#عادل
ولدت امي ضرغام… ما اذكر فرحت ..حزنت ..امي التهت بيه احسها فرحانه ويات .. فرحت لفرحتها خلال هاي الفتره صرت بصف ثاني ..متأخر 3 سنوات ..وضخامتي مسببه الي ازعاج واسئله هوايه من المعلمين والمعلمات واستفسارات منهم اجاباتي ثگيله وقليله ما احب احجي القصه… ..
عمي ابو محمد انتقل لبيت وحده ..وعمي ابو ثائر راد يرمم البيت لان قديم فانتقلنا لبيت ابو محمد خلال فترة البناء
طلبوا م̷ـــِْن ابويه يخلينا وياهم الى ان يكتمل البيت .
رفض الفكره بصياح وعصبيه وﮔلهم اتحملوهم انتم جبتوهم
كبرت ف وعرفت اميز الكلام وانقهر ع امي م̷ـــِْن اشوفها
كانوا حاسبين حسابنه ويه ابونا. فوجودنا بالنسبه لابو ثائر تقله عمي ابو محمد يحبنا ومتعاطف ويانا وزوجته تساعد امي وتحبها
امي تشتغل بالبيت واكثر الاعمال تسويها برحابة صدر ....ما ادري طبعها هيج لْـو تخاف ع وضعها وياهم
مرت سنه وكمل البيت وانطونا بيه غرفه طالب بيها عمي ابو محمد تنازل عن نص من حصته بالبيت النه لان هو الي جابنا فتحمل مسؤوليتنا ..باعتبار ابويه اخذ حصته .. واعمامي كريم وتحسين… حصصهم بقت وياه للمستقبل
ابو ثائر انجبر علينا
نجحت وعبرت للصف الثالث بالعطله رحنا للخالص فرحت كلش مشتاق للبستان لكل زرعه هناك ولبيبي ..الباقين ما تركوا اثر بنفسي حتى اشتاق الهم
مرت شهرين احلى ايام سكنت البستان ..اكثر م̷ـــِْن البيت اطلع م̷ـــِْن الفحر ويه بيبي قبل خالي وولده ما نـًسّْيـت الشغل هناك بالعكس رجعت متلهف اله
رجعنا للعماره.. ما ردت ارجع ولا ابقى بالمكانين ما مارتاح حبيت اسكن اني وامي بالبستان بعيد عن الناس عن اهلي او اهلها 😔
ضرغام كبر وصرت العب وياه واحبه يضحك الي ويسميني بابا .بداخلي صرت مثل ابوه اعوضه عن الي ما شفتها م̷ـــِْن الابو
بصف الثالث اسجل ويايه اخويه م̷ـــِْن ابويه اسمه جواد جنت مبتعد عنه ..مثل ما تعلمت ابتعد عن ولد خالي…
مَـرّھٌ اجاني يبچي وگلي ولد ضاربه ..استنجد بيه… رحت حميت اله بيومها دخل ﮔلبي حسيت گلبه عليه ويحبني ..يعرفني اخوه…
