صار هوايه مسامعه شي عن ابويه عادل حسسني كانما حي ورايحه اله … اثناء حجيه سكتت عشت لحظات ويه ابويه يحب الدراسه وجان ناوي يقدم لابن اخوه كليه ويشجعه ..
يمكن مخيبت ظنه ..حقيقه فرحت بداخلي… م̷ـــِْن ذكر عنه وعن ذكرياته ..خوالي ميججون بيه…
يمكن حتى ناسيه عِنـ.̷̷̸̷̐ـديّ صور قليله اله محتفظه بيهم ..
ﮔدر عادل يهدأني يحچي باحساس صادق واضحه بملامحه ..
فرض احترامه باسلوبه ..رضخت اله م̷ـــِْن طلب ابطل بجي ..ضحكني م̷ـــِْن شجعني بالبطله..
دخلنا الكليه ..تمنيت ويايه خالتي ، خالو ،مصطفى ..غربه مكان غريب وشخص اول مَـرّھٌ اشوفه ..
امشي وراه هو يتلفت عليه كل شويه ..جان يخليني ع جهه ويكمل شغله ..اخلصه انتظره
بيبي جانت تاخذني للمدرسه وتعبرني الشارع بالابتدائيه .بالمتوسطه توصي عليه البنات ..تحرجني هالﮓد خوفه عليه ..استلمت المهمه خلود ..بالاعداديه توصلني للمدرس الخصوصي وتبقى تنتظر عكس باقي الطالبات يرحون وحدهم
خلوني اعتمد عليهم
تركوني باصعب موقف تمنيتها ويايه
جان الخجل خف والارباك قل
م̷ـــِْن بعيد اشوف عادل اتقرب اله… جان طويل بشكل حلوو وانيق بلبسه لدرجه تجذب النظر
شكله بيه جاذبيه ..يمكن انتبهت عليه اول يوم م̷ـــِْن جان يلعب ويه الصغير
كملنا… ورحنا لبيت عمي ابو ثائر
جان عمي تحسين منتظرنا بالباب
استحيت ادخل صار هوايه ماجايه ..
ارتبكت اكثر م̷ـــِْن راح عادل ..اتمنيته يبقى ع الاقل اعرفه ووجوده يهدأني
التفتت عليه بعد ما طلب عمي تحسين ادخل
جان يراقبنا ..وفعلا دخل ويانا… سلم عليهم وهيأ الاجواء وبعدين اختفى
بعد الغدا عمتي ام ثائر عرفتني ع عائلتهم ثائر وماهر اولاد عمي مزوجين اذكرهم بدون زواج
هسه عدهم اولاد وبنات ..وبنات عمي الي بعمري كوثر والاصغر مروه … معرفتهم ..كبرانات
بالليل اجه عمي تحسين وزوجته واطفاله ..وعمي ابو محمد ..احبه واحب زوجته ..حبابه جانت تداريني،من اجيهم
راحوا واتصلت ع خالتي خلود سالتني،ع يومي واشون جان ..ومصطفى جان ضايج وممقتنع
اخر شي خالو علاء
صبرني وضحكني بسوالفه راد يخفف عليه اول يوم هنا😰
