وصلت للبصره بالليل.. دعيت ربي يجمعني بيها ويطول بعمر عمي ابومحمد ..
مر اشكم يوم اتصل عمي تحسين ﮔلي ..
انت رايد هاجر ؟
سؤاله فاجئني معقوله هيج مرته بسرعه ﮔالته اله 😳
ليش ؟
ابو محمد خطبها الك
شنو "!!
اي اجوها خطابه ع
حمى كوثر وعمك حمه م̷ـــِْن يمها ﮔلهم رايدها لعادل ..
اخبار سريعه وقويه خلتني اصفن ..وبعدين
ردت اتأكد مـڼـڱ رايدها لو ابو محمد تصرف بكيفه
هي شﮔالت ..؟!
بعد شتﮔول ابو محمد ﮔال 😂
خلص الاتصال ..
ممتوقع هيج… عبالي اروح واﮔله اخطبها واﮔل لامي مو هيج مخطط
العصر ابو محمد اتصل… روح لخوالها الهم حق ربوها
عمي ع كيفك مو هيج ..هي خل تفكر
شتفكر شعدي ابيع اشتري… وين تلﮔه مثلك ..مااريد غريب ياخذها
اعرف بس هي هم الها رأيي
اسمع باجر تمر ع خوالها تترخص منهم .
..وتجي العصر انت يمي اتفقت ويه مله ناصر يعقد الكم
وراها فكروا انت وياها ع راحتكم… مع السلامه
مع السلامه جاوبته محتار
رد عليه خاب شبيك خايف لو ما مار عليك اشكال الوان ..صغير تستحي هم ﮔلي
مجاوبته .
باجر اتفقت وي بيت عمك ع كلشي بس تعال
ان شاء الله
مع السلامه
مع السلامه
ما اعرف افرح منتظر هيج لـحـظـــِھّ ; .. بس مو بهيج طريقه ..وهي جبرها ابو محمد اكيد استحت منه
هسه ظن اني ﮔلت اله 😰
الليل خلص نصه تفكير معقوله باجر هيج وكت هي حلالي
الفرح يمليني احس روحي طاير
الصبح بالشركه للظهر كملت شغلي ..ورا صلاة الظهر رحت لبيت جدها
خالها. اتعجب م̷ـــِْن شافني
دخلت للبيت ..
فتحت الموضوع وياه بعد فترة مجاملات
اتفاجأ معرف يجاوبني
ﮔلي هي بنتكم
وانتم ربيتوا وكبرتوا الكم حق
ﮔلي مانعترض
ﮔلت اله اريد اروح للباقين ..
ﮔلي اني احاجيهم ميعترضون
مع ذلك احترام الهم هم الكبار مو ؟
اي ابو احمد وابو نور
اخذني الهم أإأذأإأ مصير زحمه
صعد بالسياره وصلنا لبيت ابو احمد دخل قبلي وبعدين طلع دخلني طلعوا شباب اثنين وابوهم .
استقبلني وضيفني…..
جاي اخطب هاجر منكم
هي عدنا لْـۆ عدكم ..واحد م̷ـــِْن الولد جاوب
جانت عدكم وهسه عدنا ..والخال والد ..جاوبته بدون ما اباوع عليه
ابوه خزره
