جزء 2
خابرت زوج حنان....
الوو
نعم منوو
اني رهف اخت حنان
هلا بيج خويه حنان بيها شئ
لا مابيها شئ بس بيها انت
شلون يعني
حنان تعبانه وحامل حرام عليك هجي تسوي بيها عالاقل خابر اسال لو حته بالجذب
مو فارغ
شنو مو فارغ ماتعرف تفرغ لزوجتك والابنك الي ببطنها...
هي سوت مشكله ومااحترمت امي واخويه الجبير
شنو سوت مثلا لان كالت اختي ماتقبل تزوج هسه
لا ماكالت هجي
لعد شكالت
كول احنه كاعدين بالصاله وجاي نحجي ونشاقه... وامي طلبت منها تحاجيج علمود اخوي الجبير ...بس هيه جاوبت بصلافه عزززه مااجيب رهف لهذا الضيم.... يعني احنه ضيم.... ليش بيمن مقصرين
اكيد مو قصدها هي فطيره
لا قصدها ومن عاتبتها امي كالت الها اي رهف حلووه وزغيره ماتقبل بشايب وصارت عركه والكل ضل يصرخ ... اني وديتها لتلافي المشاكل وتكبر الطلابه
وماتعرف تسال عنها
رهف .. شنو المطلوب مني
مامطلووب شئ بس تعال شوف زوجتك
مااعرف ....خل اشوف امي
شنو تشوف امك.. هالدرجه ماعندك كلمه او رأي
لاتجاوزين رهف
لا مااجاوز بس هاي زوجتك وحامل بإبنك الاول وعايفها شنو ماعندك مشاعر ولا قلب ولا كلمه
لا عندي بس امي لازم اخذ رايها
لا لاتاخذ رأيها ولا شئ خليك يم امك وحنونه يمنه ...مو محتاجه الك احنه يمها ونداريها... شنو قحط زلم
وسديته بوجه
بعد ماسمعت حنان كلامي وي زوجها محسن ضلت تصرخ وتبجي وتعاتبني لان ماتريد مشاكل
وفهمتها زوجها غلطان وانو هو بايعها ويمشي وره امه
ضلت تبجي وتنوح وفجأة طك عدها نزف ... وركضنه بيها بنص الليل والمستشفئ وطفلها مهدد اسقاط
وضلت تنزف ساعتين وطلبووو دم
بس اني وامي
اضطريت اخابر محسن زوجها.... بس هو بعيد عنه.... بعد ساعتين الا وصل
ووياه اخووه الجبير...... وامه
اني كنت لابسه ثوب قصير وشعري لفته لفه عاديه...... ولبست فوكه عبايه راس
كنت ابجي واجت امه يمنه وتهدي بينه
واخووو الجبير نجم بعيد عنه ودوم لا نتبهت اله ولا شفته بي ابجي .... وهو يسوي اجراءات .....دخوليه ودم
واني كان كلبي..... وي حنان
كلش تعبت وصارت وحده ثانيه ...صارت عبالك كركم.... حالتها هوايه صعبه
وبعد ماجابوو الدم.... وخلوووه الها.... استقرت حالتها
و وجه الصبح تعبت فجأه.... ووكع الطفل وحده
وللاسف خسرت طفلها الاول....
كنت اشوف اخوو محسن الجبير... بعيد لهناك
الي كان سبب هالمشكله
بس هو ماله ذنب هم مايريد يزوج بس امه تلح عليه تريد تسويله قبيله وحده فوك ذوله جهاله ل7
مامنتبه اله كلش
حالتي حاله علئ اختي حنان
خسرت اول فرحه الها......
حالتها مدمره .... فد مره..... وتعبانه كلشي بيها متغير..... مرت اشهر ومارجعت لعيالها زوجها يجي مره مرتين بالشهر.... عمتها هي الي ماتريدها لان تكول مانطوني بتهم الثانيه مااخذ بتهم هاي بعد
احنه لا النه معين ولا رجال يووكف النه
بس امي حاولت ترهم الموضوع وحاولت ترجعها ماكوو
زوجها لايحل ولايربط فد مره
مايكدر يرجع حنان....امه ماتقبل وكويه محد يكدر الها
حنان 24ساعه بس تنوح وتبجي
وماتقبل تطلك.. تريد زوجها الي مثل الحايط ولا عنده كلمه.....
حالته جاي تدهور لا تسولف ويانه
ولا تحجي ويانه.... بس تبجي لوو نايمه
بعد مرور شهرين واحنه من اسؤء الئ أسوء وعايشين علئ هالدكانه......
امي تعبانه لزم وياها سكر
جدتي هم تعبانه.... وامي داخله وياها للمستشفئ ... واحنه وحدنه بس اني وحنان واخواني زغار بالابتدائيه بس من يرجعون من المدرسه ... يكعدون بالمحل
بعد ما سمع زوج حليمه بحالتنه اجه هوو وحليمه
بقوو يمنه لان وحدنه بالبيت
وطبعا حليمه جابت ولد
والحمدلله استقرت بيت وحدها.. وعائلتهم مثقفه ومتفهمه كلش...
ولمن سمع علاء زوج حليمه بقصه حنان كال طلكوووها
شنو هذا هم يعتبر رجال..... وخابر علئ محسن وطلب منه يجي هوو حته يطلق حنان
وصارت عركه بينهم بهذا الاتصال
لان. محسن كاله ما الك دخل انت هاي زوجتي وشئ خاص بينه
بس علاء كاله انت ما عندي وياك كلمه خل تخابرني امك واتفاهم وياها عالطلاق
بس محسن ماتقبل هالكلام وصارت مشكله
ويوم الثاني اجه محسن هوو واخوه الجبير نجم
وكاعدين بالصاله واحنه بالغرف
وصار بينهم حوار حاد
وواحد يعيط عالثاني
وطلبوو رأي حنان عالطلاق
بس طلعت الهم.... وكالت لا ماأقبل.. ولا اريد اطلق....
واحب زوجي محسن
طبعا علاء كلش خجل لان فشلته
وكال الهم انتم عفتوو اختي حنان اني مثل اخووهم مالهم غيري
وانت طردتها وذبيتها اباب البيت مالتهم وطلعت...
واخوك ابن الاجاويد اكيد مايقبل علئ هالسوات الي سويتها
ومحد يقبل يجبر شخص عالزواج
حنان كالت اختي ماتقبل او قصدها مو هس وقت زواجها وامها وحدها هجي قصدها
وانتم كبرتو الموضوع وتعرفونها زغيره ومادبرت كلامها.... وكانت بقصد شقه لاغير
اخوو محسن الجبير (نجم) جاوب;;
اولا اني ماعرف بهذا الموضوع ولحد امس الا عرفت سبب الزعله بينهم
وتصرفت من يمي
واني ماردت اتزوج ولا اريد عندي خير
انما الحجيه الله يسامحها
طبعا اني كنت بالغرفه واسمع كل كلمه
وهذا نجم كلامه عبالك خناجر
ويحجي كم كلمه.... نفس ماكالت حنان عنه يبوو الله يساعد زوجته
ضلوو يحجون
وطبعا كملوو وكاموو
ضليت اباع شوي شوي من الباب
شفتهم طلعووو
هذا الازرك زوج حنان
وهذا نجم لابس دشداشه نيلي وضهره علينه
بس مبين عصبي ومايتفاهم كلش وخشمه بكصته....
طلعت امي وجدتي من المستشفئ
وبقت بالفراش .. احنه نغسل الها بمكانها.... وحالة امي تتعب بالزايد
جدتي ومحل وبيت وهم حنان وطلايبها
وامي هم لزمها ضغط
اقل شئ تنقهر ويعلك كلش
بعد مرور اسبوعين ... قررو يطلكون حنان
وحنان تخبلت
وهواي توكع وناخذها للمستشفئ
اخر شئ لحكنه عليها تريد تحرك نفسها..
علئ رغم زوجها مامقدر حبها اله ولا محترم العشره او الايام الي مامقصرت وياها ولا ناقصه شئ
واحنه فوك ضيمنه واجتنه حنان وطلابتها
امي اجتني ب11 بليل
كنت متمده علئ الصوبه... الجوو بارد حيل
رهف
نعم يوم
يمه شفتي حالة حنان
اي
اذا طلبوج لنجم توافقين
شنو مافهمت
يمه اختج ادمرت وهم صح خوش ناس وزينين بس عافو حنان لان توقعو هي ماتريدهم لمن كالت عزززه مااقبل تجي هنا وحنان ماتفهم وماتعرف لحجايه وحجتها بس هي مدلله وزوجها يخاف من امه وغضبها عليه... لذلك رفضوها بينهم تصورو حنان مامقدرتهم ولاتريد حياتهم
يمه شبيج اقبل بنجم الشايب
لا مو شايب بس هو متعوب وشايل البيت
بس مزوج وعنده 7 جهال وبعد كم سنه يصيرون 10 يمه شبيج
مابيه شئ بس اعرفهم خوش ناس ودللو اختج .......بس اختج ملسنه
لا يمه هم يردون يتحكمون بيها ويتامرون شنو بكيفهم تنطيهم اختها.....
يمه فكري ماتخسرين
يمه فدوووه لكلبج انسي الموضوع
بس هيه حنان قنعتني احاجيج
شنوووو
اي رهووفه والله هي حنان كالت احاجيج واتوسلج حته تقبلي
ليش تريد ادمرني وياها
لا ماتدمرج تعرفج راح ترتاحين
ارتاح شنو
فدوه لكلبج رهووفه ...حنان تحب زوجها حته هو يحبها ويراسلها يكول الها موبيدي ياحنان
وطلب منها توافقين وتقبلين حته يرجعوون بعض
وليش الا اني.... شنو ماكو نسوان
لا اكووو .. بس لكوج مناسبه
يمه اني20سنه واخذ واحد 40سنه حرام عليكم
طلعت حنان من غرفتها
وتبوس بيه ..... فدووه اخيتي قبلي
والله تعيشين اميره ومدلله هس مرت نجم محد يحجي وياها مسيطره لان زوجة نجم وكلها تخاف منها
هلوووو وهم فووكاي شريجه قوويه وتخوف ومحد يحجي وياها ...حنان شبيج
مابيه شئ بس مااريد اطلق يخيتي ادمر
ليش تدمرين قحط زلم ... اكو. الف شخص يتمناج والله يختي
لا ماكووو لان احبه
مايحبج هوووو افتهمي عاد
لا يحبني .... هاج شوفي رسائله
وشنو رسائل احنه نريد فعل ... هو شسوه اشوو باعج وذبج علينه وطردج .... وشهر ماسأل عنج.... وطفلج طاح بسببه
ضلت تبجي حنان وخلت وراحت لغرفتها
راحت وراها امي
وهم رجعت تلح عليه
وضلت تنك عليه
اسبوع اسبوعين
محسن يقنع حنان منا وحنان تقنع امي
وتجي امي اليه منا
تعبت من لضغط
شسوي
وين احلامي وشبابي
كنت اتمنئ اتزوج شخص احبه ويحبني
احلئ شعور .. اعيش قصة حب حلوووه
اوووف يكلبي
حلم حياتي .... راح يضيع ... ليش مو من حقي اعيش واعشق واحب
مو من حقي اختار شريك حياتي
ب12 بليل طلعت لبره
اريد اتنفس هوئ... التفكير دمرني
اجتني رساله
فتحتها
رقم محسن
خووويه اريدج بموضوع مهم... عرفت بيج كاعده...... لذلك راسلتج
خفت كلش شكوو بهذا الوقت
جاوبته
كول محسن .... شكوو
والله انا احب حنان وماعندي غيرها وماريد اطلقها بس اهلي يصرون عليه.... وامي تغضب عليه... وتدرين الام صعب اغضبها
والمطلوب مني شنوو
تقبلين علئ نجم
خويه شجاي تكول .. شلون اخذ واحد جبير ومزوج ... وانا ماشفت شئ بحياتي
خويه والله نجم كلبه طيب وماكوو منه بس هو متعوب وضروف وشايل لكيعان امراه بلا قلب
تكملت بارت الثاني
خويه والله نجم كلبه طيب وماكوو منه بس هو متعوب وضروف وشايل لكيعان مالتنه لذلك اعصاب
بس مهما يكون جبير ومزوج
زوجته مو مناسبه اله ولا الي رايده وجبيره وجايبتله 7 جهال
وامي رادت تخطب اله.. لان شافته مضلوم
محسن بقه يحجي وياي ويقنع وياي
واحاجي منه... ويقنعني منا
كتله افكر
وختمتها وياه
رجعت لفراشي... افكر واباوع لحنان وحالتها
وشفت محسن وتوسله اليه
بس اني شنو ذنبي ادفع حياتي لشئ ما اليه دخل بيه
وليش اوافق ع شئ مامجبوره عليه
واعرف راح اتعذب
يارب اهديني لطريق الزين
وابعد عني اذا شئ مو صالحي
اذن الفجر
رحت توضيت وصليت
وقريت كم دعاء.. ودعيت ربي يحل مشكلة حنان بدون ماادخل اني ..... وبدون ماتصير مشاكل
وغفيت.......
وماكعدت الا علئ صراخ امي
وفزيت بدون لا شعور رحت اركض لكيت حنان مغمئ عليها
وامي واخواني الزغار عليها
وايد حنان كلها دم
للحكايه بقيه
يتتتتبع
لايك لكل منشوراتً
ودعوه
