#عادل
جزء 1
احيانا الضروف تحكم ع الواقع والشخصيه .وتفرض سلطتها ع تصرفاتنا … من لحظة دخولنا للعالم المادي تنفرض علينا ابأئنا وامهاتنا ..او ننفرض احنا. عليهم
اسمي عادل مواليد 1983 ولدت بضروف معاكسه كلش زوج ممقتنع بزوجته وام شخصيته مسالمه متقوقعه ع نفسها بدات ذكرياتي بيت جدي بالخالص بديالى ذكريات حزينه عرفت امي منفصله عن ابويه بعمر الست سنوات م̷ـــِْن بديت افهم واسأل عن ابويه مجان اكو جواب ..بعدين كبرت وعرفت الحياة حلوه بطبيعتها وبﮔاعها ومزارعها حبيت كل شجره ونبته وخضار
عشت فتره بدون كلمة بابا رغم ان جدي وخالي موجودين خالي طبعه جاف
المفروض ما اتقرب لٱولاده او ازعجهم وحسسني اني مواطن م̷ـــِْن الدرجه الثانيه ....حقه ميحترمني أإأذأإأ ابويه رافضني
جدي همه ﮔاعه وبستانه وزرعه ..جنت اشتغل وياهم وامي تفرح بشغلي بالزرع تشوفني كبرت بعينها ..كبرتني قبل عمري ...
.دراسه ماكو بوكت الناس جانت همه العيشه مو التعليم
اتوفى جدي ومثل اي طفل ما يعرف شنو معناه الموت ..حزنت لان امي وبيبي يبچن ومنظهرهن يقهر ..
اذكر بايام الفاتحه اجه رجال مو جبير كلش سأل عني ومن شافني حضني وباسني وكلمته ترست اذني( هَــْـِْـْْـِلاّ بالبطل )… .
جنت متفاجأ بيه ....اول مره اشوفه…
بعيوني سؤال م̷ـــِْنو انت؟!
قرا الي بعيوني ..وجاوبني. اني عمك ابو محمد
ما تعرفني مو ؟وضحك
عفته ورحت واني طاير م̷ـــِْن الفرح مثل الطاووس نافش ريشه ...اتباهيت بيه ويه نفسي،المكسوره
خلصت الفاتحه ..والاقارب رجعوا. لمناطقهم ..الرجال ما شافته م̷ـــِْن راح اتمنيت اودعه ويحضني واشوف نظرة العطف بعيونه .
ما سألت عليه خفت م̷ـــِْن خالي ..وامي اصلا ما اكدر افتح وياها اي موضوع عن اهلي ..
احس بيها تنقهر وتنزعج ..تحاول تصبرني من بديت اوعى لتصرفات خالي وتفرقته عن اولاده. ..وتبرر اله موقفه حتى ما اكره ..اتمنيت يعاملني مثل ولده ..جان يحچي ع ابويه هوايه ..
اسمعه احس انذل واضوج رغم اني مشايف والدي ..
ورا الوفاة بفتره رجع عمي ابو محمد
يريد يرجع امي لابويه وخالي فرح وبيبي فرحت اكثر ..امي تبچي ..اذكر كالت الهم تردون تخلصون مِڼـّي وترجعوني اله ..
بيبي تصبره تكله لخاطر عادل ..جنه يتيم
جنت. اتفرج ع حواراتهم ونقاشاتهم ..اسمع وافهم الي حجوه ابويه اقارب امي وميريدها او بريدني،..عافها وعمري سنه ..وهسه 8 سنوات
القرار مو بيدي او بيدها ..ناس تريد تلم شملنا وناس مصلحتها ارجع لاهلي
بالطريق لاهلي جنت اودع كل زرعه هناك عيوني تشبك كل شجره ونخله حبيت البستان اكثر م̷ـــِْن ناسه ..النهر الصغير جان يلحگ السياره واني وگفت اباوع عليه من الجام لازمه بايدي…. احس روحي لازمه المي ..ما عرفت ارجع بعد لْـۆ لا
عمي فرحان بيه واني فرحت بيه بداخلي بس اتعلمت اضم كل مشاعر جوا ..اكبتها بداخلي تعويد المسأله واتعلمت عليها
