#عادل
مر يومين ع الحجز جنت متأمل تأديبيه الشغله لان بريء واملي يلزمون الحراميه واطلع م̷ـــِْن الحجز
اجه ابويه ورا يومين وياه عمي ابو محمد وعمي تحسين رادوا مِڼـّي اعترف ع الفلوس وبالمقابل يتنازل ابويه عن الدعوه ..صدمتي صارت اكبر.. حلفت الهم بروح عمي كريم م ماخذ الفلوس ..عمامي صدﮔوا بس ابويه م صدك وانهار ..هو اصلا بخيل وراحت فلوسه اتهستر ظل يغلط،عليه ويتوعد الي بالحبس ...
تحسين سألني لَيــِْ♡̷̴̬̩̃̊ـِْش العمال تاهميك… ما ادري جوابي محتار
يمكن هم الي ما خذين الفلوس وركبوها براسي ..ابويه كلهم ما اتنازل الا اخلي يخلص عمره بالسجن سواني مضحكه يم التجار جان عصبي واضح عليه المصيبه اكثر م̷ـــِْن خبر وفاة عمي كريم
عمي ابو محمد ..بويه عادل اوراقك باجر تصعد للقاضي تلاحك لروحك تره حكم اقل شي 10 سنوات
يعني شاسوي… اعترف ع شي ممسويه ..
التهمه مو شويه ..بوگه يعني سمعه زفت… انسجن ولا اعترف والله م ماخذ… ضليت احلف
عمي صدﮔني ..كال راح احاول وياه بلكي يتنازل
راحوا ..انتظرت للصبح وماكو شي اخذوني للمحكمه ..بقبت اشكم يوم وانحكمت سجن 15 سنه المحامي الي خلاه عمي مكدر يسوي شي…
ابويه كلهم م̷ـــِْن يطلع يقتلني لان اعتدا عليه اخر مره
سألني القاضي أإأذأإأ كنت معتدي عليه بالضرب… سكتت
حجة غياب ماكو وقت السرقه وفوﮔاها الشهود العمال…
ما ضجت ع الحكم عِنـ.̷̷̸̷̐ـديّ امل اطلع لان بريء...بلحظة الي يردون يصعدوني للسياره اجه عمي ابو محمد
حضني.. گلي بطل الله يفرجه ...شفته مكسور ..
وكته خفت عليه .عمي تحسين حضني وباسني… مختنك م̷ـــِْن العبره عيونه حمر
هالمره يمكن صدك خفت ع نفسي… يمكن هم مأيسين… بس ﮔلبي بارد متاكد ارجع وبراءه يمكن فتره اخلصها بس راجع
وصيتهم ع امي واخويه
صعدت بالسياره ويه مجموعة م̷ـــِْن الشباب
اخذونا لسجن ابو غريب…
وصلنا بعد فتره اذكرت م̷ـــِْن رجعت لاهلي بالطريق اول مَـرّھٌ اشوفه وما جنت اعرف اشمنتظرني هم حكم هنا ..
وصلنا ونزلونا دخلنا للسجن سلمنا امانتانا جنت كلشي،ما عِنـ.̷̷̸̷̐ـديّ محفظه بيه صورة عمي كريم و50 دينار يعني ولاشي
اخذونا لغرفه ووكفونا سوا افقي وضابط كاعد ع كرسي ويمه ميز عليه فايلات ..يسحب فايل ويقرأ الاسم ..والضابط الثاني ييتأكد م̷ـــِْن اسماءنا
وصل لاسمي اتقدمت خطوات… الضابط الآۆلْ سلم الفايل الثاني وهم يتهامسون…
خلصوا م̷ـــِْن العد
ظلوا ينطونا تعلميات وارشادات اشلون نخلص يومنا وايامنا… كلها بدون احترام واستحقار ...اكيد لان مجرمين م خلوا قيمه لنفسهم ..اشوكت اطلع ..ما حبيت الوضع ..ردت تطلع براءتي باسرع وقت
اخذونا لقاعه جبيره بيها هوايه بيبان ..ﮔلونا 15 غرفه والباقي حمامات. ومطبخ جبير
باوعت ع الموجودين ..اتمنيت اشوف واحد اعرفه حسيت بالغربه ردت ابجي اشكال غريبه ..اخذت نفس ومشيت بخطوات ما اعرف وين صعبه ذيج اللحظات ردت كريم تحسين جواد اي واحد م̷ـــِْن الي اعرفهم
