حضرت عشاه ..واخذته اله جان بالصاله سابح ومبدل ملابسه… صدك حلوو 😂بﮔلبي اكول وين خالتي خلود 🙊تجي تشبع قهر… الضحكه خانﮔتني
ﮔام اخذ الصينيه مِڼـّي ..م باوعت عليه
رجعت غسلت الطرمه… لان عمو تحسين مسوي غدا باجر
كملت الغسل
ردت ادخل جوا طلع بالصينيه
دخلها للمطبخ ظل يغسل
دخلت اغسلها
… ماكل قليل…
سألني اشوكت اجيتي .؟
قبل اسبوع
منو جابج ؟
خالو علاء
رن جهازه استغليته فرصه .دخلت جوا شفت عمتي بالصاله
عمتي هَـا يمه كملتي
اي (كلمة يمه مسامعتها هوايه ناسيتها )
سودا عليه هواي عليج ما خليتيني اساعدج
نمونه هن مواعين ميتعبن
جنت اقرأ قرآن م̷ـــِْن اجه عادل وما ﮔمت اله كل مره ما يتعشى ..
ما اكل قليل…
ادري بيه يجي متعشي متعلم ياكل برا…
يمكن راد ياكل م̷ـــِْن ايدج شافج فرح بيج
مجاوبته…
يحب المرحوم كلش… .محتفظ بملابسه .صوره وكتاباته ..
بخانته
حسيت قربت ع اشياء ابويه ..ردت اشوفهم
م̷ـــِْن وعيت للدنيا ماكو شي منه يمكن لْـۆ امي موجوده جانت احتفظت باشياء
دخل عادل بيده كلاص جاي ..ﮕعد يمنا .
اتمنيت اجرأ واطلب منه اشوف الي عنده لابويه… او عمتي تفتح الموضوع
سولفوا ع عزيمة باجر ..عمو تحسين وزوجته نوال جوا يمنا…
بقينا ساعتين سوالف ....ردت اكوم ..حسيت بغربه مو مثل ويه خوالي وعوائلهم متعلمه عليهم…
اتمنيت تخلص الكليه بسرعه وارجع… اتحمل مصطفى امري ل الله ولا هالوحشه
نظرات عادل تربكني… ..الظاهر يحب ابويه هوايه… اكوم احسن ويه نفسي احجي ...ا
استحيت اكوم ..حسيتها مو م̷ـــِْن الذوق وتالي ربي😰
اتحملت ربع سَـآعــهْْ ثانيه
ﮔامت نوال ..ﮔمت وراها… دخلت لغرفة عمتي ..دخلت ورايه
انَـỲǑŲـْتي نامي ع الجربايه وانا افرش يمج
بكيفج عمه
صاحت الي نوال صعدت الها فوك
مو وكت نوم انَـỲǑŲـْتي مضايقه… انتبهت الج
لا بالعكس
يمكن لان متعلمه ع بيت ابو ثائر
يمكن
تره عادل اريحي مو غثيث حباب
وما يبقى هواي باجر يرجع بعد شهرين او اكثر حتى يرجع.
م علقت
اشوكت يزوج… ؟
منو ؟
عادل
ههههه خل يخطب وبعدين يزوج
صرت مثل الثوله يمها
اخاف اﮔلها خاطب ويطلع جذاب مصطفى ..معقوله اهله ميدرون بيه خاطب
صدك هاجر هم يردونج.. مخليه عينج ع احد او واحد مخلي عينه عليج
هههه اشمدربني يمكن احد مخلي عينه عليه وما ادري
ضحكت لعبت ويه الصغار
اجه عمو تحسين ..
نزلت عمو تحسين طلب مِڼـّي ابقى انام فوك أإأذأإأ اريد
ﮔلت اله لا يم عمتي
نزلت جوا
صاح الي عادل للصاله ترددت رحت بخطوات ثﮔيله
جان ﮔاعد وماد رجليه ويمه اغراض،..
تعالي ..اشر ع مكان كبالها
خطواتي صارت اثﮔل جنت اباوع ع شغلات جنه قديمه
ﮔعدت ﮔباله
انطاني ملابس مصفطه قمصان وبناطير وبلوزات ويلگات
خلاهم بحضتي
اتلمستهم ملابس بابا ..اول مَـرّھٌ الفظ اسمه احسه موجود
انطاني جيس بيه چفيه
ﮔلي هاي نساها عدنا بوحده م̷ـــِْن جياته ضميتها ..م̷ـــِْن مات احتفظت بيها بجيس حتى ريحته تبقى يحجي بغصه
شميتها نزلت دموعي ع ريحته
طلع صوره جان بيه ضاحك بعفويه
ﮔلي انَـỲǑŲـْتي بحضنه واني ه̷̷َـَْـُذآ بصفه
كان يسميني ابو هاجر
