-Zawgyi-
တလောကလုံးကို အရေးမစိုက်ဘူးဟု ကြွေးကြော်ခဲ့စဉ်က ဦးကိုမော့၍။ ကိုယ့်ကိုကိုယ်ထက် ဘယ်အရာကို ပိုတန်ဖိုးရမှာလဲ မေးခဲ့စဉ်က မာန်ကိုချီ၍။
အခုဘ၀နှင့် လားလားမှမသက်ဆိုင်။ပေတရာဘ၀ထဲ လုပ်ချင်ရာလုပ်၊ နေချင်ရာနေလာခဲ့သမျှ ထိုလူသားကို ရော့အင့်ဆိုပြီး လက်ထဲထိုးထည့်ပေးလာမှ ဇောက်ထိုးမိုးမျှော်ဖြစ်ခဲ့ရသော ကျတော့်ဘ၀ကြီး။
စိတ်တော့မကုန်၊ ၀မ်းပမ်းတသာလည်းမဟုတ်။ လက်ဆောင်မကျ၊ ပြစ်ဒဏ်မမည် ထိုလူသားကို လိုလိုချင်ချင် လက်ခံထားမိသည်ပဲလေ။ ခလုတ်တိုက်ပြီး ရောက်လာရာမှ ရော့နေဆိုပြီး နှလုံးသားပေါ်ဖျာခင်းပေးမိခဲ့တာ။ မှားမှားမှန်မှန် သူကတော့ ပျော်ပျော်ကြီး လှဲအိပ်နေတော့တာပဲ။ နည်းနည်းမှ အားနာမှုမရှိပါပဲ။ အမြင်ကတ်လှစွာသော ထိုလူသား။
တဒိတ်ဒိတ်တိုးလာတဲ့နှလုံးခုန်သံလို beat သံပြင်းပြင်းလွှမ်းသောကလပ်ထဲ လူတွေကြား တိုးကာဝှေ့ကာ အပြူးအပြဲရှာရသည်။ ထိုလူသားကို။ အိမ်ပြန်မလာတာ နှစ်ရက်နဲ့ သုံးည။ ဘယ်လောက်ပဲပစ်ထားမယ်ပြောပြော ၀င်ချင်ဝင်၊ထွက်ချင်ထွက် ဇရပ်လိုသဘောထားတာတော့ နည်းနည်းမှမကြိုက်။
ထင်တဲ့အတိုင်း ထောင့်ကျကျနေရာတစ်ခုမှာ ၀ီစကီလေးတမျှမျှ၊ ဆော်လေးတစ်ပွေအနားထားရင်း ပျော်မွေ့နေသော ထိုအပေအတေကောင်။ စုပ်သပ်မိပြီးမှ သူ့အနားကို လျှောက်သွားမိတယ်။ ချောင်းတစ်ချက်အဟန့်မှာ လှည့်ကြည့်လာပြီး သိသိသာသာမဲ့သွားသောမျက်နှာ။ သူ စုပ်သပ်ပစ်တယ်။
"ကျစ်... ဘာလာလုပ်တာလဲ"
ပေစောင်းစောင်းကြည့်လာတဲ့ရုပ်သွင်က ရိုက်သတ်ပစ်ချင်စရာ။ ဖြူဖွေးဖွေးဆံပင်တွေနဲ့ နားပေါက်ပေါင်းများစွာက ဂျလေဘီလို့ပြောစရာမလိုအောင်။ လက်စွပ်တွေဆိုတာလည်း လက်ချောင်းတိုင်းလိုလိုမှာ အကွင်းလိုက်။ မှေးပါတယ်ဆိုတဲ့မျက်လုံးကိုမှ အမြဲကျုံ့ထားသေး။ အရယ်အပြုံးဆိုတာ နည်းနည်းမှမရှိ။ တစ်ခါတစ်လေ သွားသေးသေးလေးတွေပေါ်အောင် ရယ်တတ်တာကလွဲရင်။ တစ်စက်ကလေးမှ ချစ်မွှေးမပါတဲ့ ထိုအကောင်အား မတွေ့ရရင် လွမ်းတတ်ပါတယ်လို့ပြောရမှာ အောင့်သက်သက်နဲ့။