الضلال البعيد

9

#الضلال_البعيد

بقلمي السيدة العلوية

الجزء 9

كرار: شفتها اصفرت وهي اصلاً ملامحها صفرة وبياض وجهها والنمش الموجود بي خلاني مرات احس بيها خيط عربي .. لاتخافين مني ..

فاتيما: شكلك جدا جان مخيف .. بس لاتخاف اعرف شلون اتصرف وياك

كرار: اي كلش واضح والدليل ختلتي هناك ... اكول عود سؤال انتي ليش مسوية نفسج مثل الولد .. تدرين لوعدنا بالعراق جان سموج أيمو.. او من المجموعات الشاذة

فاتيما : يعني شنو...

كرار: يعني المفروض البنت تلبس مثل البنت .. حتى شعرج بالله افتهمت عدنا احنه كمسلمين البنات يلبسن حجاب هناك بالعراق انتي هنا ليش مغطية شعرج ..

فاتيما : بعد سولفلي عن العراق هم حلو

كرار : وانتي ليش هلكد مهتمة بالعراق .. اول مرة اشوف وحدة برتغالية مهتمة

فاتيما : عندي اسبابي ..

كرار: مااعرف اسولف انتي اسألي ..

فاتيما : هم تزور السيدة ذات المسبحة ..

كرار: منو هاي .. وليش هلكد تحبيها وتريدين تعرفين عنها ..

فاتيما : هي سيدة جميلة مقدسة نورانية مهذبة ..

كرار: اقاربكم

فاتيما : تبارك اسمها وتقدس

كرار: لالاااااااا اني ابد مارايح للكنيسة .. اذا تقصدين .. بعدين العراق اي حلو .. رغم الاوجاع الي بي والغصص الي بي حلو ويبقى حلو بعيني وبعين كل شخص يحبه

فاتيما : اني هم احبه

كرار: انتي غريبة عنه

فاتيما بغضب : لااااااااا وبدأت تبكي بحرقة

كرار: يمعودة اتشاقى والله .. شبيك مثل الطفل تصدكين كلشي ثم بالعكس احنه بيوتنا مفتوحة لكل الناس .. بس اني انتي راح تخليني اغير رأيي

فاتيما : ليش

كرار: لانك اول مسيحية غربية احسها تتعاطف وتحب العراق من كل قلبها

فاتيما : مشاعر الحب مو انتة واني الي نتحكم بيها .. الدين واحد والرب واحد .. من اول البشرية الى الان . لكن محد جاي يفهم الغاية الحقيقية للحياة ..

كرار: وانتي فهمتيها

فاتيما : قبل شهرين فهمتها وتغيرت وفرحت .. جنت نقية وحاليا بفكر ويقيني ابقى ان شاء ربي نقية

كرار: عجيب

فاتيما : شنو العجيب .. لان عايشة هنا .. مو

كرار: الصراحة اي ..يعني هسة اني متوقع انتي ..

فاتيما : اياك ثم اياك .. تتجرأ

كرار: اسف

فاتيما : اخذت حقيبتي ومشيت واني جدا منزعجة .. توقعته انسان .. اثاري المخدرات خلته يخطأ بالتمييز

كرار: اريد بس احاول الحك بيها بس ماكدرت ولاكدرت انطق اي شي اكدر اوضح بي او ابرر لكيتها بسرعة كامت

(هذه الاحداث__من ذكريات كرار)

ليث : الو ابو فاطمة شلونك شوكت تمرلي نكمل الاجرائات مال المكاتبة مال المحل .. جنت كاعد بالشغل ومندمج واشوف سنان صديقي اجاني .. هذا كلش صديقنا اني وكرار وكلش مقرب بس من انتقلنا لغير منطقة صار لقائنا بي ع الصدف ..

سنان : يمعود الي عضك كتلناه

ليث: هله بأبوعسل الورد شلونك خويي

سنان: بخير اسأل عنكم شخبارك خالتي وخالي شلونهم الاهل .. كرار شلونه .. ذاك اليوم سلمت عليه وغلس مارد عليه

ليث : شوكت .. ماكال

سنان: يوم الجمعة العصر جان وياه حسام

ليث : خلص ماطول كلت حسام عرفت

سنان: شكل كرار متغير كلش ضعفان .. شنو مسوي دايت لو مشتركين بقاعة

ليث: ماادري مانتبه

سنان: يمعودين دمرو علية عازمكم فد يوم .. بس اختارو شوكت وخابروني محتاجين نلتقي ونجدد الطلعات

ليث: يدلل ابو عسل الورد .. ماكتلي شخبارك

سنان: توني رجعت من تركيا جنت وية الولد جان مسوي عملية قسطرة

ليث: لااااااا .. ولاادري ..

سنان: اي والله فجأءة صارت .. الف الحمدلله هسة احسن هي علاجية .. يلة ليوث اني استأذن وراي فد مشوار

اني هلفترة جنت كلش مشغول بشغلي والبيت وابوية وامي واهتمامي بالبنات وماركزت وية كلام سنان .. خصوصا حالتي الصحية جانت متعبتني .. جنت مفكر بداية السنه اخلي امي تدورلي على عروسة حتى موضوع الزواج لغيته هالفترة لان كلش مشغول ..

فاتيما .. من طلعت من غرفة كرار جنت كلش مجروحة ومتالمة .. دموعي تنزل ومااعرف شنو اسوي .. خابرت على ابوية ..

مصطفى: صار يوم وانت مامتصلة بية ليش هيج فاطمة

فاتيما : عيد الي كلته بابا

مصطفى: شبيج باباتي .. ليش تبجين اكو شي .. احد مضوجج ..

فاتيما وصوتها مخنوك بالعبرة والألم {ماكدر اقلق والدي ومااكدر اكول الحقيقة } لاااااا بابا بس .... بس.... بس اشتاقيتلكم ولأمي

مصطفى:شكد بقى للمخيم الكشفي

فاتيما: بقى اسبوع .. اني لازم اروح بابا لان صار وقت النوم .. نمت واني مقهورة ومصدومة من الشخص الي بديت اتعاطف وياه وبديت لاول مرة بحياتي اخاطر بحياتي واسمح له يدخل عالمي .. اني اللي كل عمري ماعرفت بس صديقات اثنين .. نمت ودموعي تنزل وتنزل .. كعدت الصبح وراسي من الصداع كانما ضربو بمطرقة .. وكعدت على صراخ الخيم الي يمي وكلهم يتصارخون وصوتهم عالي والخوف واضح ..

تتوقعون شنو صار ...