرتبط بشهوتك الحيوانية وافكارك التعبانه المثلك .. شافتك مريض واجت تسولف وياك .. يلة استحمل بعد منو يحجي وياك ..

فاتيما : كعدت على صراخ الي يمي وكمية حرارة عالية ورطوبة عالية جاية من جهة الغابات واثاري صايرة حرائق غابات وبدأت تقترب من عدنا لهذا المجموعات الكشفية الي وياية بدأو يتصارخون وهمزين لحكت شفت جاستينا

فاتيما : شبيكم بس تصيحون ازعجتوني

جاستينا : حرائق غابات والدنيا مكلوبة وانتي مهتمة بالنوم .. وليش عيونج موطبيعيات شكو

فاتيما : حرائق واووووو خلي اروح اساعد ......

جاستينا: ماجاوبتي على سؤالي

فاتيما : لاتكوني مزعجة .. راح احاول اساعد ..

جاستينا : وانا راح احاول ابلغ بقية الكروب

فاتيما : الحرائق جانت كلش قوية وانتشرت بقوة وكثافة بحيث اجتاحت مناطق من جهات مليانة بالناس لكن الحمدلله .. كدروا رجال الاطفاء يجلوهم عن الاماكن ..المشكلة محد عرف سبب الحرائق .. توغلت اريد اصور وية رجال الاطفاء ..

رجل الاطفاء : انسة مايصير تتواجدين هنا

فاتيما : لاتقلق اني من فريق الكشافة

رجل الاطفاء : الامر صعب وخطر ارجوك ارجعي وخلي الكمامات لان الدخان والحرائق بدأت تزيد ابتعدي

فاتيما : حاولت امثل انه اني غادرت لكن الفضول الي بداخلي ماخلاني ...

يتبع .. تتوقعون بس لايصير بيها شي هذه المجنونه