اخبرت نور والديها بقدوم عريس يوم الثلاثاء للتعرف عليهم وقرأة الفاتحه واخبرتهم انهوزميلها فى العمل وانه شاب محترم وذو اخلاق عاليه
قامت والدتها بأطلاق الزغاريد
وابتسم لها والدها وتمنى لها التوفيق.......
تأنقت نور فى هذا اليوم بالذات لأن اليوم قرأه فتحتها على ادهم
أرتدت فستان من اللون الكاشمير شفاف من عند الأكمام وطوله يصل الى الأرض وموضوع به ورود بيطاء لتعيطه لمسه رقيقه ثم قامت بجعل شعرها منسدلا على ظهرها ووضعت بعض من مساحيق التجميل الخفيفة لتعطيها لمسة رائعة فى النهايه.......
وصل ادهم الى اسفل بنايه نور وصعد بسرعه على الدرج حتى وصل أمام شقتهم وبدأ بهندمه ثيابه وتعديل رابطة عنقه ثم ضغط على الجرس حتى فتح له والد نور وقابله بأبتسامة هادئة
فأبتسم ادهم نفس الأبتسامة الهادئة ومد يده حتى يصافحه
عبدالحق:اتفضل يا ابنى
دلف أدهم الى الشقه فأشار له والد نور بالجلوس
فاومأ ادهم برأسه ثم جلس بهدوء على ألاريكه
فجلس عبدالحق أمامه وقال بأبتسامه هادئة : نورتنا يا ابنى
أدهم: ده بنورك يا عمى
خرجت صفاء من المطبخ لتلقى التحيه على عريس ابنتها المستقبلى فأبتسمت بفرح وقامت بمد يدها لمصافحته بحرار وهى تهتف: ازيك ياحبيبى عامل ايه ومامتك وباباك عاملين ايه واخواتك
أسترقت نور السمع الى كلام والدتها فهتفت بحنق: ماوخلاص يا ماما بقى ديه الناقص تقوله وقرايبك من ناحيه الأم وقرايبك من ناحيه الأب ما تتكلم بقى يا حاج بابا خلى ماما تسكت بقى
عبدالحق: أحنا اتشرفنا والله يا ابنى بوجودك النهاردة معانا
أدهم: ربنا يخليك يا عمى والله ..أحم يعنى أنا كنت جاى النهاردة بخصوص حاجة مهمة اوى
صفاء : خير يا ابنى ان شاء الله
أدهم: هو ان شاء الله خير حقيقى أنا كنت جايه أطلب منك أيد الآنسه نور
صفاء: مبروك يا ابنى لوووووووووولى
ضربت نور مقدمة رأسها وهتفت بقله حيله : يادى الفضايح
عبدالحق: أستنى بس يا صفاء..نور حكتلى من كذا يوم عنك وقالتلى أنك بتشتغل معاها واد اي أنت أنسان محترم وابن ناس ومن عيله محترمه
ادهم: أحم...ربنا يخليك يا عمى والله وأنا الصراحة ملقتش أحسن وأفضل وأجمل من نور ادب وأخلاق عاليه ونسمه والله يا عمى فى الشغل مش بنسمعلها حس مش عارف ازاى بقت ظابط صراحه من كتر رقتها
صفاء: أنت بتتكلم عن مين يا ابنى..؟!
ادهم: هكون بتكلم عن مين يا ماما بتكلم عن نور طبعا كل الناس الى معانا بيشكروا فيها جدا
نور: يا ابن الكدابه طب انا مجدت فيك بالعقل أنت بتعمل اى معايا غير أنك بتعك الدنيا اوووف سم
أدهم: والله يا عمى انا جاى النهاردة وعشمى ان احنا نقرى فاتحه النهاردة
عبدالحق: وانت يا ابنى جاى بطولك كده معكش حد يعنى كان على الأقل تجيب والدتك او والدك
ادهم: والد امى توفى من أسبوعين وهى حزينه حدا عليه ومقدرتش تيجى معايا ...ووالدى مشغول اليومين دول فى الشغل واخويا الصغير طايش بقى زى ما حضرتك عارف الجيل بتاع دلوقتى انا بعتذر والله انى لوحدى كده بس فى الخطوبه ان شاء الله نيجوا كلنا
عبدالحق: ولا يهمك يا ابنى ربنا يصبرها أحنا معندناش مانع ان احنا نقرى فاتحه النهاردة
رد أدهم بأبتسامة: بجد..!! انا متشكر جدا يا عمى والله
صفاء: يا نور تعالى يا حبيبتى عشان هنقرى الفاتحة دلوقتى
