كان الدخول ممنوع الى العنايه المركزه كانت تنتظره امام الغرف ولم تبارح مكانها ابدا كانت تنتظره ان يستيقظ فى اى لحظه ولاكن لم يقوم برمش عينه حتى كانت قلقه لابعد الحدود عليه حقا..........
خرج الطبيب من العنايه المركزه وتوجه ناحيتها كانت تدفن وجهها بين قدميها وفور اقترابه تكلم بجديه وهو ينادى بأسمها : مدام نور...!!
رفت نور راسها سريعا ثم سألته متلهفه : ها يا دكتور طمنى هو عامل اى دلوقتى يا دكتور طمنى...!
الطبيب: بصى هو حالته مش مطمئنه احنا النهاره هنعمل اشعات تانيه عشان نطمن اكتر بس هو دلوقتى دخل فى غيبوبه مؤقته....
شهقت بصدمه وهى تساله بقلق: غيبوبه...!!!
الطبيب: زى ما بقولك هو دخل فى غيبوبه بس هى مؤقته يعنى وان شاء الله ميطولش فيها متقلقيش يا مدام نور
همست نور بحزن: شكرا يا دكتور تعبناك معانا
الطبيب: لا ولا يهمك بعد اذنكم....
رحل الطبيب تاركا اياها فى دوامه لا مفر منها التفتت الى ياسين ثم هتفت بقلق: هنعمل اى يا ياسين...!!
ياسين بضيق: هنعمل اى يا نور يعنى احنا مش فى ايدينا حاجة نعملها خالص ويلا بقى ممكن نمشى احنا بايتين من امبارح هنا
نور : نمشى....!!! انت اكيد بتهزر يا ياسين وبعدين انت مدايق ليه كده فهمنى هو مش ده صحبك
ياسين بغضب: ده كان صحبى وانتى كنتى مراته القديمه وبقيتى مراتى انا ومينفعش الى انتى بتعمليه ده هو ليه اهل يا حبيبتى يسألوا عليه....!
وما ان انهى جملته حتى وجدت والدته وشقيقه يقبلوا عليها ذهبت الى والدته سريعا التى كانت تقول بقلق وتوتر وخوف: ادهم فين...!!! ادهم جراله اى يا نور
اجابت نور بتوتر : متخافيش يا ماما ادهم كويس هو بس فى العنايه المركزيه هو الدكتور قال ان هو عدى مرحله الخطر وبقى احسن
والده ادهم: مرحله خطر...!!! انا مش مطمنه والله انا ابتى جراله حاجة قوليلى يا بنتى ربنا يريح قلبك
نور: يا ماما والله هيبقى كويس متخافيش انتى ممكن ترتاحى بس
والده ادهم ببكاء: وانا عمرى هرتاح وانا ابنى فى المستشفى...كان مستخبيلك فين ده كل يا ابنى بس
اقترب ياسين منهم ثم القى التحيه على والده ادهم ثم انحنى على نور وهمس لها بضيق : مش يلا بينا احنا بقى ولا اى...!!
ردت نور بضيق مماثل: انت شايف ان ده وقت ينفع نمشى فيه...!!
ياسين: ايوا انا شايف ان ده وقت ينفع نمشى فيه عشان مامته خلاص جت وانتى لازم تستريحى بقى ومينفعش صراحه الى انتى بتعمليه ده
كانت على وشك الكلام الا ان قاطعتها والده ادهم قائله: روحى انتى يا حبيبتى شكلك تعبانه خالص
نور بابتسامه: لا والله يا طنط انا كويس متقلئيش
والده ادهم: يا حبيبتى اسمعى الكلام ومتعانديش روحى انتى دلوقتى ولو عايزه تيجى بليل او بكره الى يريحك بس روحى يا حبيبتى دلوقتى
نور: ماشى يا طنط انا هروح واجى بكره ان شاء الله بس بالله عليكى متزعليش نفسك هو هيبقى كويس متخافيش
اومأت براسها ورسمت على وجهها ابتسامه حزينه قبلتها نور على جبينها ثم رحلت مودعه اياها.....
