عادل.....خاله ابوس ايدج لاتضربيها
ولجن بيمن قصرت وياجن هاي حامل وهاي بسطوح بنص الليل
ولكم ليش هجي.... شسويت بحياتي حته ربي هجي يعاقبني بيجن
ولجن بعت حته ملابسي حته اوكلجن وماخليجن تجوعن
يمه فدوه اسمعي والله ماسوينه شئ
وعادل رايدني بالحلال ودك بابنه
ولج اذا يريدج بالحلال هجي يسوي ويفضحج كدام العالم
امي ضلت تنوح وادك علئ رجليها
حنان.... هو هذا الي رفضتي نجم علموده
ولج يانجم انتي
اي نجم احسن منه ومافكرتي بيه وبمستقبلي
انتي محد جبرج تحملين منه وتورطين نفسج من هذا الاثوووول
امي..... كافي ولجن كاافي
لا يمه مو كافي هاي انانيه ماتفكر بيه وماتفكر بعادل شكد ساعدها ووكف وياها .. ياما شالها بيده واسعفها للمستشفئ وهي ماتدري بشئ هجي تجازينه
كافي لاتحاولين تسترين نفسج
اانتي صحتي الامي وخليتها تجي وتشوفنه
اي اني كلت الها ... ردت تشوفج علئ حقيقتج
ليش هجي حنان ...بيمن قصرت وياج
ضلينه نتعارك اني وحنان
عادل يباوع علينه ومستغرب. منه
امي تبجي وادك علئ وجها
خفت عليها يرتفع سكرها وضغطها وتوكع
اشرت العادل روح..... وراح
نزلت امي جووه..... ووخرت ايدي منها
ونزلت وحدها..... ولازمه الحايط وماتقبل نلزمها لا اني ولا حنان
نزلنه جوووه..... واذن الاذان.. وضلت تصلي وتبجي.... وتدعئ علئ نفسها بالموت
رحت يمها وبوست ايدها
يمه والله عادل يحبني وماسوه شئ وياي مو زين..... ويحترمني ويقدرني ....واجه طلبني منج .... بست ايدها مره ثانيه
يمه والله احبه وماكدر بدونه
يمه عادل حلم حياتي
واريد ارتاح ..... يمه بروح ابوي لاتحرميني منه
غوركت عينها
يمه انتي ماتحبين ابوي.... انتي حبيتي عمي بروح عمي.... لاتحرميني منه
ضلت تبجي
وبجيت وياها
حنان ... تباوع النه بغضب
امي.... يمه اختج حامل يمه شنسوي
خابرت زوجها ومايجاوب عليها... يكول الها مارجعج لمن تقبلين بطلب امي
يمه لاتضلميني ارجووووج
يمه شسوي كوليلي.....
سألتني
من شوكت علاقتج وي عادل
يمه والله يمكن شهرين.... وماتجاوز وياي ... هو كان يلح عليه علمود الزواج وكنت اكوله مو وقتها
رجعت بست ايدها..... ونمت بحضنها
وضلت تلعب بشعري
وضلت تحجيلي عن حبها هي وعمو رضا
بأيام صدام قبل
امي عاشت وي بابا محمد فوك10 سنوات
بس ماحبته يوم
ولا هو حبها
كنت انا حب بابا.... لان يشوف بيه حبيبته رهف
امي وعمو رضا... تزوجو بعد معاناة طويله
لكون امي كانت يتيمه وعايشه عند عمتها
وجدتي ماقبلت بيه بالبدايه
بس اصرار عمي رضا... صارت القسمه
وخلفو حنان وحليمه
امي من تذكر اسمه ... عينها تدمع وحدها.... شكد صعب شعور الحب... وشكد صعب الفراق
اني هس حسيت بأمي
وحسيت بحالتها
حبي وي عادل..... خلاني اشوف الحياة
كان يفاركني ساعه.... اموت
لا والله اتسودن
شحال كلب امي.... فكارته سنين
الله يساعد كل..... مفارك ولف
يمه
نعم بنيتي
حسيتي بيه
اي يمه احس بيج وعادل ماالكه منه بس الضروف مرات تجبر الشخص يتخذ غير الطريق الي يريده
شلون يعني
انسي عادل
ليش يمه ... توج تكولين افهمج
لا يمه اختج بمصيبه واذا عافها محسن.... تدمر حياتها وكله تدري بيها زعلانه من اشهر
شنوو يمه شقصدج
يمه باجر نخابر ام رضا ونقبل بطلبها
طلبها شنو
توافقين علئ نجم
يمه نجم شنووو ..... هو اني شايفته.... وفوكاها شايب..... هو مايريد يزوج بس امه جابرته
اعرف
ليش تضلميني وياه وانتي تعرفين بيه مايريدني ولا يريد يزوج
حنان كاعده بعيده عنه
وتبجي
كتلها
حرام عليج .. ليش هيج تضيعين حياتي
انا احب عادل
مااكدر اعيش بدوونه
ضليت ابجي لا اراديا.....
ونمت بحضن امي... كانت لابسه جادر الصلاة
عادل حلمي .. حبيته....
ماكدر اتخيل نفسي بدونه...
حنان ليش هجي راح تضيعين مستقبلي
حنان.... ماليه غيركم اني غلطت.....صح وتندمت واعرف طلع مايستاهل بس شسوي مو بيدي
اني تحطمت ... ياربي شسوي
كلبي مو اليه....توني شفت الحياة .... توني كلبي ضل يدك ...كنت ماحس بشئ
حسيت بس بتعب وعوز وذل
يتيمه وشفت عادل الابووو
شفته اخوو النه وسند
ماشفتي من توكعين يجينه يركض سوايته ... لا عم ولا خال
عادل كلشي بحياتي
راح اتحطم ياربي......
ليش هجي .... شنو ذنبي.... اتزوج واحد لايريد يزوج ولا يريدني
اجه الصبح ولحد هس.. ماجاني نوم
امي وحنان نامووو
فتحت جهازي... عادل مراسلني
جاوبته
عادل
رهوفتي شكوو شصار طمنيني
عادل اني ما عندي بحظ بهالدنيا
ليش يكلبي شصار
عادل اني متت بس عايشه... ماعرف ليش متعذبه هجي بحياتي
مااعرف ليش كلساع اعز ماعندي
حبيبتي شبيج
عادل الدنيا .. سوده بعيوني. كلشي مااشوف بيها
اشوف بيها ضوه بس بعيد عليه .. ومااشوف غير هذا الضوه... بس مجبوره مااروح الها
مافهمت رهف شبيج خوفتيني
عادل امي تريد ازوج احمه نجم
شنو هالحجي ليش
هذا شرطهم يرجعون حنان
شنو هالحجي.... انتي شدخلج
فهمته السالفه كووولها
عاددل.... شنو هالتخلف.... انتم بيا زمن رهف ماانطيج لغيري لو تنكلب الدنيا
عادل مابيه للمشاكل
اني هم مااريد مشاكل .. وهذا زوج حنان من يجي اني اعلمه وادبه
عادل شنو تأدبه
اي اريد اعلمه عالرجوله... شنو بس بوقت الونسه يتونس ويروح... والله لو اخوي هذا ادفنه وهو موجود
هس اخوي الجبير من يجرح مرته محد بالبيت يحجي وياه.. ونحاجيه ونخليه يراضيها لو غصب عليه
فشنو هالتصرف يطرد مرته شنوو اختها ماتريد اخووه
باجر اعلمه بسيطه... واشوفه الزلم شلون تكون....
عادل مااريد مشاكل الله يخليك
لازم تردينه لنجم
عادل شنو هالحجي.. انت هواي انت املي
انت حلمي
شفت الدنيا بيك
وسمعت دكات كلبي بيك
احبك كل لحضه بعمري... وكل وقت بحياتي
رهف مستحيل اضيعج من حياتي
بيك
عادل كلشي حلوو بحياتي من عرفتك
صبحي... ليلي ... اكلي... شربي
كله بيك.... كل وقت حلووو & لان انت وياي بيه
عادل اني مجبوره.... امي بجهه
واختي بجهه
والطفل الي ماله ذنب بجهه
ولج شتحجين ورب الي خلقج احرك الجو عليج وعلئ محسن واخووه
كل عقلك عادل
اي كل عقلي وفوك ماتصورين.... انتي ماتعرفين شنو انتي بالنسبه اليه... كل عقلج ترحين لاخوو الخبل هذا
عادل كافي متت راح انام
ب6الصبح ... جاي احاول انام ماكووو
اخر شئ غفيت وحدي.....
كعدت ب10 علئ صوت نسوان
كمزت بساع... لكيت ام عادل واخته الجبيره
فزيت بساع وشلت فراشي.... ورحت للغرفه
وسلمت عليهم من بعيد....
سمعتهم يحجون عني
عادل دازهم علينه.... ويريدهن يقنعن امي
ياالله .... تنحل مشكلتي وتوافق امي
عادل يراسلني .. بس مااجاوبه
اريد اسمع كلامهم
حنان يمهم كاعده ع جهه ... وسكته
ياهادي ... ياهادي ... ياهادي
اقنع امي ولين كلبها عليه
بس امي للاسف كالت الهم
بنتي انخطبت لحمئ حنان
لا يربي.... ليش هجي.... يمه لا..... وكعت من طولي....
وكمت علئ :حيلي
وطلعت لامي
ليش هجي يمه تحرميني من عادل
تعرفين هو رايدني ودزهم عليج.... مااريد نجم والله لو اموت مااخذه
واحرم نفسي كدام عينج
صار حوار قوي بينه
وراحوو ام عادل واخته
وبقيت ابجي
فجاة نسد باب الحمام حيل
وحنان الي دخلت بيه.... وطبكت الباب كلش
راحت امي تركض اله
حنان شبيج
يمه خليني اموت... وخلي اختي تشوف حياتها
هي تحب عادل
واني مااستاهل هالحياة ... واني غلطت واستاهل
امي ضلت تصرخ
واني رحت الها
وحاجيتها.....حنان طلعي كافي خبال
لا رهف... ماطلع اريد اموت وارتاح....
انتي تردين عادل وهو يحبج ... وانا استاهل الموت ... انا ماعندي الي يحبني اريد اموت
حنان اطلعي... كل احنه نحبج
لا خلوني امووت
وشنو ذنب الي ببطنج
ذنبه امه غلطت وابووه مايستاهله
امي كعدت بالحوش وضلت تلطم علئ وجها ورجله وتبجي
حسيت حنان شمرت علئ نفسها بانزين
وضل يطلع علينه من جوه الباب مالت الحمام
حنان اطلعي
روحي رهف .. روحي لعادل
ماريد عادل بس اطلعي
لا تحبينه وراح اخلصج مني ...
امي ضلت بالكوه تتنفس ...
واني ابجي واصرخ ... وادك بالباب حيل مالت الحمام
ساره من وره الحايط.... رهف شعدكم
ساره لحكيلي بساع فدووه
وره دقائق اجت هي وعادل
ودخلو كبل النه....
عادل.... شكوو
رهف جوه تريد تحرك نفسها
حنان اطلعي... حرام عليج
لامااطلع... خلوني ارتاح ... تعبت ... صار اشهر محد اجاني ولا احد اهتم اليه
افا عليج كل احنه الج .. طلعي ترئ ماتحصلين شئ وجهنم كدامج.. وتنزلين راس امج خطيه
اني واكفه يم عادل وابجي
اخر شئ عادل ضل يدفر الباب برجله
وحنان تشغل بالجداحه ماتشتغل
حنان اطلعي وعد مني اوافق علئ نجم بس مااخسرج يخيتي
عادل توقف وضل يباوعلي
واني حجيت هالكلمه .. واني مااحس علئ نفسي لا شعوريا حجيتها
ردت اخيتي تطلع
حنان سكته
امي سكتت
عادل يباوعلي وصفن بوجهي
اي حنان اطلعي .. والي تردينه يصير
وره ثواني فتحت الباب
وكانت منكعه بانزين
