والحمدلله اخوي الازغر منه هم اعداديه ويحب وحده ههههه ويريد يخطبها
بس واعدناه من يدخل كليه نخطبها اله........
وبيبي توفت .....للاسف
واني حب نجم .... عيشني احلئ حياة .... كل وقت احمد ربي
يوميه اعيش احلئ من اليوم الي قبله
سعيده كبش
عوضني ربي بنجم....... +
بيومها كاعدين الصبح واني مريضه مااعرف شبيه
وبس اتقيئ......نزلت يم البنات.....
لان نجم طلع من لصبح هو ومحسن.... عدهم شغل مهم
حكيمه.....شبيج اليوم صفره وعينج بيضه..
ماعرف حكيمه ميته جسمي كله يوجعني
خير انشاء لله
😒 مو الي ابالج اسكتي. خيه
ههههه ربج ماينسئ احد بس انتكلي وادعي دوم
😞😞😞😞😞😞😞😞😞😞😞😞
دك موبايل حنان
جاوبت عليه
الوووو
منوو انت
محسن شبيه ..... اي هذا زوجي شبيه
منو بيهم مات نجم لو محسن
الوووووو منوو مات كول خويه
وضلت تلطم وتصرخ
نسالها شكوو كل احنه فزينه والتمينه عليها
بس ماتحجي بس تصرخ
حنان احجي منو ... شبيهم الولد
واحد منهم مات... ,
منو بيهم...... حنان تصرخ ومانفهم كلامها وبس تبجي وتكول ابو الدشداشه مات
عبد كال
منو لابس دشداشه احجن
كلها كالت ماندري. لان كنه نايمين والفجر هم طلعوو حته انا ماشفت نجم
اني شنو اوصف حالتي.....ماكدر احجي لا اتحرك .....ميته بس جثتي تتحرك
عبد..... احجي نجم شلابس
اشرت الهم ماادري
حنان محسن شلابس ..... ماادري ماا دري يمه محسن مات يمه منو اليه
وضلت تصرخ وتلطم..... منو الجهالي بعد عندي اثنين وحامل....
ماعرفنه وين همه واي مكان...عبد يدك علئ جهاز محسن ماكوو. يدك محد يشيله....
جهاز نجم مغلق
الحجيه تبجي وتصرخ......النسوان كلها تلطم ومكابلتها
اني ماعرف شسوي ...صرت صنم
بس لا مو نجم.... البارحه اني وياه نشاقه ونلعب البارحه اني كنت بحضنه واشتم عطره
البارحه كنت بين ضلوعه... وكان الجوو بارد كلش ومدفيني
البارحه اتفقنه نروح لتركيا وناخذ ويانه بس حمودي ابنه..... بقينه ل2 سهرانين عبالك اول مره متزوجين .... عبالك اول ليله وي بعض لا مو نجم هذا اكيد محسن ...الله يرحمه
حنان
لا هذا نجم مو محسن.....محسن مايعوفني اني وجهالي ويروح......يارب كون نجم ولا محسن
اسكتي ليش هجي
اي هذا زوجي وعنده 3 جهال
ونجم عنده 8 ..... ليش هجي حرام عليج
عم نجم ....اسكتن كافي..... بصوت عاالي
الموبايلات اثنيناتهن مغلق
رحت اركض فووك اشوف ملابس نجم.. اشوف الدشاديش مالاته منو الي ناقصه منهن واريد اعرف شلابس
دشداشته النيلي ماكو
نزلت اركض واصرخ
لكيت حنان هم تصرخ .... دشداشته محسن المارونيه ماكوو
وماكدروو الولد يحصلون شئ يتصلون هم مغلق.....
اجه ابن حكيمه وكال لابوه عبد....انا طلعت للحمام وشفت عمو محسن وعمو نجم ...طلعو
صاح عبد وشلابسين....
لابس دشداشه
منوو بيهم احجي
اثنينهم لابسين دشاديش
وهيه كبت الصيحه ....كل مجموعه كاعدين وحد. وجهال نجم يتباجون
اخذت حمودي بحضني... ماما لاتخاف بابا مابيه شئ
اجه صدوقي ابن نجم عمره 5سنوات.... ماما وين بابا
هسه يجي يعمري .. تعالوو يمي.. وكلهم دارو عليه. بس ماكدرت ابجي. ولا اصرخ. نفسهن
بس الكل متاثر وخايف علئ نجم
كمت الهن...كافي شبيجن
نجم ما مات...نجم عايش.... هو كالي ماعوفج رهف...هو واعدني يعيش وياي طول حياتي ويعوضني كل يوم عشته بدونه
انا ونجم روح وحده.. اذا مات صدك جان ماشفتوني هس اني كدامكم ... اكيد متت وياه
رهف يعني محسن مات.... ليش هجي تكولين ليش تفاولين عليه ليش تردين ترمليني
رحت يمها وشبكتها ....حنان اثنينهم عايشين مايخلون اولادهم ولا يخلونه وحيدين
اهدي حنان .... هسه يدخلون عليه وهم يضحكون
بعد شوي نكعد نتغدا سوه كول احنه... وابو سالم يسولف النه علئ الزباين مالته وسوالفهم ونضحك عليهم
الكل ضل يبجي..... وصافن علئ كلامي
شبيكم ابو سالم مايموت لان يعرف احنه كول احنه بركبته ومايكدر يعوفنه وحدنه احنه كل احنه اولاده والعائله كلها تتيتم اذا راح
مو بس اولاده تتيتم
حته عبد وحيدر والنسوان ما النه غيرنه هو ابونه
وره ساعه دك الموبايل..... والكل كام يركض...
الوو...... اي.... لاحول ولا قوة الا بالله
عبد خويه منو شكالك
يل عمي ..... حيدر مشينه
اوكفوو شكوو خل اروح وياكم ... انتظروني
ادخلن جوه
الي تطلع وتوصل لباب الحووش اكسر رجلها سمعتن......
نسأله منو وشكالولج ماجاوب... وطلعو وخلوو النسوان تتصارخ......
صارت حقيقه وعبد حسيت بعينه انكسار بس اثنينهم اخوانه
صار اليل وهم ماكوو ومحد لا اكل ولا شرب
كنت منتظره جيتهم وكلساع امد راسي باالباب ماالكه احد
بس نسوان وبنات يتمشن وسافرات صارت ب12 وهم ماكوو.... نتصل محد يجاوب ... الجهال كلهم ناموو بالصاله
والحجيه.... كلساع تتخربط.... والساعه ب12 اعمام نجم واخوالهم كلهم ترسو البيت بس نسوان وزلم ماكوو
حته امي واخواني اجوو .. جابو بنين بنت نجم واجوو...
البيت صار فاتحه... بدون لانعرف منوو الميت ومنو الي يجي بتابوت ومنو يجي مشي
ومنو راح تترمل مرته.... ومنو راح تتيتم جهاله. ومنو راح تعيش بهجي بمأساة....
بلحضه حسيته صدك
وسمعت صوت بره عالي وهووسه وزلم
لفيت شالي
وطلعت ركض .....فتحت الباب..... لكيت زلم وشيوخ وشباب ماينعدون ومن بعيد يستقبلون احد جاي
واحد ماعرفه من اعمام نجم
دخلي خوويه....الشارع كله زلم
باوعت اله ... بس مااهتميت اله... وضليت اباوع
يتقربون اكثر وااشوف شئ ماتمنيت اشوفه بيوم
شفت تابوت..... اي تابوت
بس منوو الي بالتابوت ... نجم لو محسن
كلبي ضل يدك بكل قووته .. رجلي ترجف.... الي شايلينه عبد منا وحيدر منا
والباقي مااعرفهم ... والكل كان ماد ايده علئ التابوت ويساعدهم....
رحت اركض اريد الاكيهم.... اكو ثنين كضوني ودخلوني جووه
بس محد جان يمشي وياهم لانجم ولا محسن.... بس مااعرف منو داخله
دخلوني للبيت.... واني اصرخ احجو منو الي مات
التمت عليه النسوان وضلت كلها تتصارخ... وزااد العياط واللطم من شافو التابوت.... وكلها النسوان طلعت تلكت الجنازه
ودخلوو للصاله....وخلوو الجنازه بالكاع
الكل التم عليها...وحيدر وعبد نايمين فووكاها وينحبون بأعلئ صوتهم
اني بعيده ماكدر اتحرك راحت عمتي...للجنازه وهي تبجي وتصرخ
طلعت وجهه وضلت تصرخ بأعلئ صوتها
يمه يوليدي يا يمه
وشكت ثوبها علئ طوله وضلت تضرب علئ صدرها بكل قوتها وصار احمد دم
لهس مااعرف منوو
رحت امشي علئ كيف ....بالكوه عبرت من النسوان
كلها تباوعلي
وحنان تمشي وراي....كل وحده تتمنئ رجل الثانيه الي ميت ولا رجلها
هاللحضه هاي تمنيت محسن الي ميت
وحنان تمنت نجم الي ميت
بناتنه.... كلهن يم الجنازه ويلطمن..... ويضربن علئ صدرهن بكل قوتهن
تقربت منه.. كعدت .... جانت اكو بطانيه فوكاه..... رفعت البطانيه
ايدي ترجف.... ماكدر احركها.. رفعتها..... .. لا مو نجم انت مو نجم
حنان وراي..... وهم لازمتني رهف منو رهف
لكيت مغطينه بالكفن ... ماكدر ارفعه.... بس الكفن صاير احمر من الدم
رفعته
لاااااا .... انت مو نجم
كمت علئ حيلي
هذا مو نجم مووو..... لزمتني حكيمه وتريد تلزمني ماكوو
حكيمه هذا مو نجم احجي. هذا محسن مو
نزلت مره ثانيه يمه..... نجم اكعد
اكعد حبيبي .... لاتخليني وحدي نجم ابويه انت اكعد
نزلت علئ صدره ....وضليت اشم بيه.... رفعت راسي.... شلت راسه لحضني وفتحت وجه... نجم اكعد
يلا حبيبي اكعد .... نجم لاتكسر ضهري ماتحمل فراكك
اني احبك نجم بروح اعزازك اكعد..... اكعدلي
كمت علئ حيلي
شبيكم تبجون نجم ما مات هس يكعد
هو يتشاقئ وياي
عمه لا تبجين .....اسكتن ....راح تضوجنه
رجعت يمه....ودنكت عليه... احبه واشمه
وجهي صار كله دم
النسوان ترفع بيه وماكوو.. وخروو عني رجعت... لصدره...رفعت روحي ضليت الطم علئ وجهي.... واضرب علئ وجهي كل قوتي... يردون يوخروني غصب عنه
بس خل احاجيه فدووه
نجم اكعد..... نجم لاتعوفني
مو انت واعدتني ماتروح ....وين وعدك نجم
انت كلتي راح اعوضج ابوج..... شو هم عفتني مثله
نجم افتح عينك ... نجم شوف حالتي
لاتعوفني.... ماكدر بدونك
يارب لاتحرمني منه... ربي رجعه اليه..... ربي ماعندي غيره والي...... نجم اكعد ماسمحلك تموت وتخليني
فدوه كعدووه اليه هسه.... كافي شقه ماأتحمل بعد
نجم اكعد لخاطر جهالك موو الخاطري.... مو اني بنية كلبك... ليش تعوفني ليش كلبك يعوف بنيتة ويروح
حبيبي ..شمعتي الي ضوت حياتي... شوف حالي من بعدك.. ماتحمل فراكك من تروح شيصير بيه
سحبني النسوان ....ماكدر اجر ايدي منهن
واجو الزلم شالو الجنازه... والكل ضلت تصرخ
شالوو نجم راحوو
شالو. كلبي وياه.... شالوو فرحتي
خلووه وياي بس الليله حرام عليكم
خل اشبع منه.... عمي ابوس ايدك خل اشبع شووف منه تكملت بارت 23ولاخير
خلي اروح وياكم.... طلعوو وضليت اركض وراهم... وصلت لنهايه الشارع.... وسحبوني عم نجم واخوي بالكووه ودخلووني جووه
ابوس ايدك عمي خل اروح وياكم
هذا اخر يوم اليه وياه.... نزلت علئ رجله واتوسل بيه.... واجت الحجيه هم تريد تروح وضلت تصرخ
هذا وليدي اريد اروح وياه.. يغضب عليكم ربي اذاماخليتوني اروح وياه
وخلوني اروح وياهم اني والحجيه
خلو الجنازه فووك .... واحنه جووه
زلم مااعرفهم بس عم نجم وعبد وحيدر بقه هناك .... ومحسن حالته خطره بالانعاش
شدو الجنازه عالسياره فوك... واحنه صعدنه بالسياره
كعدنه اخر شئ وحدنه اني وعمتي
وضلت تنعه ... واني ابجي واصرخ وياها
وصلنه. قريب عالنجف وغيم ورعيد
صبت مطره ....قويه كلش... ضليت اصرخ كل قوتي نجم راح يغرك
اووكفووو نجم راح يغرك .....اصرخ بس محد يسمعني.... اصرخ بحركه والم .... احس نفسي بحلم لمن تبجين.... وتحسين نفسج صوتج ضايع ومحد يسمعج
المطر جاي يقوووه ومايتوقف
احس نفسي... اني الي جاي اغرك... مو هو ....
بس من قوه المطر كلش
اكو حسينيه بالطريق.... نزلنه بيها .... ودخلنه جوه.... وخلوو الجنازه بالكاع داخل الحسينيه علما يتوقف المطر
الدنيا ليل.... كلهم كعدو علئ جهه
بس اني وعمتي وعبد بقينه يمه..... فتحت وجها وضليت اسولف وياه
دموعي تصب
نجم.... من كنت تنام بليل.... ضل اتباوع بوجهك وعيونك
نجم حبيبتك... حبيتك اكثر من روحي ..شلون كلبك انطاك عفتني ورحت. مافكرت بيه وبحالي
نجم انا بحلم موو....ابوس رجلك نجمتي اكعد لاتخليني وتروح ....اموت بدونك نجم
انت تسمعني لولا .... ليش ماتحاجيني نجم اكعدلي ....انت ماتحس .. انت شنو من بشر ضليت اضرب علئ صدره هس تكعد يلا كوم وياي خل نروح لحمودي ونخليه ينام بينه عالجربايه... بس لاتشيله من ينام لان اعرفك تشيله وتخليه بسريره حته مايصير بينه وابتعد عنك .....
الزلم كله تبجي عليه وعلئ حالتي
كانت تمطر قوي.... طلعت ... بره
ربي ليش اخذته مني......ليش ربي ماكوو غيره بهاي الدنيا...تاخذه .....ربي انت اخذت ابوي وكان سندي... وهسه اخذت سندي الثاني
ليش ربي شسويت ...... بيمن قصرت.. اصوم واصلي وماخنت ولا كطعت ولا نافقت ولا ضلمت احد ....ولا ضلمت اليتامئ ولا قسيت علئ احد
ليش ربي ما طردت فقير
لا رفعت صوتي علئ امي
ولا سويت غلط
ربي رجعه اليه..... ضليت اصرخ
رجعت اله شبكته كل قوتي
وضليت اشم بيه.... كل قوتي وابوس بيه بحلكه.... وبركبته واون علئ فراكه
شلوم ادخل الغرفه بدونك ... وشلون ارجع للبيت واخليك وراي نجم
شسوي بحياتي بدونك..... شلون اكمل ايامي
بدون شقاك وبدون ضحكتك نجم المن اصيح حبيبي ودنيتي بعد
منو يكلي بابا .....مو يكلي انت لمخبله مالتي
نجم اريدك ... ارحم بحالي
عشت وياك اجمل ثلث سنوات
لا تعذبني بفراكك تراني ماتحمله.....اتيتم بدونك.....نجمتي الي ضوت حياتي
انت الورده هديه بابا اليه هو كالي بالج علئ هذا الورده واسقيها
وهي تفتح الج.....نجم انت تفتحت اليه....بس ليش متت وخليتني
بقينه فوك ثلاث ساعات بالحسينيه
ساعه اعاتبه...ساعه اشبكه... ساعه اشمه
عمتي ...انتهت....
ما اتمنئ يتوقف المطر.... حته ماياخذوونه مني
ب9 الصبح... توقف المطر... وشالو الجنازه
وصعدوها للسياره.... واحنه صعدنه
وصلنه المكبره
اخ شكد شالت هالتراب احلئ ناس وشكد شايله اجمل شباب العراق
اول مره ادخل مكبره.. واشوف شباب بعمر الورد وصورهم وشهداء
وكفنه ونزلنه...ونزلوو نجم ... واجه واحد ضل يقرا عليه
واني يمه وابجي ... ومانشف دمعي عليه
والثاني يحفر.... يحفر بعمق.. يحفر وحته مااشوف طوله الي يحفر
معقوله بهاي الحفره... راح يندفن.... معقووله لهدرجه عمق الكبر . ليش مايخلووه اقرب ليش هالبعد هذا .. شلون يسمعني من احاجيه وشلون توصله دموعي
كملوو ورادوو ياخذوونه
شبكته حيل
وضميته علئ صدري....وضليت اصرخ كل قوتي... اصرخ بس محد يرحم بيه .. ويسحبونه مني
اخدوه من حضني... وخلوه بالحفره ماشوف شئ منه .... ضموه هم بحفره داخل هاي الحفره
اون واصرخ محد يرحم بحالي وحال كلبي
ضلو يقرون علي وعبد ينحب مثل الطفل عليه
لا تاخذونه مني .... فدوه لا
اتوسل بس ماكوو امل....ضلو يذبون عليه تراب.. اريد ادخل وياه...اريد اندفن وياه بس يجرون بيه بكل قوتهم
كل الناس الي بالمكبره ضلت تباوع عليه وتبجي علئ حالي
فدووه لاتحرموني منه...مااكدر بدونه دفنوني وياه
نص روحي راحت......مااحس بشئ بس غصب عني خليته ومشيت
خليت نجم جوه التراب...ورحت عنه بكل صلافه.... بكل كويه عين تركته وراي ورحت
احسه يصيح وراي. احسه يكول لاتخليني وحدي...احسه يريدني يمه
جاي. اسمع صوته يصيحني.... رهف تعالي يمه انا وحدي بضلمه.. رهف لاتعوفيني مثلهم وترحين.... رجعت اله ركض ونمت علئ كبره وضليت اجيب التراب واشمر بيه علئ وجهي واصرخ كل قوتي ورجعت نمت علئ كبره وماحسيت بشئ بعدها
ماكعدت الا وره يوم ونص... وكنت بالمستشفئ
طلعت من المستشفئ..... ورجعنه البيت فاتحه وهوووسه. والكل اسود ويبجي
كعدت امي فوك راسي...هي وحنان وحليمه
ويبجن بصوت ناصي
يمه نجم وينه
يمه تحلمت حلم....مو زين.... اعوذ بالله... استغفر الله..... يمه نجم وينه
احجي نجم وينه.... يمه شبيكم لابسين اسود وتبجون
مشيت. ونزلت جوه الكل لابس اسود واجوو يمي .. نجم وينه.....,ليش لابسين اسود منوو ميت
الكل ضل يبجي.... لا هذا حلم .. اني كنت احلم نجم مات
بس هس كعدت ....ماكو شئ طلع حلم الحمدلله
هسه يجي ابوو سلومي حبيبي
وين حمودي....شافني ضل يبجي ..... رحت يمه شبكتخ وسكت ...شبيك يروحي هسه يجي بابا ويجيبلك الجبس الي تحبه...وبوسته من خدوده......فدوه لعطرك مثل عطر نجم
بس ليش لابسين اسود شبيكم
نجم وينه.... افت. بالبيت كله وشايله محمد ...واركض
يمه علئ كيفج لاتركضين
ليش ماركض يمه شبيج... قابل حامل خايفه عليه هههههه اضحك بصوت عالي
عمتي.... اي يمه انتي حامل بنجم الزغير
ههههه منو كال الكم حامل
الطبيب كال يمه.. صار سنين ننتظر طفل بس ما لحك يفرح بطفل منج يبنيتي
شبيج عمه..... شدتحجين
ااجت حكيمه....تهز بيه كل قوته نجم مات نجم مات رهف اصحي....اصحي يخيتي
والكل ضل يبجي بكل قوووته
حرام عليج هجي تفاولين عليه.... هس يجي اكيد بالمحل
لا ماات.... مات نجم
كافي شنو مات....اذا مات ماشفتيني عايشه هسه....جان متت وراه
ضلت حكيمه تضرب بيه.. لا نجم مامات.... ضليت اصرخ كل قووتي والطم علئ وجهي وبالكوه لزموني.....
مرت شهر علئ علئ وفاة المرحوم.... واني بس جثه مااحس بشئ
عايشه بس علمود الطفل.... عايشه لان ابطني ابن نجم
مرت الاربعينيه وعشت مأساة .... اني فعلا بلا قلب...اني صرت اكبر من عمري
مرت سنه... وجبت نجم الزغير..... ويشبه ابوه بكل وصف اله.... وكل ملامح وجهه
صرت ام ل9 جهال مو الواحد ولا لخمسه
مرت 5سنوات علئ الحادث
واجه داعش... وتخربطت اوضاع العراق.....وعشنه اسؤء ايام حروب وشهداء... وكم مره عادل دز بيد امي .. انو يطلبني لزواج ويتحمل ابني....بس مستحيل
اني زوجة نجم
يجيني يوميه بالحلم.....ويحجي وياي.... عبالك حقيقه...كنت انتظر الليل يجي ثانيه ثانيه حته اشوفه
كنت ليليه اشووفه....وحته بالحلم نتعارك ونتزاعل
مايوم فاركني وماا اجه اليه..... ما نسيته ولا نسيته لحضه
محسن تحسن... بس عنده اعاقه برجله اليمنئ.. وحيدر وعم نجم
كونو انفسهم وطلعو من البيت.. بقينه بس اني وجهال نجم
وعبد ونسوانه....وحنان ورجلها هم طلعووو..... بيت وحدهم قريب علينه
الحجيه حاولت تقنعني اتزوج حيدر
بس كتلها شلون اتزوج واني مزوجه.... وعرفت نجم مافاركني ابد ودوم احلم بيه ونسولف
يمكن هاي هديه من ربي.... انو اشوف نجم ومافاركني يوم
سالم كبر ودخل كليه..... ويحب بنت عمه... جيهان بنت عبد... وتزوجو ويانه بنفس البيت ويدرسون نفس الكليه بس غير اقسام
وحليمه سافرت هيه وزوجها لالمانيا واستقرو هناك
وحمودي كبر وهس يدري مدرسه.....وروحي بيه.... وابني نجم هو احلئ اخر هديه من نجم اليه
وبعد دخول داعش. للاسف سمعت انو عادل استشهد بموصل.... الله يرحمه ويسامحه
انتهت قصتي
انتهت قصه قلب.....ولد مجروح ومات مجروح
اني فعلا امرأه نحيسه
امراه بلا قلب
بلا مشاعر......بعد فراق حبيبي نجم
ضاع كلشي حلو بحياتي.... بقه بس الحلم هوو فرحتي
النهايه
اتمنئ عجبتكم قصه
