شسوي بالفلوس انت اريد اعرف تاكلهم
بابا ذيج المره بيبي هي كالتلي كول لبابا رهف صرخت علئ بيبي وانطيك فلوس هواي
واني كتلك وانت ضربت رهف
وبيبي ماانطتني فلووس... كلما اكول الها تكول باجر وماكو
بابا ترئ بيبي تجذب رهف ماصيحت عليها انا يمها وسمعت كلشئ
شنو تحجي سالم
اي بابا... هي كالتلي هجي كول من يجي بابا... حته يطرد رهف ونرجع امكم...
يممممه
نجم ضل يصرخ علئ امه.... واجت بساع
شكوو يمه شبيك
شسويتي بيه شسويتي بنجم حركتي كلبه مو الله يحرك كلبج
بقيت ساكته
يمه انا صحتج الج اريد احاجيك عوفي لبنيه بحالها
هجي نجم صرت هجي نسيت رباي وسهري عليك رجعت لوحده تصيح علئ امك
لو مااجيت جان ضربتني
يمه شجاج انتي مره شكبرج وحاجه بيت الله وتجذبين
انجب ولك انا اجذب.. تخسه
اي سالم كالي
ولك سلوم شكلت لابوك ... جذاب حرامي
اي انتي كلتي كول لابوك هيج وانطيك فلوس وارجع امك
بس لا رجعتي امج..... ولا انطيتيني فلوس جذبتي عليه
اسكت جذاب عيب تجذب
بابا مااجذب والله
نجم
رهف اسكتي
نجم انا مااعتب علئ عمتي ... اعتب عليك لان صدكت بيها...وماصدكتني نجم
انت لهسه ماتعرف طبعي ولا اخلاقي
رهف اسف ....سامحيني
خسرت ابني نجم
ربي يعوضج عشره غيره....واعوضج انا وغمزلي
يمه الله يسامج بس انتي لسبب مات طفل بسببج وانتي تتحملين خطيته طول عمرج
الحجيه باوعت سكته وراحت
الله يهديج حجيه
رهف مااعرف امي لهجي سويت بيج
كانت تحبج كلش....وهي توصيني عليج
وتوصيني ادخل عليج وانطيج حقج ....هيه رادتج اليه وخلتني اشوفج واتعلق بيج وخلتني اتزوجج ولحت عليه
ماعرف شجاها
نجم اطلب طلب
كولي
رجع محسن وحنان
سكتت
اي وجعهم كلبي....امك محملتني انا المسؤؤليه
مااريدها تكرهني..... اذا ضاجت مني البيت كله مايحجي وياي علمودها
محد يحجي وياج انتي
اي
ضل يصرخ نجم ولم البيت كله بغرفتي
اسمعووو ..
هاي رهف مرتي... والي يزعلها
ويغثها
اعتبار يغثني انا.... رهف ماغلطانه امي هي غلطت وكالت تحجي عليه وصدكتها
وانت سالم بس اكوم انا اعلمك
ورهف انا سمعتها تكول لعادل احب زوجي ولا تخابر وكسرت الخط كدام عيني وغلطت عليه
بس انا مدري شبيه تسودنت لان سمعتها تحجي وياه
رهف كدام الكل انا اسف
وراح اعوضج كلشي راح...وعد مني
وانتن البنات رهف اخيتجن..لاتتقصرن وياها
وراح ارجع محسن للبيت هو ومريته +
اجن البنات كلهن بوسني وتعذرن مني
بس الحجيه...سكتت وراحتت ادردم
الله يهديها
ونجم تحسن شوي شوي... وكام يمشي عادي
واتنازل علئ عادل ... لان اجت شيوخ وناس كباريه
ونجم كلبه طيب علئ الرغم هو عصبي بس داخله جووهره
ومرن شهر ... وعادل بقه بالسجن بس 3 اشهر وطلع
واحنه حالتنه الماديه مو نفس قبل
صرف قليل
بيومها فكرت ...شلون نشتري هاي الارض الي يم ارضنه ... بلكي الي اشتراها من اهل هيله يبيعها علينه اذا انطيناه فوكاها كم فلس وهو الي ربحان
نجم جاي يتعذب... حته الكاع مالته مابيه محصود
والزرع يموت ....,والكاع كامت ماتزرع
جاب زراعين ماخله... محد يعرف عله الكاع شبيها
اشوف نجم يذبل كدام عيني
وطبعا....محسن وحنان رجعوو
بس ماتحجي وياي ولا شئ
مره كاعدين عصريه وصحت للبنات كلهم
اجت نسوان عم نجم بيداء ولمياء ... والحجيه كاعده هناك قريبه علينه
ولمعيه وحكيمه
وحنان
بنات جاي تشوفن زلمنه شلون متبهذلين وهو صارلهم سنين يتعبون علموده ومامخلينه بصووج ولا بعوز ابد
وانتن صار الجن سنين وياهم وماخلينكم بحاجه احد
ولا قصروو وياجن
اي والله صحيح رهف
بنات منو تكدر تتبرع بلي عدها او ذهب او اي شئ غالي عدها
ونطيهن لنجم يشتري هاي الكاع
بقن صافنات بوجهي
لميعه.... انا
حيكمه باوعت بيها وانا هم...
بيداء ولمياء احنه هم عدنه ذهب كله نبيعه لخاطر رجولتنه ماقصرو ويانه وهو هذا كله منهم
حنان سكته.... وتخونز سكته
انصدمت بيها فشلتني كدام البنات....الي يشوفها يكول ماشبعانه ولا شايفه
البنات الجهال ....خاله رهف احنه هم عدنه تراجي اخذيهم وبيعيهن واخذي فلووسهن هواي....
فدوه لكلبكم خاله
بنات اني راح ابيع كل ذهبي والفلوس الي عندي وحته غرفتي راح ابيعها لو اكعد علئ زوليه عادي
لميعه...اي والله المهم نعوضهم سنين الدلال
حكيمه.... انا عندي كاع ببغداد حصلتها ورث من ابوي خلي نجم يصرف بيها
مني اله هديه... ماانسه وكفاته وياي ابو سالم
لمياء الي والله حته انا ماقصر وياي من انسجن اخوي هو تكفل بكلشس وكف النه وكفه لاعم ولا خال سواها
وعند اخوي بيت صح هو قديم ومتعوب يس داخل المحافضه ويجيب سعر بس اخويه مامحتاجه خلي يبيعه
وفدووه لنجم
الحجيه باوعت النه سكته ومتعجبه من كلامنه وشلون قررنه
كالتلي
يمه رهف
تعجبت منها صاحتلي هجي وبحنيه
تعالي وياي
سكتت ورحت وراها .... سكته
ودخلتني لغرفتها... وسدت الباب
الصراحه اني كنت كلش خايفه.... ليش هجي وشتريد مني
وهي صار ماتحجي وياي
فتحت كنتورها الي مقفول ومفتاحه دوم مربوط بالشيله مالتها وطلعت صندوق قديم
وهم مقفوول
وفتحت الصندوق.......
فكيت عيني.... مامعقووله
كله ذهب. . ويلمع
اشكال وانوواع..... وذهب ثكيل مو مال مثقال ولا عشر مثاقيل .... ذهب قديم خليجي
شنو هذا عمه
يمه هذا ذهب اهلي قبل
وذهب المرحوم الي جابه اليه بعرسي... والي جابه اليه .... والي اشتريته انا
طلعت اليه ذهب كله باون... ماينشال
رفعته اليه..... شكد شفت ذهب بس نفس هذا ماشفت
واكو حزام ذهب جبير كلش....يلبس من الركبه وينزل علي البطن ويصير حزام
وبيه مداليات نازلات ... يعني زينه وذهب صب
وملاوي كل واحد عريض كلش وماينشال... والخلاخل ..... والمحابس الواحد بيهم والله ماينشال ابد...... وكم كلاده الذهب كلها ليرات ذهب..... بيه فوك 100 ليره او اكثر بهووواي
يعني بقيت صافنه عليه
هذا الذهب لو ينباع يشتري الف كاع ومو كاع وحده
عمه هذا المن
عمه اليه شبيج.....هذا اهديه الج وانطيه لنجم
وانتي يمه سامحيني قصرت وياج
بس كنت مقهوره علئ سهام وعيالها
بس هس عرفت قيمتج واخلاقج... وسهام باعتنه وشتت جهالها.... وحرمتنه من الكاع الي نجم من صغره هو وابوه يكرفون بيها
وهس كلشي ماحصلوو
راحت منهم يايمه
اخذت الصندوق مااكدر اشيله.... شالته هي مكاني
وطلعت للصاله
لكيت البنات كلهن مجمعات وكل وحده مخليه كومه ذهب يمها
ماصدكت نفسي هاي شنوو معقووله
منين هذا ووين كانو ضاماته
والله لو يجي ابن حرام لبيتنه يصير مليونير بس من وره بيتنه
اني طلعت ذهبي ... بس كنت مستحيه منهن
لان مايجيب حته مليونين
وهنه الوحده بيهن تجيب10 و15 مليون
منين جمعنه هذا ... وشلون
بس هنه كلهن بنات شيوخ ..... وقبل كانو حالتهم كلش زينه
ويشترون لنسوانهم....
بس هنه ماعدهن اهتمام بانفسهن لان منطقه عشائريه
وحاجيت عمتي حته نروح لمعمليهم بالكراده. حته نبيع عليه كل الذهب
وخابرت عمتي علئ حيدر.... واجه اخذنه
ووصلنه للكراده.....
ودخلنه للمحل
ضليت صافنه علئ البنات ... علئ الجمال علئ الاناقه
محلات تجنن.... ملابس مو طبيعيه.. الاسواق المولات... كلشي اتمنئ اشتريه
اتمنئ عندي مبلغ بسيط
واشتري نيشان من جديد..... واشتري ملابس خاصه لنجم...
دخلنه علئ محل الذهب.... وصاحب المحل رحب بينه كلش
متعود علئ عمتي.. دائما تشتري منه
واول ماكعدنه... طلع النه موديلات مو طبيعيه.... لان خالتي كانت اول ماتكعد يواريها اثقل الذهب
خالتي ابتسمت
لا يمه ابو فهد. .. اجيت هالمره ابيع....
معقووله ام نجم..... خيركم
لا والله يبني بس راحت من عدنه كاعنه
افااااا
اي والله ... الحمدلله.... انت معملينه من ابوك لجدك .....لاتكسرنه
صدمتيني ام نجم....
نعوض انشاءالله
وطلعت الذهب كله.... وضل يوزن قطعه قطعه
ويحسب بالحاسبه
ويكول الها السعر ... وعمتي ترفض
وينطيها سعر اكثر..... وتوافق
ضليت صافنه عليهم ...معقوله هجي اسعار... يعني حسب بت واحد عريض كلش وثقيل صب ب3مليون.... وهنه يجن فوك سبعة بتوت.... والاكثر منهم جابن سعر كلش جبير
وتحاسبوو..... وجان المبلغ كلش جبير 0000
وراح العامل جاب المبلغ من البيت
لان هواي
وره دقائق اجه الولد.... وجاب الفلوس بجنطه صغيره
واخذناهم ورحنه للبيت....
دخلنه.....لكيت نجم عصبي كلش....لان طالعه من البيت
واول مادخلت
وين رحتي
كالت عمتي..... انا اخذتها وياي يمه..
ليش ماكتولي
صارت مفاجاه
اني سكتت..... وخفت من نضراته اليه....
واجت عمتي
وكعدنه كل احنه بالصاله
وانطت لنجم لفلوس الي بالجنطه
منين ذني
ذني كل احنه جمعنه..... وبعنه ذهبنه .... وكل وحده جبت الها وصل بشكد باعت سعر ذهبها حته تعوضون الها ذهبها
مثل لميعه ذهبها جاب 9ملايين و300
وبعدين تعوضوهن من ترجعون كاعكم....
يمه شسويتي ... غير تكوليلي
يتبع
يتبع
