دخل ابو محمد ﮔلي بعد شهر للدوام يخلص تجي وازوج
الحچي سهل جاوبته مقهور حييل
معليك هالمره تاخذه غصبا عليهم
طلعت منهم لبيتنا ..اتفقنا ماتروح الا تأيس مِڼـّي... شجاها
اذكرت الحلقه بأيدها 😰
ما ادري اشون وصلت لبيتنا...
ضرغام شصار ب بيت ابو محمد
ماجاوبته...
هاجر راحت لخوالها ؟
اي جاوبته مقهور
امي الله وياها ..البنيه هم ملت تريد ترتاح
ما علقت ع امي
وانت هم ارتاح وشوف نفسك ..
ظليت ساكت ..
بالليل ابو ثائر اجانا ..استغربت م̷ـــِْن جيته
سألني ع الشركه وفرع العماره يعرف رجال عنده سيارات حمل ..موصيه عليه ..حتى يشغل سياراته بالشركه
ﮔلت اله م̷ـــِْن يفتحون الفرع ..اﮔلهم
ﮔلي م̷ـــِْنو مدير الفرع هنا ؟
ادري بيه يحب مصلحته ..جاوبته ما عدي علم
يعني ما ينقلونك هنا ؟
ما اصور ..البصره اهم
ﮔال اذا يردون مدير ..لا تنسى اخوتك ولد عمك
ضحكت اله ..اخوتي منو ولد عمي منو ؟
مو هدوا عليه للبيت ؟
ﮔال لٱ تحقد انت هم اجاوزت ودﮔيت بيت ابوك
بيت ابوي ؟!داخله مره وحده بحياتي كتلني بيه كتله اخت الموت
راد يطلع ..ﮔلت اله الي ما عده ابو تذلونه تطيحون حظه
ما جاوبني
ﮔلت مو بناتك اثنين انخطبن ..ما حچى اخوك ما راد وحده ..بس هاي ابوها ميت واني ابويه متبري مِڼـّي
طلع م̷ـــِْن البيت ضايج
امي ليش هيج يمه عمك بدا صفحه وياك ليش تعيد المشاكل
عمي طامع ..عده مصلحه
يعني اشلون تخلصها تعاند ..ما تعبت
لا ما تعبت اخذت راحه ورجعت وهالمره احرﮔهم حرﮔ ..
حرام عليك شني ذنب هاي الناس هسه ارتاحوا واصالحوا
ضرغام دخل ..شكو ؟
ماكو شي ولا تدخل
شصاير ؟
امي ﮔالت اله يريد يرجع المشاكل ويه عمامه
ضرغام سكت
رجعت للبصره بالليل.. بس الاذيه هنا ولا ارتاحيت يمهم
الشغل بالشركه راحه نفسيه ردت اروح الها ..جنت متردد ما اعرف شأﮔلها ..وبيش اوعدها ..اعتمدت ع كلمة ابو محمد ترجع للدوام.... وافتح الموضوع 😰وترجع المشاكل
خلال ه̷̷َـَْـُذآ الشهر
اجيت للعماره ويه الحجي الشركه تقريبا المقاول كملها ...وباقي القليل
ﮔلي سميته فرع الجنوب ..قريب ع البصره انت مديره ..بس الاصل البصره
مثل ماتريد.. تﮔدر تروح وتجي قريب عليك
