ابو محمد اجاني جان خايف عليه
كون اذوك
لٱ بويه ..(يستاهل البويه)
حضني وبجى يرحون الك فدوه ..
خلصت عمري اتمنى بزر اذا مو انَــَتَ ..هاجر بنتي ازفها بيدي عليك
انا ابنك الاب الي ربى مو الي جاب
اي والله ابني الي ما خلفته
تحسين ﮕله راحوا ؟
لٱ ابو ثائر لزمهم ع الغدا
بويه عادل اسمعني هسه الوضع مشنج ..عوف سالفة العرس. اصبر
ضجت ليش اعوفها يعني لْـۆ خاطبها غريب يلعبون هيج عليه
امي ..انت اشجابرك عليهم مو جنت بغداد ما نشوفك ارجع هناك
ابو محمد ﮔله نصالحهم وتخلص
لٱ والله ما تخلص هسه بدت
اشكد اعوفها ؟اجاهلت حچي امي
خل يمر شهر تهدأ النفوس وينسون العركه
اذا اسكت تبرد السالفه اريدها هسه
تحسين ﮔله تره ما يستحون الولد عاقد عليها وهي قابله ..خل يولون ..ياخذها يزوج بغداد
مو عناد غير عمامها !
تحسين جاوبه واحنا شني؟!
لٱ تطيهم مجال خل يزقنبون وحاجيهم حتى يعرفون الولد مايعوفها الهم
ولا غيرهم كملت جملته امي مثل المحروك تكمز م̷ـــِْن مكان لمكان
رجع ابو محمد.. تحسين وجواد بقوا يمي اتصلت عليها مجاوب يمكن مشغوله بزقنبوتهم ماﮔدرت اتغدى زوجة جواد اتصلت تطمئن عليه
ﮔلت اله روح الهم
ﮔلي ما اعوفك وحدك
ما قصرت يالاخو
ابقى وياك الى ان اشوفك ماخذها
هههههه عبالي الي يخطب يزوج بسرعه
جاوبني
ههههههههه اي يزوج بسرعه بس حظك معاكس
اي صدك حظي عاكس
استغربت م̷ـــِْن سمعت رايد هاجر ادري بيك البنات والنسوان خارج دائرة اهتمامك
اني هم استغربت م̷ـــِْن نفسي هههه.
رايدها لان بت كريم؟!سألني
جاوبته
مره اني وياك جنه واكفين باب بيت ابوثائر.. العب وياه حمودي الصغير يضربني واضربه ومن يضربني اسوي نفسي متأذي م̷ـــِْن ضربته وهو مصدك يجي يمي يتأكد م̷ـــِْن سلامتي واضحك وياه جتي عيني ع بنيه بسياره ..تضحك ويانا... انتبهت عليها يمكن هذا الموقف ويه هاي البنيه حببني الها الصدفه ما ادري الحظ بقت بالي ..
البنيه هاجر ؟
اتصل ع
تحسين ﮔلي روح جيب بت المرحوم طالع... قبولها يمنه
عبالي مثل مع عفته طفله ..وحتى لو طالبة كليه
اتفاجات بيها نفس البنيه الي شفتها بالسياره ذاك الًيَوُمًِ
يمكن صدفه حظ ..بس عرفت •اللّـہ̣̥ جمعنا واحاول اكمل الي راده الله بعونه
الله يعينك وحقك ما تنلام عليها
صار العصر وعمي ما اجه ظل بالي جواد راح يشوف الاخبار
رجعوا ورا فتره ..عمي تحسين ﮔال والله مال حرك ابوك وجبيرنا
هَـاا شكو ؟
صار ساعات نتوسل تعبونا
