عادل : اتصل تحسين وطلب اجيب هاجر وحچالي ع قبوله بكليه يمهم…
اتفاجأت هيج كبرت وصارت بالكليه…
لْـۆ عايش ابوها اشكد راح يفرح بيها 😔..
بالبدايه اترددت اروح الها.. بس اذكر ابوها… واﮔول ويه نفسي مشتاق لاي شي منه ..هاجر قطعه منه
وصلت لمنطقتهم ..مسافه مو بعيده عن شركتنا…
استقبلني خالها… .مبين عليهم ضايجين عليها انتظرت فتره وطلعت… صدمتي اكبر م̷ـــِْن اذكرتها… نفس البنيه الي جانت تتفرج علينا اني وابن جواد…
سيطرت ع نفسي ...
لمحت الي عيونها حمر… هوايه باجيه
قهرتني… يتيمه حاس باليتم مرات 😰
جان اكو ولد وياها الظاهر متعلق بيها… سلم عليه م̷ـــِْن ورا خشمه
ما صدﮔت تصعد حتى نروح ونطلع م̷ـــِْن اجواء،الحزن والوداع
حركت السياره ..وعدلت المرايه باوعت عليها جانت تباوع م̷ـــِْن جام السياره ..ودموعها تنزل
ذكرتني م̷ـــِْن اجيت م̷ـــِْن ديالى جنت اودع الاشياء الي احبها بعيوني اشبﮔها حتى تبقى لازگه بيها ..ومن اشتاق الها اطلعها بلكي ارتاح…
مشيت مسافه ..جنت كل اشويه اباوع عليها ..متشبه عمي تشه امها اكثر بيضه وعمي حنطاوي خشمها مگطوم مو طويل… لايگ لوجهها وخدودها
عيونها مورمات يمكن يشبهن عيون عمي
ارتاحيت ويه كل نظره فحصت بيها وجهها
تدرين ابوج يشكد يحب الدراسه…ويفرح بيج م̷ـــِْن تكملين
باوعت عليه ورجعت دنﮔت جانت تغمض بعيونها وتحس بيهم ..
البچي قل ..ياريت لْـۆ تبطل بچي
اتصل تحسين وسألني
ﮔلت اله بالطريق…
وگفت السياره يم محل نزلت ..بقت تباوع بعيونها تسألني ..ضحكت الها فرحان بيها ..
جبت الها تشكيله حلويات وعصاير ومي
..رجعت حركت السياره
شربت مي
يمكن جانت عطاشنه كسرت خاطري ذبيت حسره
ردت ابجي اذكرت عمي كريم ..يمكن روحه ويانا هسه
رن تلفونها…
جاوبت وبعدين سكتت ظلت تبجي…
باوعت عليها ..طلعت روحي
حجت ويه خالتها. ..
خلصت المكالمه ..
يارب بعد محد يتصل حتى متبجي
كافي بچي… بالعطله ترجعين ومن تشتاقين الهم وداعة ابوج نجيبج الهم ..
رايحه. لاهلج ويحبوج ويعزوج
مثل روحهم بنت كريم انتي
جانت كلها تحبه
طلعت مِڼـّي حسره چبيره
احس هدأت .تنفست طويل
دموعج غاليه ..رجعت اباوع ع جامة السياره درت وجهي حسيت روحي عفوي
رن جهازها باوعت عليها م̷ـــِْن المرايه ..بلا بچي بضحكه…
هي اتبسمت خفيف يمكن جاملتني…
حجت اشويه اكو نبرة حزن باوعت عليه م̷ـــِْن المرايه
ﮔلت اله. اي عفيه بالبطله بلا بچي
ابتسامته ..صارت اكبر
سدت التلفون
گلت
يا اللّـہ̣̥ ..
الساعه اجاوزت ال11 الصبح بعد تقريبا سَـآعــهْْ حتى نوصل اتصل تحسين وطلب يحجي وياها
جانت تجاوبه بامور الكليه والتقديم ..انطتني النقال وﮔلت الي يريد يحاچيك
ﮔلي اطلع ﮔبل للكليه تسلم مستمسكاتها لان متأخره ..
جاوبتها
سهله ،
باوعت الها ...نروح للكليه ؟!
جاوبت اي
صدفه حلوه
جان ابوج يريدني اكمل كليه يمه بالبصره واتمنى يطلع قبولي يمه حتى يساعدني بالتقديم وبنى مستقبلي بدقائق
.
هسه اني اقدم لبنته وبالعماره
مااعرف اشون سيطرت ع عيوني
بس الحزن ملا وجهي جنت اتلافى عيونها الي راقبتني مذهوله
جاوبتي الله يرحمه😔
ويرحمنا…
حتى تعرفين لَيــِِْش ما اريدج تبچين
ابوج جان سندي ظهري
الحزن انتقل منها الي هي سكتت واني المواجع هاجت
وصلنا للكليه
قدمت اوراقها ..جانت تمشي ورايه ..
الكليه هوسه مليانه طلاب…
جنت اخليها ع جهه م̷ـــِْن اروح لمكان يدزوني عليه ..
ارجع بسرعه الها حتى لا تستاحش م̷ـــِْن اشوفني،من بعيد تفرح ..
وتجي الي… كملنا التسجيل ..
اتصل تحسين حت يجيني
ﮔلت اله ماكو داعي كملت
ﮔلي جيبها لبيت ابو ثائر
ليش مو لبيت ابو محمد
ماكو فرق عادل
اكو فرق ابو محمد الجبير ووحده بالبيت محد عدهم
اشبيك عادل.. كلها البيوت الها ..بيت ابو ثائر بيت جدها
م اقتنعت ..ضجت م̷ـــِْن هالسبب
الوقت تأخر
صارت سَـآعــهْْ تقريبا 2
صعدنا بالسياره…
شكرا ﮔالت الي
واجبي افضال ابوج مغرﮔتني
وصلنا لبيت ابو ثائر…
جان تحسين بالباب ..استقبلنا. سلم عليها
نزلت الجنط للباب ورجعت للسياره
هي واگفه بالباب يمكن جانت تتوقع ادخل وياها
صاح الي تحسين وين رايح ؟!"
لبيتا
تَعاّإاّإلّ هنا تغدا وروح
شكرا ابو حسوني ..
باوعت الها ..متفاجأه تحسين يدخل بيها متردده تستحي،
بقيت واكف ..م ﮔدرت اصعد بالسياره
رجعت باوعت الي ..رجعت الهم ..
حسيت بيها متردده لان متعرف احد ويمكن الساعات الي خلصتها وياها اطمئنت الي
دخلنا سوا كلنا سلمت عليهم وطلعت
بتبع
