امي خفت دموعها اشويه زوجة عمي ام محمد تصبرها وتواسيها ..عرفت بعدين انو عمي ما عن اطفال واللقب احترام اله ولزوجته جانت حبابه وطيبه ومن اقاربنا
وصلنا للعماره لبيت جدي ..بيت جبير و قديم جدي متوفي وبيبي متوفين قبل فتره مو طويله والاخوان عايشين بالبيت الجبير عمي ابو محمد .الي هو اكبرهم وبعدين عمي ابو ثائر عكس ابو محمد تماما ..جاف ومشاعره بارده ذكرني بخالي نظراته النه مو فرح ..عنده 3 اولاد و5 بنات اكبر واصغر مِڼـّي… وعمي كريم جان التؤام مالت ابويه يشابهون هوايه ..ما افرق بيناتهم بس باسلوب التعامل ..عمي كريم متواضع واريحي وبشوش وابويه لا😞
واصغرهم عمره 20 سنه رياضي خلقا واخلاقا.… حسيته صديقي رغم فارق العمر الي بيناتنه قربني اله ولاشياءه واغراضه ..
اول يوم ابويه ما اجه يعقد ع امي وامي سكتت ..الظاهر هي هم متريده
بعدين جابوه كوه ورا يومين عقد وراح لمحني بالباب ..ﮔلي لْـۆ ماصاير انَـَY̷̳̜̩̐̌̋O̷̳̜̩̐̌̋U̷̳̜̩̐̌̋ـَتَ المن اجيت وعصب عليه عرفت اني مفروض عليه ..عمي كريم م قبل عليه وظل يحجي عليه… لْـۆ ه̷̷َـَْـُذآ صاير ابويه ويه نفسي احجي ..ما اريد ابو متعلم… ردت احترام كدام الي موجودين كرهت وضعي انا مفروض ع الناس الي اعيش وياها
الي جنت اتمنى بداخلي والموقف الي صار ما حجيته لامي حتى لتنقهر . عُاَدّيَےّ مثل خالي مو جنت ما احجي ..
ابويه ميجي للبيت واذا اجه ما التقي بيه اجنب اهاناته ..جان اغلب وقته يم زوجته الثانيه . ومرات اشوف ابنه الثاني اصغر مِڼـّي ب 5 سنوات ..ميشبه ابويه ..كنت اشبهه .اشبه عمي كريم هوايه بالضخامه والمعاني الحلوه
مرت سنه ع هالوضعيه عمي دخلني كريم مدرسه وظل يتابعني ويقريني نجحت جنت حريص ع الدراسه واعمامي الاثنين يشجعوني .
مره اجه ابويه بالليل لغرفتنا اني وامي بالاصل غرفة بيبي المرحومه واغراضه جنت اكتب درسي ..دخل فجأه وطلب مِڼـّي اطلع م̷ـــِْن الغرفه بعصبيه ما ادري شنو رعد وكفت انتظر امي تطلع ﮔلي هي تبقى انَـَY̷̳̜̩̐̌̋O̷̳̜̩̐̌̋U̷̳̜̩̐̌̋ـَتَ اطلع صوته خوفني
وخفت ع امي بقيت قريب ع الغرفه وما طلع انتطرت هوايه الى ان فزيت عمي تحسين الرياضي شايلني ونومني يمهم بغرفتهم
استمرت جيات ابويه لغرفتنا اسبوع بس بالليل يجي ويطلع الصبح قبل لٱ اروح للدوام .. .
بداخلي سؤال شنو راد منج اذاج كتلج ؟!بس كالعاده ما احجي بس ويه نفسي .
بعدين راح عرفت زوجته جانت زعلانه لان رجع امي ومن رجع زوجته م شفناه . .ومن كبرت عرفت هذا الاسبوع جان سبب حمل امي باخويه ضرغام
يتبع
