اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#الضلال_البعيد
بقلمي السيدة العلوية
الجزء 15
بعد 4 ايام .. رجعت لبيتنا ولعائلتي .. جنت مشتاقة كلش لغرفتي ومكاني الخاص .. الانسان يعشق مملكته الخاصة وهدوئه وحياته .. يحب يعيش شلون ماهو يريد بهدوء وسلام وأمن وصفاء داخلي .. اني هالامور افتقدتها من يوم الي عرفت كرار .. اني مااعرف هالفضول الي بداخلي شوكت يهدأ وشلون يهدأ .. بديت اركض ورى حلم المساعدة ... ردت اساعد شخص جانت تفصلني عنه مدن وقارات وبحور ومايجمعنا بس شعيرات من انتماء بسيط .. خلاني الهث وراه مثل الطفل الي يدور على حلقة النور الي فقدها .. كرار الي فاقد النور وعايش بظلام وتعاسة ونفق ماله نهاية .. شاطيء مااعرف اذا جان بي ساحل لو لا ..حب يتجاوز المستويات .. حب يرفع عيونه للسماء ويعصي الذات المقدسة .. ويلعب لعبة خطرة كلش هو بطلها وهو المخرج مالتها والمؤلف .. بس ليش جاي يخليلنا ادوار بيها .. اني شخلاني ادخل لعالمك ياكرار .. ومنو انته وخليتني اقلق .. سنين طوال ماقلقت على اي بشر.. بهدوء تسربت لعالمي مثل صوت رخيم دخلت لأذني وحبتك اذني وقفلت مسامعها الا على صوتك ..اريد اسأل وجاوبني .. اني هسة شلون .. اعوفك تغرق بوحدك وتتعاطى ... لو ارجع اساعدك لو اوكف واتفرج .. والله حيرة .. والله يافضولي راح تجنني .. واني وانته نكول أسلام .. انته ابد والله مالك دخل بالاسلام .. ترمي نفسك بالوحل وتكول اسلام .. اااااااه
اني ماجنت اعرف رسول الله .. شوصانا وشكال .. وشعلمنا .. بس ادري مايقبل واحد يترك واحد يضيع .. يارسول الله .. ياوالد السيدة النورانية .. اني شلون اترك هالشخص .. لو اتسلح بعقيدة وأيمان وارجع احارب واساعد هالشخص ... هو يبغض الايمان واني اريدك ياوالد السيدة المقدسة .. مستحيل اقتنع قلبه الابيض الي حاجاني وعطف وياي يحب المعصية .. ساعدوني ..
نمت واني افكاري متشتته وأول مرة انام على سجادة الصلاة .. والصبح كعدت على فكرة خلتني اكمز مثل الطفل
