اني هاجر اتوفى والدي واني تقريبا عمري 5 سنوات ذكرياتي عنه قليله ما اذكر شكله او ملامحه
اذكر جنا بيت عمو ابو ثائر وجو بجي بس ذكرى مشوشه .وراها بفتره نفس المشهد اتكرر بيت جدي اهل امي هالمره امي راحت معرفت شنو موت ..جانت امي دائما بالمستشفى واني ابقى بيت خالي الجبير تاخذه بيبي وخالتي نوال اكبر منـِْهـ♡̨̐ـِْا ..
م̷ـــِْن توفت جانت نظرات الحزن بعيون الناس تلاحﮔني الكل يشوفني ويﮔول خطيه ..ربتني بيبي وعوضتني عن امي باهتمامها وعطفها وحبها عشت مدلل ه وياها
وكل فتره يزورنا واحد م̷ـــِْن اعمامي وزوجاتهم
عمي تحسين ينطيني فلوس بس بيبي متقبل ..
ومره ﮔلها هاي امانه م̷ـــِْن عادل
عادل الي جان كريم يحبه ومعتبره نص الثاني
اقتنعت ومعرت شنو عادل بالنسبه لابويه
..طلبوا ازورهم بالعطله بيبي متقبل ادزني اشكم يوم وترجعني ومن كبرت بعد م دزتني اصلا جانت تخاف عليه بده جسمي يتغير وملامح وجهي تحلى نضجت اكثر وحتى تبعدني م̷ـــِْن اهلي طلبت م̷ـــِْن خالو الجبير يخطبني لابنه. خالي عنده 2 ولد وبنيه ..الجبير اسمه احمد ومحمد وخمائل…
وضعهم زين بيبي رادت تطمئن عليه باعتبار بيت خالو احسن مكان يمكن الواحد يأمن بيه ع بنته ..
خالو الاوسط، ميدخل ازوج ورا وفاة امي ..عنده 3 بنات .وولد اصغر مِڼـّي جنت اعتبرهم اخوتي بعدين انتقلوا لغير بيت وانقهرت عليهم لان مرحت وياهم بيبي متقبل اعوف البيت لاي سبب فراشي يم فراشها. تخاف عليه م̷ـــِْن كلشي
خالتي نوال اسميها ست الحبايب ..تحبني موت وتشتري الي دائما عدها 3 ولد علمتهم انو اني اختهم واحد اكبر مِڼـّي والثاني تقريبا بعمري واللاخ اصغر مِڼـّي ..معتبرين نفسنا اخوان . خالي الاصغر ..ازوج م̷ـــِْن كبرت جانت احلى مناسبه شفتها وفرحه جبيبره بالنسبه النا
ابن خالي احمد مرات يجينا احسه يحاول يتقرب الي يطلب مِڼـّي مي او جاي او اي. حاجه حتى يشوفني جنت معتبرته فارس احلامي ..وزوج المستقبل والشاب الوحيد الي بحياتي رغم اني محاجيه وياه بامور عاطفيه لو غراميه ..م̷ـــِْن اشوفه انهزم لان استحي ..
وصلت للخامس اعدادي اتمرضت بب
بيبي واتوفت ونفس الاجواء الي شفتها م̷ـــِْن راح ابويه ومن راحت امي انعادت ..وكتها عرفت ..ه̷̷َـَْـُذآ عزاء جبير ووداع بدون رجعت
بجيت صدك واتاثرت.. صرت بدا امي الطم ع بيبي ويه خالتي نوال ..
فترة حزن مرت ثﮔيله بالبيت صعب انساها ..امي هي وابويه واهلي ..
ورا سنه او اكثر. خالو خطب لابنه احمد
وحده غريبه امه جابته اله ..
بالبدايه جانت صدمه ما عرفت اشون اتصرف وياها…
خالتي نوال عاركت خالي
لان كسر حجاية امه
وحجت ع احمد… لان مو رجال ومعنده كلمه
خالو الاوسط ابو نور يهدأ بيها…
احسها اتهسترت… وضاجت اكثر مِڼـّي…
قهرتني
صبرت عليها كلشي قسمه واني اصلا ما احبه او افكر بيه هو. انفرض عليه م̷ـــِْن بيبي
بداخلي انكسرت ..اذكرت تصرفاته م̷ـــِْن يجينا وكلامه الي يسمعني اياه أإأذأإأ شافني
م̷ـــِْن اول م شبيت الى الان هو الوحيد الي اعتبرته مثل اي مراهقه فارس احلام
مشت الامور واحمد ازوج وحضرت عرسه حتى اثبت اني ممتأثره
خالتي نوال م راحت… رحت ويه خالي ابو نور وبناته
الموقف صعب بس ردت ﺂايس والجم نفسي م اثق لاي شخص
شفته م̷ـــِْن زفوا ..ومن طلع وسمعت ضحكاته ويه جماعته ..م̷ـــِْن طلعنا
رجعت مكسوره يمكن امه رفضتني لان بدون ام وابو وعائله💔
خلصت الاعداديه وانقبلت كلية تربيه علوم كيمياء،بغداد ..خالي رفض اروح لبغداد وخالتي خافت عليه
حجتهم انا امانه عدهم يعني لْـۆ اهلي موجودين جان قبلوا ..اني هم ما اكدر افاركهم اتقبلت يقررون مصيري .رادوا قريب عليهم وانقبلت تربيه انكلش عماره
وجوهم تسائل مجرد صدفه هاي لو القدر لعب لعبته
رفضت اروح لاي مكان
قنعوني بقسم داخلي ويايه بنات ..ظلت خالتي كل يوميه تزن براسي ..
قبلت حتى افك م̷ـــِْن زنها
قدمت اوراقي للجامعه انا وخالي علاء
طلبوا مستمسكات خاصه بوالدي.. اتصل ع عمي .اجانا
جان فرحان بيه م̷ـــِْن رجعنا وصلنا لبيتهم جان الوكت متأخر ..دخلت سلمت عليهم وطلعت عيونهم مركزه عليه صار اشكم سنه مجايه طلعنا م̷ـــِْن للبيت السياره وظل خالو اسعد وعمي تحسين يسولفون ..انتبهت ع اثنين شباب اجوا م̷ـــِْن الجهه الثانيه ..ووكفوا كبال بيت عمو ابو ثائر..
واحد عمره ب 30 واللاخ اصغر الجبير مرتب بلبسه وقيافته .. جان يلعب ويه الطفل ..يسوي روحه واكع المشهد ضحكني اندمجت اتفرج جان ينتبه عليه ويتبسم الي ..استحيت ودرت وجهي
يتبع
