မနက်အစောပိုင်းမို့ ကော်ဖီဆိုင်လေးတွင် လူသိပ်များများစားစားမရှိသေးပေ။ ဆောင်းမနက်ခင်းဆိုသည့်အတိုင်း နှင်းတွေကလည်းဖွဲတဲတဲနှင့်ရှိနေသည်။ ဆိုင်ထဲဝင်ကာ ထောင့်တစ်နေရာကိုလှမ်းကြည့်လိုက်တော့ ရောက်နှင့်နေပြီဖြစ်တဲ့ နယူးယော့ခ်မှ ကျတော်၏ ဆရာ။ စားဖိုမှူးကြီး။ တစ်နည်းအားဖြင့် ဟန်ဆိုရာ၏ဖခင်။ ဆိုးလ်ကို ခေတ္တရောက်ခိုက် လေယာဉ်ချိန်မတိုင်မီ တွေ့ဖို့ ချိန်းဆိုထားခြင်း။
" Chef ကျတော်နောက်ကျသွားတယ်ထင်တယ် "
နှုတ်ဆက်ရင်း မျက်နှာချင်းဆိုင်မှာ ဝင်ထိုင်လိုက်တော့ Chefက သောက်လက်စ ကော်ဖီခွက်ကိုချကာ ခပ်ပြုံးပြုံးနှင့် ခေါင်းခါပြသည်။
" နောက်မကျပါဘူးကွာ။ ငါကစောနေတာပါ။ မနက်စာရော စားခဲ့ရဲ့လား ဆော့ဂျင် "
" ဟုတ်ကဲ့ စားခဲ့ပါတယ် "
" အေး အအိပ်အစားကိုလည်း သေချာဂရုစိုက်။ အလုပ်ထဲပဲနစ်မနေနဲ့။ ဒါနဲ့ ခေါင်းကိုက်တာရော ဖြစ်သေးလား။ ဆေးရုံရော သွားပြရဲ့လား "
အလုပ်ခွင်မှာ အရင်းနှီးဆုံးဆရာတပည့်တွေ ဖြစ်ခဲ့ကြတာမို့ Chefက ကျတော့်အကြောင်းသိကာ အမြဲစိုးရိမ်ပေးတတ်သည်။ တစ်နယ်တစ်ဝေးမှာ ခေတ္တခိုလုံခွင့်ရခဲ့တဲ့ မေတ္တာရိပ်ဆိုလည်း မမှားပေဘူးပေါ့။
" Chefကတော့လုပ်ပြီ။ အဲ့လောက်ကြီးစိတ်မပူပါနဲ့။ ကျတော် ဂရုစိုက်ပါတယ်။ ခေါင်းကိုက်တာကလည်း အဲ့လောက်ကြီးမဟုတ်ပါဘူး "
" ပြောတာပဲ။ မင်းအကြောင်းငါမသိရင်ခက်မယ် ဆော့ဂျင်။ ကျန်းမာရေးတော့ ဂရုစိုက်ကွာ။ မင်းတို့လူငယ်တွေက တယ်ခက်တယ်။ အလုပ်ကြိုးစားတာကောင်းပေမယ့် ကိုယ့်ကိုကိုယ်လည်း ဂရုစိုက်ဦး "
Chefက အစစအရာရာသတိထားတတ်သူပီပီ စိုးရိမ်စိတ်တော့ကြီးသည်။ ကျတော် အလိုက်သင့်ပဲ ခေါင်းငြိမ့်ပြလိုက်၏။
