نجم
اي نجم
بقيت صافنه.....اكيد سمع بمكالمتي وي عادل... شلون دخلت لهنا
اخوانج دخلوووني.....
شبيك تخونزر بيه هجي
تريد تطلكين مني... حته ترجعين لعادل مو
اسكت
تردين ترجعين لسطوح والغراميات فوك موو
نجم
وين كلامج احبك واحبك.. انتي شنو من ممثله انتي.. ماشفت منج بحياتي ... حقيقه انتي ممثله بارعه... اصفكلج علئ تمثيلج ودورج
نجم اطلع كافي
ردتي تبقين براسي حته تبقين وي عادل وكلشي تسوين بحريتج ومحد يشك بيج مو
كافي
بعدج تحبينه مووو ... انتي وحده بلا اخلاق اهلج ماربوج... منو سوته من اخواتج
نجم اطلع برررره ... اطلع
المن تردين اطلع... حته تبقين وحدج هنا وتهيتين وانتي بعدج علئ ذمتي
انا نجم...... انا نجم....... وحده مثلج تضحك عليه
انا نجم عشت طول عمري بين زوجتي وجهالي وبعت كلشي علموودج....وطلعتي وحده بلا اخلاق. بلا تربيه
صرخت عليه ... اطلع بررره حيوان اطلع
اي اطلع هس
بس تعالي
وين
انا اكلج وين نطلع
شبيك نجم
اريد اخذج لمقرج الاصلي
نجم ضل يجر بيه كل قووووته.... وسحلني وصعدني درج واخذني فوووك
ضليت اصرخ....اخواني بالدكان مايسمعوني
نجم اخ عمليتي ....نجم
نجم موتتني شبيك
اجت امي .. شمرت المكينه واجوو اخوتي وامي ضلت تصرخ
ونجم يسحل بيه وصعدني فووك السطح.....
وامي واخواني صعدووو وراي
هنا خنتيني مو
هنا نمتي وياه...... احجي
من جبتج لهلج قبل فتره ... خنتيني وياه مو
اجت امي تركض وراي واخواني....وامي تصرخ نجم ماخنتك ....
لاخنتيني.....وتخابرينه
ليش مو عفت كلشي علموودج
نجم رووح... انت واحد مو صاحي انت مريض... اطلع بره اطلع من حياتي
انت ضربتني لخاطر امك....انت وكعت طفلي
انا خسرت اول فرحه اليه بسببك
اطلع نجم ....وطلكني
حلم اطلكج ....حلم اخليج ترحيله
اطلع منا
لزمني نجم من وجهي وضل يعصر بيه حيل
اخ نجم ....اخ
تحبينه مووو
نجم اخ
تحبينه احجي....
نجم ....جاي توجعني وخر عني
تريدين تطلكين علمووده رهف.... احجي مو حبيبتج انا وسميتج بنيه كلبي..... حبيتك وماقصرت وياج.....,بس من شفتج تصرخين علئ امي فقدت.... حبيتج لدرجه نسيت كل جهالي لسبعه بسببج
تخليت عن ابني الثامن الي هي كاعي علمووودج
وتخليت علئ ابني التاسع علموودج....تدرين هيله حامل لولا...
تدرين كاعي كلها راحت وباعووها اولاد عمي... والي اشتراها وراني الضيم ويوميه يهدد بيه.... تدرين حته الماي بلكوه اجيبه للزرع وماينطني الماي ... تدرين شمسوي بيه الي اشترئ لقسم الثاني
علمودمن هذا ...علمودج انتي
تاليتج تضحكين عليه..... وتواعدين وراي وتخابرين وتخونين بيه وانتي علئ ذمتي
ماكدرت اجيج للمستشفئ لان خفت اواجهج ماكدرت اخلي عيني بعينج
كنت اشوفج من بعيد... كنت اراقبج من بعيد
كنت اشوفج بالانعاش فاقده....وابجي عليج مثل الطفل......
حبيتج ...رجعت مراهق علموودج رهف
رجعت عاشق......نسيت كلشي بحضنج وضحكتج
تخونيني
نجم ماخنتك..... وروح ابوي
اشششش ...ابوج لوكان عايش وعرف بسوايتج جان دفنج هس
خاله كافي والله ماعدها شئ بنتي وعادل نسته وتحبك انت
خاله اجيت ولكيتها تخابره .... سمعتها كدام عيني
ويمكن جانت تجي لهنا تقابل الحبيب وانتي نايمه ماتدرين
عيب عليك كافي
اجه اخوويه يركض.... وشايل سجينه بيده جبيره وشكلها غريب ويخوف
عوف اختي نجم...عوفها ترئ ادجك بيها
خو دج اختك ليش انا .اختك عايبه
وضل يسحل بيه من شعري
ويقرب بيه لشقه عادل
اخ نجم عوفني.. ضليت اصرخ وكام يضرب بيه... وامي لازمه اخووي خاف يكتل نجم
واخوي الثاني صاعد فوك نجم.....ويخنك بيه
حته يوخر عني
وعلئ صراخي اجه عادل....اجه يركض وشاف نجم لازمني من شعري وهو عادل تخبل
ورأسأ طفر لسطحنه
و وخر نجم عني.... وضل يضرب بنجم كل قوته
ونجم يضرب بيه
واخو عادل هم سمع الصراخ مالت امي..... وطفر علئ سطحنه
واثنيهم دارو علئ نجم
ضليت اصرخ عليهم
تخبلت من شفتهم اثنينه علئ نجم
عادل وخر عنه.....حيدر كافي لاتضربه
ضليت اصرخ
بكل قوتي.. ....وحسيت شئ طك عندي
حسيت بطني انفتحت
احس تبللت
اخ نجم ......يمه الحكيلي
عادل اجاني يركض هو ونجم.... وشافوو ثوبي صار احمر من الدم
امي شافتي
يمه الحكولي بنتي راح تمموت...انفتحت عمليتها وضلت تنزف
نجم وجهه كله دم
ضليت اباوع عليه.....احس صار بعيد عليه
احسهم يصرخون بس اسمع اصواتهم مثل الصدئ
مااشوفهم
عيني غوشت عليه... واشوف نجم وعادل وامي
ثلاثتهم التموو عليه.. بس مااكدر احاجيهم
بطني احسها صوندا وانفتحت.....
نجم شالني.... وبعد مادريت بشئ
بس عرفت ماخذيني بسياره عادل....,ونجم وامي وياي.....
وبالسياره بطني ضاله تنزف...وعادل نازع الفانيلا مالته..... ونجم ساد بطني بيها
فتحت عيني..... لكيت اني بمكان .... ضليت اتلفت.. هذا مستشفئ
وامي وحليمه يمي
شافووني... صاحن للممرضات والطبيب
وعرفت انو اني صارلي يوم ونص فاقده الوعي
وتحمدولي بالسلامه.... طلعن خيوط العمليه طاكات.... وطاك عندي نزف
بقيت يومين... بالمستشفئ
بس ماشفت اي احد من اهل نجم.... اجاني او سأل عني
كلما اسال امي
تكول اجو الج بس انتي نايمه..... واني كتلهم لاتجون... من تطلع تعالوو
وهم مره ثانيه خياط وضماد....ومااتحرك
وتعبانه كلش.... نفس ذي العمليه
نفسيتي كلش تعبانه......
ومااعرف شسوي.....ووين اروح
وره يومين ... طلعت للبيت
بس اخوي وي امي.....ورجل حليمه
جابوولي تكسي... واخذوني للبيت... نجم ماكوو
ولا اجه ولا سال عني....
ولا اعرف اخباره
كلما اسال امي..... تتهرب من السؤال
ومشغول ومدري شنوو
كعدت يم اختي
حليمه ساعديني انا تعبت.... وين اروح
نجم بعد مايريدني
.... يتصور اني خنته....والله مافكرت بهذا الشئ..... والله حليمه احبه
ضليت ابجي كل قوتي... ماحصلت شئ بحياتي.... من تزوجت لهس ماارتاحيت بحياتي
ليش هجي جاي اتعذب.... شنو الذنب الي سويته وهجي اتحاسب عليه
بقيت اسبوع وتحسنت....وكمت اكوم علئ حيلي بس بالكوه اتحرك
اخواني بالمدرسه
وامي طلعت بشغله..... وبقيت متمدده بفراشئ
اندك البابو
مااكدر اكووم..... بالكووه نهضت نفسي
وكمت امشي علئ كيف
منووو
انا ام حليمه افتحي الباب
تقربت علئ الباب فتحته
خاله ام حيدر
حمدلله علئ سلامتج
الله يسلمج ....ودنكت والدمعه بعيني
مااعرف ليش بجيت من شفتها.... يمكن لان ضيعت حياتي علئ اختي الي ماتستاهل تضحيتي الها
بجيت لان مقهوره.... كلشي ماحصلت بس القهر والضرب
لو متزوجه عادل ماصار بيه كل هذا
تفضلي خاله
ضيعتي عمرج ياخاله... وضيعتي ابني وياج
شحصلتي.... ابني فقد مرته وعافيته علمودج
وانتي فقدتي ابنج وعافيتج مثل مرت عادل
شحصلتي رهف...
شحصلتي من اختج.....حته ماتمر عليج ...وتشوفج هس.... شحصلتي كوولي
عادل ابني تدمر بسببج وسبب اختج
رهف انا جايتج ولا ترديني
احترمي وقدري شيباتي الج
خاله شكوو
تنازلووو عن ابني عادل.. خاف ينحم يمه والله امووت
مافهمت خاله.. ليش ينحكم
خاله هاي جريمه تعتبر وبيه سجن كم سنه.... الخاطر العشره قبل والجوره الي بينه ... والمساعدات الي ساعدكم بيها عادل خلي رجلج يتازل
خاله عليمن يتنازل
عن ابني عادل
ليش .... شمسويله حته يتنازل عنه
يمه شبيج غير عادل ضرب نجم سجين ابطنه
شنوووو
ونجم وين
انتي ماتعرفين
لا .... مااعرف.. نجم بيه شئ
نجم مات ..كولي نجم مات ... يمه
نجم مات لوو عدل حاجوني
للحكايه بقيه
