فتحت عيني
لكيت نفسي ...نفس الشئ ونفس المكان
ونفس الغرفه الي اجيت بيها
اباوع كدامي نجم
طويل ولابس دشداشه بيضه
التفت اليه
يلا بدلي شنو منتظره
باوعت اله سكته
شبيج كومي
وين ابدل .... بصوت ناصي
هنا بدلي....... حليمه جابتلي سيت نوم ابيض
رحت وره الجربايه وكعدت كعده
ونزعت البدله.... ولبست السيت مالت النوم
وفتحت شعري علئ طوله
وكمت علئ حيلي
لكيت نجم ... بعده بالدشداشه
طويل ....حنطاوي..... شعره بيه خصل بيض
لحيه خفيفه.... نص اسود وابيض
شخصيه وهيبه
علئ الرغم كبر سنه.. بس شخصيته حلووووه
وهيبه
ضليت واكفه لهناك
تعالي هنيه
ضليت امشي علئ كيف... ورجلي ترجف
كعد هو علئ طرف الجربايه
وكعدت يمه
ودنكت
سمعي يبنت الناس... اعرف بيج انتي مجبوره عليه.... وانا هم ماكنت ناوي ازوج ولا ابالي ازوج بس الوالده لحت عليه
اني مدنكه سكته
اعرف انتي انجبرتي علمود اختج.... بس اريد اوصيج ام سالم ماتوصلين يمها ولا تحجين كلمه.. ومن تكولج موتي انتي موتي
بقيت ساكته حته مااعرف منو هاي ام سالم
نجم.... ام سالم زوجتي
اي
وامي بالج عليها وشتكولج كولي اي.....واخواني مااطلعين يمهم بدون حجاب
وصوتج مايطلع
هزيت راسي .... اي
وتكعدين ب6 حالج حال البنات ... وتشتغلين وياهم
واختج حنان ماسمعنه منها احجايه ولا صوت اريدج نفسها واحسن
انتي مرت نجم ...... خلي هالشئ طول عمره ابالج... وكلشي عشتيه قبل تنسيه
هزيت راسي
يلا نامي...
واخذ مخده ونزل جووه ....وتغطا ونام
اني هم كنت تعبانه كلش
من خليت راسي عالمخده نمت وماحسيت بشئ
ماكعدت الا حنان تكعد بيه
فزيت
صباح الخير
وبوستني... ليش بعدج بسيت النوم
باوعت ...نجم ماكوو
وحته فراشه ماكوو
اخذتني للمغاسل..... وغسلت وكملت.. رجعت الغرفتي
لبست فستان من حليمه
وخلتلي حنان مكياج.... واجه نجم
طلعت حنان... وسد الباب
اذا سالج احد كملت الشغله.. كولي اي
هزيت راسي... اي
راح اروح جماعتي هنا شالج ماينزع ولا صوت
كعدي بغرفتج والي تريد هي تجي تسلم عليج
وطلع من الغرفه
رجعت كعدت علئ الجربايه
دك تلفوني رقم
غريب
كلت اكيد وحده عرف تباركلي
فتحت خط
ها رهف مبروووك... مرتاحه مووو
صوت عادل
ضليت ساكته مبروك عليك نجم...
طخج مووو ... لزم ايدج... وين باسج
باسج بشفتج لو ركبتج
وضل ينحب مثل الطفل
وانا بجيت وياه ... بدون لا احجي
رهف .. نمتي بحضنه مووو
لعب بالشعر مالتي مووو .. رهف احجي شسوه بيج ... اخذج موو
بجيت منا لمن كمت اشهك من البجي
ليش تبجين مو هذا الي ردتيه
كافي عادل حرام عليك....
ولج امس ردت اجي ب12 وافلش بيتكم واكتلج انتي وياه ... بس ابوي حبسني بالغرفه
ولج امس رحت للسطح مالتكم ونمت بيه ماادري بنفسي
احجي رهف انطيتيه نفسج مو
الله لايوفقج دمرتيني
الله لا يهنيج بيوم رهف.. راح انتقم منج مو عادل الي تضحك عليه بنيه
ضليت ابجي عادل كافي حرام عليك
روح ولاتخابرني بعد... انا تزوجت وانت خطبت
ولج انا مااحبها ولا اطيقها ولج خطبت حته اقهرج ..نفس ماقهرتيني
رهف راح اعوفها وانتي عوفيه وتعالي خل ننهزم
رهف راح اموت .. صار يومين اشرب بسببج
ليش هجي ماقدرتي حبي
صرخ بصوت عالي وضل يبجي
رهف احبج احبج تعرفين شنو يعني احبج
وضل يكسر اشياء يمه
ويصرخ باعلئ صوته.....ويبجي
رهف احجي طخج مو
ولج لبستي الابيض كدامي... يعني شنو يعني رحتي لواحد ثاني
ماتحجين شنو خرسه صرتي
ماكنت اصيحج بسمج مو كنت اكلج مرتي
يعني عادي هس بحضنه نشمرتي
زين
هس كلبج شلون ينطيج تحضنيه
ولج شنو يعني هس
ولج
يعني طخججججج
ولج مافكرتي بدمع عيني
تيزاب جاي ينزل مني مو دمع من طخج ثاني
لج مو كلتي مايصير غيرج حلالي
لج انا الله ... بس الله يدري شكد احبج
ولج رهف احجي ولج مرديتي كلبي
ضليت ابجي واصرخ وياه
عادل كافي والله احبك بس روح انا مو الك
عادل روح كافي
وضليت ادك علئ وجهي بكل قوتي
دخلت عليه حنان... ولج عزززه شسوين
ولج لو شافج نجم يذبحج ويدفنج بالحديقه
حنان اخذت الموبايل مني
وحاجته... عادل البنت تزوجت وشافت حياته وصارت زوجته بعد تزوجو البارحه وتعرف شنوو قصدي
عادل ضل يصرخ عليها
وسدت الجهاز بوجهه
وطلعت السيم كارت وكسرته
وفجاه
دخلو عليه النسوان... وجابولي ريوك
ودخلت امي وياهم
وبوستني.... وحضنتني...وضلت تبجي
وسلمو عليه النسوان والبنات
وحته شفتي وحلكي تعبن من التبوس....
وحنان عرفتني عليهم
هاي ام سالم زوجه نجم..
وهاي حكيمه وهاي مليحه ذني ازواج عبد
وهاي ايمان زوجه الزغير حيدر
وذني لمياء وبيداء زوجات عمهم رمضان وساكنات ويانه بنفس البيت
والجهال ماتلحكين تعرفينهم لو بعد سنه من كثرهم هههههه
وزواجنه يشتغلون بالكاع مالتنه بعد تعرفي
وجابولي ريوك واكلت شوي
واجوو نسوان اقاربهم وجواريهم
وانطوني صباحيه هواي... وحصلت مبالغ هواي ... واجو حمويني وسلموو عليه.... وكل واحد انطاني صبحه100 الف... والبنات هم.... والحجيه ام نجم.. لبستني كلاده ذهب
والجهال هوووسه لو احسبهم يمكن يطلعون 50جاهل هو بس نجم 7 جهال عنده
والي يصعد عالجربايه
والي تخلي حمره من مكياجي
اووف ... راسي حيثور
الضهر هم نفس الشئ ...تغدينه وكملنه
واجه نجم
لابس دشداشه نيلي .... ودخل سلم علينه
والنسوان من شافوه اجه كلها طلعت
سلم عليه
ورديت السلام واني مدنكه
كنت لابسه فستان ضيق .... لونه بيجي كولش حلوو... وفاتحه شعري
نجم ولا كإنما موجوده يمه
تمدد علئ الجربايه..... وحسيت بيه يباوع بيه بس اني مدنكه
وسالني كم سؤال محدد... وام سالم سلمت عليه لولا
نجم وره كلمه وكلمه..... ماحسيت بيه الا هو غافي
بنفس الدشداشه مالته
ضليت اباع عليه..... مو هذا حلمي
ولا هذا الشخص
عيونه كبار وجه عريض حنطاوي......
صح جبير بس شخصيه.... وهيبه
بهدوء تمددت عالجربايه.. كنت خايفه منه كلش واسال نفسي ... شنو سبب نجم مايتقرب مني وليش تزوج اذا مايريد معقوله هالكبر وهالشخصيه
يخاف من امه... ويسمع كلامها
ضليت افكر.... لحد ماغفيت
اندك الباب
ابو سالم ... اجو جماعتك من البصره
اي اي جاي
كنت نعسانه وكملت نومتي
وماحسيت بشئ بس نجم بدل وطلع
وسد الباب
وكملت نومتي
نجم
انا نجم عمري هس 40سنه.. عايشين بأطراف بغداد عدنه كاع جبيره.... وعشيرتنه كلها اهنا بنفس المنطقه وانا الجبير عدهم كان ابوي الشيخ بس حالته ماتسمح بعد الكبر وانا استلمت وراه
تزوجت بنت عمي وانا عمري 16 وهي عمرها 14 سنه
كانت بنت عمي هيله حلوه كلش وحب طفولتي .. وعمي انطاها الابوي
وتزوجتها وانا كنت طفل ومااعرف شنو زواج والعائله
وتزوجنه وبعد سنه رزقنه بأول طفل سالم.... وثاني سنه طفل لثاني
كانت مدللتي..... ومامقصره بحقي
لحد ماكبرت وصار عمري 25سنه وانا عندي 5جهال .... دخلت كليه زراعه
وشاء القدر وحبيت وحده وياي
حبيتها من كل كلبي... كانت من بغداد وسافره ومثقفه
لا كدرت اتزوجها ولا كدرت استمر وياها
بس بعد مرور سنتين من علاقتنا
طلبت مني.... زواج بس بشرط اسكن يمهم واترك زوجتي
وطبعا ماكدرت اعوف بنت عمي وجهالي
ولا اخرب بين عمي وابوي
وتوفه عمي وأمني عليها
كانت بنته الوحيده علئ ست ولد..... والمدلله عنده......
بس كنه كلما نكبر تقصر بواجباتها وياي
والجهال جاي تاخذ وقتها مني...... بس عفت البنت الي حبيبتها وحب عمري... وتزوجت اعز صديق عندي وكانت اكبر صدمه بعمري
وماانسه جرحها لحد هس
صار عمري40سنه وصارو عندي7 جهال
تزوج اخوي محسن.....
ونفس عرسه ....امي صاحتلي ....
يمه تعال
شوف ذيج البنيه
وينها يمه
ذيج ام الرصاصي
شبيها
اخت العروس هاي
شوفها شكد حلوووه
شفت لبنيه حلووه صدك والضحكه مامفاركه حلكها
مامبين عليها العوز والفقر حسب ماسمعت ان اهل حنان فقره... وامهن معيشتهن من دكانه
ضليت اباوع يمه هاي طفله من كد بنين بنتي
اي يمه تفيدك وتسعدك... اعرفها تسعدك ذيج المسعده ملتهيه بس بالنفاق والطلايب
يمه
وصمه... شوفها عدل
شفتها ولكيتها تفتح بشعرها الي يوصل لرجلها ولونه نفس سواد الليل
والبياض مثل الشمس... سبحان الله منين الله خالقج يبنت الناس
بس ماقبلت لان هاي طفله... واحتراما لام سالم سديت الموضوع
وره شهر ضلت امي تلح عليه.... ليل ونهار تنج عليه.... وتكول اموت وانا ماراضيه عنك
وتغضب عليه
وغصب عليه وافقت
بس خسرت ام سالم
وزعلت لاهلها.... واخذت جهالها مني
وحنان ماقبلت وصارت مشاكل وامي الله يسامحها طردت حنان من البيت.... وخسرنه طفل بسبب هاي السالفه
وافقت غصب عني
لخاطر امي والخاطر اخوي وزوجته
والبنيه هم وافقت لخاطر اختها وحملها
وام سالم..... واعدتها ما اطخ لبنيه واعتبرها ماموجوده
بس ارضي الوالده. كنت مجبور هجي اسوي
وتزوجنه
يوم العرس كان هوسه ..... وماشفت شئ
بس شفت ملاك لابس ابيض
يتبع
