محد طلع منهم بس سمعت صريخ جهال.. ونسوان ..
التموا عليه صاروا فوﮔاي لزموا ايدي ما ادري اشكم واحد ..شفت ضرغام وتحسين فوﮔاي وجواد يجر بالمسدس ابو محمد يصيح عليه ..
شجاك تخبلت
صعدوني بسياره جواد جان يسوق
والله اكتل وانكتل هاي نهايتي بس اجرهم ورايه ..ما اخلي اغم ميت ميت اني ابو. محمد يصيح عليه اسكت..
وصلوني لبيت اهلي ونزلوني لازميني
اتصل ابويه ع ابو محمد وابو ثائر متحلفين بيه
ﮔلت الهم هدوني خل اروح ..ردت مسدسي ما انطونياه
جنت منهار واصيح عليهم ضرغام وجواد يغسلون بوجهي ويشربوني مي ..
امي تقرأ ايات عليه
هسه اخذها واروح والله اﮔلبها عقل ماكو ....ومن موت ما اخاف ..
ديله. روح خل يكتلونك.. عبالك ماعدهم سلاح
هم رادوا هيج اصير ضرغام ﮔله
يغارون منه ..
... عبالهم خايف منهم ساكت صار اشكم شهر
مو هسه تروح الهم
أإأذأإأ مو حار. بحار ما تخلص
عمي محتار ياطلابه الماتخلص
راح لبيت ابو ثائر ﮔلهم لٱ تعوفونا حتى لْـۆ تربطونه
امي كل اشويه ذابه عليه شي يبردني
لازمه ايدي فدوه يمه لخاطر اخوك
ما حاجيتها جنت اتنفس ﮔوه
ابو محمد اتصل ع تحسين ..
تحسين وجهه تغير.. ڱڵـه خل يولون شني نطي الهم
ﮔلت اله شكو
ماجاوبني
طلع بره ﮔمت وراه ضرغام وجواد كدامي يرجعون بيه
رجع تحسين شكو سألته
هيج ماكو شي
دفعت ضرغام وجواد ورحت اركض حافي لبيت ابو ثائر ...
دخلت عليهم
ابو محمد بيده عصى ضربني بيها ارجع
شكو
ابوثائر اطلع بره تتهدد ع نسوان وجهال ..
ﮔلت اله انَــَتَ السبب مو خير ابد
دفعني ابو محمد ولك كافي اجاني ثائر ضربني م̷ـــِْن ورا
التفتت عليه ضربته ع وجهه ابو ثائر ﮔلي ابقى هنا جايينك الولد
دخل جواد وتحسين يدفعون بيه
صارت هوسه جايين ولد ابو سعد وولد صباح بيدهم اسلحه. وعصي
التموا عليه بالصاله سحبوا جواد وضرغام بره وتحسين وابو محمد
اذكرت وضعي بالسجن م̷ـــِْن جنت وحدي بالحمامات والﮔزازه الي انطاني اياها رعد
جنت صغير وخايف وهم كبار وهوايه
اتضاربنه الي الزمه افقد بيه ..دخل تحسين وضرغام ..يعاركون ويايه ابو ثائر يﮔلهم
خل يأدبونه ..صار دفع طلعت م̷ـــِْن الباب الي يدخل ع البيت ..لازميني اثنين ثائر وابن ابو سعد يضربون ومهند استغل وجودهم واجه عليه سحبوني للغرف الجوه اسمع صوتها عوفوه ..صوتها بيه رجفه كررت عوفوه اجت ورايه...
صحت بيها ارحعي
ضربت مهند ع خشمه. التهى بيه وثائر دفعته ع الكنتور بيه مرايه انضرب بيها واتكسرت لزمت الثاني نمت فوﮔاه جتني ضربه ع راسي ..وعيت اني بالبيت وامي يم راسي تبجي عليه
