تقريبا اتعودت ع وداع الاحبهم الاحساس ه̷̷َـَْـُذآ تكرر هوايه وعشته مرات كل مَـرّھٌ اتأذه بيه . انتظرت تمر الايام حتى انسى واتعود ع الوضع الجديد…
مساجين رادوا يتقربون الي جاملوني ..ابتعدت ما ردت اكرر المواقف الحزينه ..مدتي بعدها 10 سنوات بانتظاري مواقف بعد
عقيل متركني يدز عليه ويسليني جنت اصفن فوجه واتوقعه يتركني وينقل ..صرت اوتقع بس الاسوء
ابراهيم اصيل متركتي زيارات متكرره ويجيب الي اغراض جنه نحتاجها م̷ـــِْن جنا سوا
وكل زياره يضحكني وينسيني همومي يصبرني ..اكثر م̷ـــِْن زياره اجه وياه ابوه ..حبيت الرجال .احترمته جان محترم ومحبوب يشبه عمي ابو محمد
هاي الفتره تعبت اتمنيت ابقى بالسجن الي جنه جحيم ولا اطلع وانا بتهمه ممسويها ..
م̷ـــِْن افكر بهذا الموضوع ينشب دماغي اتعب اكره نفسي
احاجي رَبّـ❤ـيٌ انَـَY̷̳̜̩̐̌̋O̷̳̜̩̐̌̋U̷̳̜̩̐̌̋ـَتَ موجود مو تدري مظلوم ساعدني 😞
وب ليله م̷ـــِْن الليالي نمت مقهور مثل كل ليله ..فزيت ع واحد يصيح بأسمي التفتت ع مصدر الصوت جانت بقعه مو م̷ـــِْن السجن تختلف بمناظرها واشجارها وڪاعها رحت اله جان اشوف عمي كريم اقتربت منه لزم ايدي وسحبني مسافه فتح باب السجن ووصلني للشارع العام ..وبعدين راح لجهه ثانيه ..صحت عليه ما التفت ركضت ورا اختفى
فزيت مذعور ...
احس نفس كريم يمي اتلفت ..
اشتاقيت اله اتمنيت برا السجن واحضن ﮔبره
ورا ي م̷ـــِْن الحلم عقيل صاحني رحت اله شكله فرحان… جان يمه فؤاد ..م عرفت افسر وجههم اثنينهم
ﮔلي .: عادل اجاك الفرج
سمعت الكلمه توقفت كل حركه بجسمي ..
لزموا حراميه واعترفوا ع هوايه سرقات .م̷ـــِْن ضمنها سرقه بالعماره لتاجر ..طلع ابوك ..واجانا كتاب بالافراج عنك فوري
كلبي ميشتغل عقلي ممصدك
اعتبرته حلم غمضت عيوني…
مثل حلم كريم يمكن تخبلت ضغط ع عِنۋۋۋ♡̷̴̬̩̃̊نيّے وبجيت ع نفسي…
اتخبلت
هزت جتفي ايد هزه قويه ..عادل تسمع جان صوت فؤاد
عقيل انطاني مي اشرب .وكعدني ع كرسي
دخل عمي ابو محمد وتحسين.. شبكني ويبجي
ﮔلت الهم متأكد م̷ـــِْن براءتي ..ودعيت الله يفرج عني
بس ه̷̷َـَْـُذآ حلم ..قبل يومين اجه كريم وطلعني م̷ـــِْن السجن وبعدين تركني
هاي احلام يمكن تخبلت
تحسين كلي ;
اطلع كمل حلمك برا يضحك ويحس بدموعه
جرني وانا اتلفت ع فؤاد وعقيل متعجب
كلت الهم هيج خلصت
ضحكوا الله وياك
عقيل روح كمل دراستك
اشكم يوم نزورك
فعلا طلعت وصلت للباب التفتت ع الجهه الي راح منـِْهـ♡̨̐ـِْا كريم رفعت ايدي سلمت عليه وودعته احس روحه موجوده ويايه
وصلت للبيت منظر امي كسر كلبي ممصدكه بس تباوع بعيونها فرحتها ماليه وجهه
صارت هوسه ناس التمت وهوايه معرفتهم كبرانين
ضرغام يستحي مِڼـّي جواد كبران جان يمي ممصدك لآزٍمٍ ايدي
بالليل شفت اغراضي ومن ضمنها الصور اخر صوره النا سوا ملابسه اضحك واحزن وافرح وابجي مشاعر مختلطه بدقائق
ورا يومي اتفاجأت بزياره فؤاد وعقيل النه عقيل جان فرحان وفؤاد مستحي مِڼـّي
اعمامي مستغربين لجيتهم لبيتنا رتبتهم ووياهم حمايه ..بدوا يحمدون بيه كدام اعمامي ..وذكروا شجاعتي واخلاقي
م̷ـــِْن طلعوا عقيل ﮔلي تﮔدر تاخذ تعويض ع مدة الحكم باجر اروح للمحكمه ونسوي الك دعوه ننتظرك هناك اتفقت وياه
يتبع
