ဖြူးကနဲ ဖြတ်တိုက်သွားသည့် လေအေးတချို့ကြောင့် မှန်ပြတင်းပေါက်၏ဆွဲတံခါးလေးကို ပြန်ပိတ်လိုက်သည်။ တစ်ဖက်ကပြတင်းပေါက်ဘောင်ပေါ်တွင်တော့ နှင်းခဲများက အဖွေးသားနှင့်။ ဆောင်းအကုန်မို့ စီးနှင်းတွေက အစွမ်းကုန် နေ့ညမရွေးတဖွဲဖွဲကျဆင်းနေသည်။ လမ်းမထက်တွင်လည်း စီးနှင်းများပြည့်နှက်နေကာ မြင်မြင်သမျှဟာဖွေးဖွေးဖြူကာနေ၏။ အိမ်ခေါင်မိုး၊ ခြံစည်းရိုး၊ သစ်ပင်တွေနှင့် ကားတွေပေါ်ထိ စီးနှင်းများကအခန့်သားနေရာယူထားသည်။ နှင်းများကြားက နယူးယော့ခ်၏ ဆောင်းနံနက်ခင်း။
ဘာရယ်မဟုတ် ကျတော်တစ်ချက်ပြုံးလိုက်မိသည်။ သေချာကြည့်မိတော့ ယွန်းဂီပြင်ထားတဲ့ ကျတော်တို့အခန်းကလည်း အဖြူအတိနှင့်ပင်။ တလောကလုံးဖွေးဖွေးဖြူနေသမျှဟာ ဒီအခန်းထဲထိပါလား၊ အထူသဖြင့် ကျတော်ဝတ်ထားတဲ့ ဆွယ်တာကပါ အဖြူရောင်ဖြစ်နေခြင်း။ ထိုသို့တွေးလိုက်မိခြင်းကြောင့် ကျတော်ပြုံးလိုက်မိခြင်းဖြစ်သည်။ အဖြူရောင်ကန့်လန့်ကာနဲ့ အဖြူရောင်အိပ်ယာခင်းကတော့ ကျတော်သဘောကျတဲ့အရာတွေထဲက တစ်ခု။ ဒီနေ့အတွက် ကျတော့်စိတ်ရော၊ ကိုယ်ရော နေလို့ကောင်းနေသည်။ အစောကြီးပင် နိုးနေခဲ့သည်မဟုတ်လား။ အပြင်ဖက်လောကဆီကို ငေးနေမိတာပင် တစ်နာရီလောက်ရှိရော့မည်။ ယွန်းဂီကတော့ အပြင်သွားနေတာဖြစ်ပါလိမ့်မည်။
အခုရက်ပိုင်း ကျတော့်မှတ်ဥာဏ်တွေ ကြောက်စရာကောင်းအောင် တစ်စတစ်စချို့ယွင်းလာနေသည်မို့ နေ့ရက်တိုင်းက အိပ်မက်ဆိုးတစ်ခုနဲ့တူလာခဲ့တယ်။ ဒီအလုပ်ကိုလုပ်ပြီးပြီလား မလုပ်ရသေးဘူးလား စဉ်းစားမရတော့တာမျိုး။ မနက်အိပ်ယာနိုးရင် မနေ့ကဖြစ်ပျက်ခဲ့သမျှတွေကို မမှတ်မိတော့မှာမျိုးကို ကျတော်ကြောက်ရွံလာတယ်။ တဖြည်းဖြည်းနဲ့ အမှတ်တရတွေကိုမေ့လာမယ်။ မျက်နှာတွေကိုမေ့လာမယ်။ အထူးသဖြင့် "သူ"။ သူ့ကို ကျတော်မေ့သွားခဲ့ရင်။