بقيت يومين بلانعاش النسائي
ساعه اختنك.... ساعه انزف...
ساعه يجيني اغماء مفاجاه وابقئ لساعات ماادري بالدنيا
كعدت يوم الثالث..
طلبت اشوف نجم
واستجوبوني الشرطه... وكتلهم وكعت من درج......وسدو القضيه
وحولوني ردهات تحت المراقبه...
كانت طبيبتي كلش تعاملها زين وياي......
وتعرف اني مضروبه من قبل زوجي.....
ومداريتني كلش....
نفس اليوم ...كملو الاجراءات وطلعوو نجم من المستشفئ
وكانت وياي بالردهه هواي نسوان مريضات... والردهه هوسه...ومرافقات.....ومراجعين وزيارات
..وحولوني المستشفئ خاص نفس الدكتوره هم تشتغل بيه
وتحولت هناك...
وغرفه وحدي وهدوء ومدارات وممرضات هنديات .... وعنايه للمريض غير شئ
وعرفت من امي نجم هو الي حولني خاص لان شاف هوسه المستشفيات وماكو عنايه كامله
وكم مره اطلب اشوفه ....بس مايجي
كلهم اجوني احمويني والبنات
واختي حليمه وزوجها
بس حنان...... حنان الي دمرت حياتي مااجت اليه ابد
ولا سالت عني.....
بقيت اسبوع بالمستشفئ .....وتحسنت....ورادو يطلعوني للمستشفئ
واجه عبد راد ياخذني للبيت
بس ماقبلت ورحت وي امي للبيت....
وطبعا محسن وحنان سمعو راح اجي للبيت هناك يم امي...اجرو بيت زراعي زغير
وكعدوو بيه
وحنان باعت ذهبها والي عندها وعند محسن واشترو سياره عاديه.. يشتغل بيها داخل بغداد 1
وعبد وداني للبيت اهلي هناك.....
ومرن يومين
والكل يجي يسلم عليه.... ويبقون لليل الا يرحون
بس نجم لاشفته.... ولا وصلني
الي عرفته من البنات ..... متندم وخجلان علئ الي سواه بيه
...
..
وعرفت زوجه عادل حامل بولد.... وطايرين بيها عيالها
وهي وعادل مخلصينه بس سفرات
واني خلصته بس ضرب هنا
واخر شئ فقدت ابني... وبقت عندي نسبه30% للحمل بعد اوو اقل بهووواي ....ومرن اسبوع هم.... تحسنت شوي....وكمت اكوم علئ حيلي... واستعدت نشاطي
بس اني صرت مكسوره...
نضلمت هواي وكلشي ماحصلت
عشت وي بيت نجم 7 اشهر.... وبس ليله وحده عشتها وياه
وشحصلت من وراها
حصلت منها بس طفل....بس ماشفته ولا حسيت بيه
لا حسيت هو داخل بطني
كنت ابجي هواي..... كلشي خسرت بحياتي
ماحصلت شئ
لمن كنت عدهم كانت بيداء مرت عمهم تخيط ملابس وكنت اتعلم منها
وطبعا تعلمت..... وفكرت اجيب مكينه
وابدي اعيش نفسي... وانسئ نجم بحياتي بعد
وابدي من جديد....... واعتمد علئ نفسي
مره غسلت ملابس .....ورحت اشرهم علئ السطح
وطبعا اني عادل شلته من بالي نهائيا لان حب نجم نساني كلشي....
صعدت وتذكرت ايام قبل وضحكت بيني وبين نفسي
احس نفسي كنت مراهقه ومااعرف شئ
واحس نفسي هس كبرت عشر سنوات لكدام
احس نفس صرت مره ..... مو بنيه ولا شابه
باوعت علئ شقه علي
وشفت بيتهم العالي والديكورات.....وتذكرت شلون عشت.... وشلون ربي غيرني من حال الئ حال
اكو صراخ وعركه
وين
تقربت يم شقه عادل .....اي صراخ وعرك
سمعت.......
انت دمرت حياتي اذا ماتريدني شكوو تزوجتني .....
. انت لا بالك ولا كلبك اليه بيمن قصرت وياك كولي..
. البسلك احلئ لبس ومحافضه عليك وماقصرت لحضه وشتكول حاظر
وانت بيمن تجازيني
بس سهر ...... وتجيني ب3 ريحتك كلها شرب وماتعرف تحجي كلمه
وتجي يمي لا مشاعر ولا شوق ولا عطف بس لان سكران تاخذ حاجتك وتروح ومن تنام وياي تكولي احبج رهف
اني مو رهف ...اني سمئ
اني زوجتك سمئ.... اخذتني مددله وذبيتني وره يومين من العرس..........
وهو ضل يعيط عليها
وهي تعيط .... وتكوله طلكني اذا انت رجال
مااريدك ... روح لرهف الي عافتك وخانتك وحبت غيرك
انجبي ولج....لسانج اكصه
اي كصه.... وروح لرهف ... عافتك لان تسكر وتشرب
وزاد الكلام بينهم
وشبعها كتل
اي عادل شبع زوجته كتل... وهي طفله ماتعرف شئ وزغيره......كان شارب ومايحس بشي ويضرب بيها ومايحس بروحه... البنت حامل
وهو يضرب بيها ... بكل قساوه
شسوي ... وافزعمن....دنيا ليل
بس ضلت تصرخ.....والبيت كله صعد اله لفووك.... وام عادل تصرخ لان كامت تطلك وهي بالخامس وضلت تنزف
وشالوها كبل للمستشفئ... وعادل مايدري بشئ
مديت راسي. علئ شقتهم...عادل عادل
رهف ....رهف روحي من بالي روحي
عادل اني هنا حاجيني
رهف كل مره تصيحيني واروح وما الكاج الكه مكانه فارغ
رهف احبج.....ليش عفتيني
عادل كوم... ليش هجي سويت بزوجتك حرام عليك ....
كاملي عادل وفز من مكانه واجع يركض.. والريحه الي بيه مدري شنو تلعب النفس.. يمكن مالت لشرب
رهف
معقووله رهف....لو مثل كالعاده من اشرب اشوفج
دوم اشوف مرتي هي انتي من اشرب..... واحسها انتي واكلها اكل....
عادل كافي شبيك تخبلت... اصحه يمكن طفلك مات.....روح لمرتك خطيه
مااريد مرتي .... اريدج انتي
اكو بالسطله ماي ... باقي من الملابس الي رحت اشرهم
جبته وذبيته كله علئ وجهه عادل....
اخ شبيج...
عادل مسح عيونه من الماي... وفتح عينه
رهف
اي رهف....شبيك انت تخبلت ليش هجي تضرب زوجتك.... انت مو صاحي.... انت مثل نجم ....اثنينكم حقراء
شبيج رهف.... منو ضربها
انت هسه ضربتها.... وزوجتك كامت تطلك
رهف انتي تخبلتي
لا انت تخبلت مو انا..... روح اسبح من هالريحه الي بيك....واصحئ علئ نفسك
وشوف زوجتك خطيه.... ضلمت بنت ناس وياك
رهف انتي السبب...... انتي دخلتي حياتي وخربتيها ..... انتي الي ضلمتيني ورحتي
انتي خليتيني ابجي عليج ومجروح
ردت اقهرج....نفس ماقهرتيني
انت مااحبه ماااااحبه
انا اشرب كل يوم حته اشوفج واتخليج انتي مكانها
تعودت علئ شرب بسببج
نقلوني للموصل بسببج...... لان كمت مااعرف اشتغل
صرت نقيب رهف.... بس عاقبوني ونقلوني
لو باقي هنا جان رفعوني رتبه رائد
رهف انتي خربتي حياتي
نجم شسوه بيج... عرفت وسمعت هو مايريدج وذابج مثل الجلب...... وعرفت هو طيح ابنج وابنه
وخلاج بعد عقيم....... تحلمين بالحمل بعد
اي نفس ماسويت بزوجتك انت الله ينتقم منكم.... روح الحك زوجتك يمكن هم راح تصير نفسي
انتي شتحجين ... نجم خبلج مو
لا ماخبلني روح وتاكد بس كنت شارب وماتدري بروحك روح روووح
عادل ماصدك كلامي.... لان مايتذكر شئ.....ونزل جوووه يتاكد
وره ماكالوو اله ... طلع بسرعه بسيارته وراح لزوجته
بقيت فووك.....تذكرت نجم شسوه بيه هو ضيع اول فرحه اليه...... بسببه خسرت فرحتي وعافيتي
نجم.... حبيته وحبيت كلشي بيه... بكل كل يوم يجرحني
بعد ماراح ارجعله.....
نزلت جوه....وتمددت بفراشي.....وقررت طلاق بيني وبين نجم...خلص.... حبيت مرتين وماحصلت شئ خسرت كلشي..... فتحت موبايلي ... رقم نجم.. اخابره لااا.... ادزله رساله.... دزيت رساله وكتبت بيها انتظر ادز ورقه طلاقي.... او اني اروح للمحكمه وارفع دعوه
انتظرت يجاوب
بس تم تسليم الرساله.....وماجاوب....
انتظرت جوابه.... لحد ماغفيت وحدي
كعدت الصبح.... فزيت اريد اشوف رد نجم
بس ما لكيت نجم...... عندي مبلغ دزيت وي امي تجيبلي مكينه خياطه.....الاصليه
وتاخرت هناك ......لان السوك بعيد علينه......
انتظرتها .... ركبت الغده علما اجوو
وكعدت يم اخواني.....والعب وياهم بالايبادات مالتهم
واخويه حسوني كبران فديته..... وبده يفهم مشكلتي...... ويكولي نجم اذا تريدين اكتله الج
وخفت عليه.. لان كان كلامه مالت كبار وخفت عليه يتعلم هجي امور.. ونصحته من اصدقاء السؤء الي يتعلم منهم هجي سوالف
وطلعووو كعدو بالدكانه مالتنه
واني بقيت وحدي
كعدت بالغرفه..... وكمت ادور منا ومنا
دك موبايلي رقم غريب
فتحت خط الوو
الوو رهف...
عادل شتريد المن ادك عليه
رهف مااكدر بدونج رجعيلي..... حته ابني خسرته بسببج...
عادل لاتتصل انا متزوجه واحب زوجي انت ماتفهم
لا ماتحبينه انا احبج اكثر منه
وهو واحد حقير ومايستاهلج
عادل احترم نفسك ولا تجاوز نجم يحبني وانا احبه....
وروح لزوجتك خطيه واسيها...
اوكف وياها بعد لضرب وخسرت ابنها بسببك
رهف طلكي منه واني اطلك زوجتي وخل نرجع لبعض ونزوج
انت مجنون ومو صاحي واكسر الخط بعد اذا خابرتني واروح لابوك ترئ واخليه يحاجيك وانا احب زوجي ويحبني ولاتخابر بعد
وسديته بوجهه
الله ينتقم منكم دمرتوو حياتي
وطلعت الخط وكسرته...... وردت اطلع من الغرفه
والتفتت
نجم..... +
