امي.....يمه رايحه بشغله هنا شويه وارجع
نجم ....اي حجيه روحي براحتج..ويغمزلي
طلعت امي
شبيك نجم
بيه انتي
كمز من مكانه....وتقرب مني
نجم....... شبيك
مشتاق الج.. رهف
نجم وخر
شوخر ولج ميت عليج ....انتي حبي بعد امي... ويمكن تصعدين اعلئ منها
يتقرب مني ... وارجع لوره
اخد ماوصلت للحايط
نجم شسوي
اسوي الي لازم... اسويه من زمان
وتقرب مني كلش... وضل يبوس بيه ويشتم بيه..... وصل الشفتي
نجم
اشششش
نجم.......
اخذ شفتي وضل يبوس بيها.... بقه فوك ربع ساعه
اول شئ ماتجاوبت وياي
بس حسيت نفسي ماقاومته... وبديت اتجاوب وياه... ونسيت كلشي
اي احبه لنجم
احبه كلش
بقينه ساعتين وحدنه.... واحد شابك الثاني.. وكلساع يبوسني.... نسيت كلشي صار وياي
ونسيت انووو الزمن قادر يحول كلش
وكلشي يتغير بين يوم وليله
نجم.... عيونه
نجم...... ليش حبيتك
ههههه بلا هذا سؤال
تقرب مني وباسني من شفتي بوسه خفيفه
اسألي كلبج
نجم ....ربي استجاب دعائي وعوضني بيك
رهوفه ...يلا خل نرجع لبيتنه ....وره مانتعشا
لا حبي خل اشبع من امي
شنو كلتي ولج
شنوووو 😨
كلتي حبي.... ولج انتي حبي وكلبي
نجم كافي.... وخر عني
وولج .. رجعتيني شباب
ليش هو انت شعايز. هسه
لا عمي انا شايب..... 😓
فديتك يا احلئ جدوووو
ها صدك
اي صدك
يلا كلب يلا نتعشا ونروح ماكوو نقاش
اووك
شكلنه
كولي حاظر
اوووك حاظر
شلون بلا وياج...
؟؟،،
شسويلك عشا ....
نفس الي سوتيه مره عدنه... عجينه بلحم
يستاهل جدوو الحلووو
اكوملج ترئ
لا حبيبي الحلووووو
اشتعلوووو
وحضرت العشا.... وكملته وضل نجم يساعدني ويفتر وراي للمطبخ وللحوش.. وكلساع يبوس ويشم بيه....عشت وياه اجمل يوم
وضحك وسوالف وشقئ
وطبعا نسيت امي وين راحت
اخر شئ اجت امي... يمه وين جنتي
رحت يم جارتنه ....ردتكم تاخذون راحتكم.....
اثنينه باوعنه بوجهه بعض...وضحكنه
نجم بصوت ناصي... والله حجيه صدك ماقصرتي
امي..... شنوو
لا حجيه ماكوو شئ
ههههههه....باوعتله وضحكت
وسوينه عشا....وكملنه... وجهزنه انفسنه
وودعت اخووتي... وامي
وطلعنه للبيت
وخلاني يمه بالمقدمه
وشغلي الاغنيه تجنن
احبه
اجمل احساس في الكون....انك تعشق بجنوووون
ودا حالي معك
خليتني اعيش ايام .....مليانه بشوق وغرام
ذوبني هووووواك.....أليسا
وعلئ فكره .... عادل ونجم... اثنينهم تصوبو لذلك واحد تنازل عن الثاني
بس عادل هو الي متهجم لذلك دفع فصل... لنجم ..بس نجم مااخذه.. وسدو الموضوع
وصلنه البيت ب12.... والكل نايم
واحنه تعبانين كلش من طريق
رحت دخلت غرفتي وسبحت....
ودخلت للغرفه... جهزت نفسي...لبست بدله نوم ليموني... اعرفه يحب هذا اللون...ومكياج خليت .... وفتحت شعري
واول مادخل عليه للغرفه... اكلني بعيووونه
ومااسولف الكم شصار
كانت احلئ ليله بحياتي
واتفقنه بعد كم يوم بس يكمل شغله
نروح لاربيل هناك ...شهر عسل.... وعشت وي نجم
احلئ ليله بعمري.. من حب وحنان
ورومانس
عرفت كلشي عنه...وماضم عليه كلشئ
حبيت كلشي بيه
طوله ...عرضه... والهيبه... والمعاني
كلشي بيه حلوو
من يحضني كنت اضيع بين ضلوووعه... وكنت ادفئه بحنانه وصدره
وانسه كل المي وقهري لمن لكون بين ايده
ب5 الا كدرنه انام
فزيت ب7 لكيت نفسي... نايمه علئ ايد نجم
وايده الثانيه حاضني بيها ... يعني مطوقني بكل الجهات
اسمع صووت عالي بره
بلكوووه سحبت نفسي من النجم
وفتحت الباب....والحجي يصرخ.... واكو شباب ثلاثه بالصاله يتعاركون وي عبد ومحسن وحيدر
لحد ما تكامشوو هو وحيدر لان غلط علئ نجم
واني مااعرف منو ذوله الشباب
واخذوو ام سالم وجهالها وطلعو
رحت لنجم ركض
نجم ...نجم اكعد
نجم مغمض عيونه ويتكلب.. ها شكوو
نجم اجوو شباب واخذوو وجهالك وطلعوو
كمز نجم.... شنووو
ومايدري بنفسه طلع بس بالبرمووده
شكووو.....شصاير
وكبتلك العيطه.... والطلايب وكلها تحجي
نجم صاح عليهم حيل..... اسكتوووو خل نفتهم
عبد.... هيله خابرت اخوانها واجو اخذوها هي وجهالك... وكالوو بعد كلشي ينتهي حته الكاع.. ننطيكم فلوس حصتكم... وناخذها....
ومالكم مره عدنه بعد ولا جهال +
شلون تطلع.... وشلون اجوو واخذو حرمتي ومحد كعدني ومحد منعهم
انتم شبيكم ثولان .....
عبد......حاولنه ماكو
محسن... هي خابرت عليهم . وطلعت حته ماحجت ويانه ولا اعتبرتنه...... واخوانها اجو بشرهم...مايتفاهمون.....
انا اعلمها شلون تطلع وماتكولي. بسيطه وجهالي غصب عليها اخذهم كلهم اليه
بس فهموني هي شبيها ومنو وياها
بيداء....والله محد حجه وياها..بس كعدت ب3 اسوي حليب لابني... وشفتها يم بابكم وتسمع حجيكم
ويمكن سمعت شئ ماعجبها
طبعا اني بدلت وطلعت يمهم.... وبس اسمع واشوف نجم شلون عصبي
وصدك خفت منه
ويصيح علئ الجبير والزغير....وحته علئ ابوه
بسيطه ياهيله مخليه اذنج بغرفتي وتتسمعين عليه
بسيطه
ورجع للغرفه... وصرخ عليه شبيج واكفه حضريلي الحمام
رحت اركض وجهزت حمامه ودخل سبح وجهزت ملابسه.... وكمل سبح ولبس ملابسه وطلع
وماشفته بعدها
كملنه ريوك..... وجهزنه الغدا...الكل تغدا
بس عزلت الغدا مالته.... وضليت انتظره....صارت ب3 وهو ماكو
سبحت ....,ورحت لغرفتي ورتبت نفسي... وره شويه
دخل هوو
سكته
كوه حيلك حبيبي
وحيلج
انشاءالله ماكوو شئ
انا تعبان راح انام......وكعديني ب6
ماشي
ساعدته بنزع ملابسه.... ولبس تعلاكه بيضه
ونام
واني بقيت ...ارتب ملابسه.... حته اغسلهن
وماتناقشت وياه نهائيا
ونمت يمه بس تمددت.... وضليت كاعده.... بس اباوع بوجها.... ومعانيه... ومبتسمه
لزمت ايده....وسحبتها عليه... ,وضليت اشم بيه.... وابوس بيها.....
وخليتها علئ كلبي ونمت
نجم
عشت البارحه وي رهف...احلئ يوم بعمري....عشت حب وحنان رجعني شباب
نسيت كل التعب .... والضيم الي شفته .... شفت شئ بحياتي ماشفته... ضحك وشقئ وكلب صافي.... وطفووله... وجمال
ياريت عرفتها من زمان
ياريت شفتها من زمان... وطرت وياها ...لعالم وحدنه بس....وحته سافرت بيها للخارج
واستقرينه هناك
بس مرتبط ب7 جهال...وزوجه وعائله جبيره كلهم وراي..... وكلهم معتمدين عليه
والكاع الي عندي بس اتركها يوم....تموت متعوده عليه..... وانا متعود عليها
احسها ابني ل8
من كعدنه الصبح... ولكيت هيله ماخذه جهالي ورايحه
بدلت ورحت الهم...... وهي بنت عمي
دخلت الهم....وكلها كبت بوجهي..... وكالو القرار بيد ام سالم
وصاحوو لام سالم
وخلو القرار..... بيدها
وكالت اما اني او هي
واحتاريت بين كلبي وسعادتي... وبين جهالي ل7
وماكدرت اختار واختاريت ل2
بس كالتلي اذا عفتني ....ناخذ حصصنا من الكاع....
وتبقه بس الربع الك.....
طار عقلي احتاريت شسوي... جهه بيه رهف
وجهه اهلي وعيشتهم وهم لا واحد ولا عشره
وجهالي ل7
وبنت عمي
اه بنت عمي. لزمتني من ايدي الي توجعني...
شسوي .... عقلي احسه واكف
كلشي مايسوي
رجعت للبيت
لاكتني الحبيبه.... لابسه كلشي احبه
والتعديل.... والابتسامه
الي لو لواحد شايل هموم العالم...فوك راسه.. جان من يشوفها ينسه
ينسه كلشي
بس مااكدرت احجي وياها
وفعلاا مااكدر....كلشي ضدي.... بس شسوي
مثلت نفسي انو اني نايم
وخليت راسي علئ المخده وغمضت عيني
اجت رهف يمي
واخذت ايدي
وضلت تبوس بيها... وتشم بيها
طفل.... رهف طفل... حركاتها شقاها طفل
احبها لان اعتبرها طفلة كلبي
احس كلبي.. متزوج وعنده ابنيه
الي هي رهف
كلشي بيها ينحب
حركاتها... اذا هي نضره منها... افقد كلشي
واضل مااعرف شسوي
خلت ايدي علئ كلبها. وتقربت مني ونامت
فتحت عيني
ملاك ونايم
متمني اشيلها وادخلها داخل كليبي واقفل عليها
او اخليها بين ضلوعي من الداخل +
قربت الها...اريد اشتم نفسها
ضليت العب بشعرها.... وينزل علئ عينه
واوخره منها
اخاف عليها...اتمنئ ابقئ حارس عليها وماانام
اخاف شئ يأذيها...حته شعرها ..اغار منه....لان ينزل علئ خدودها. وشفتها ويلمسهن
مااحس نفسي الا غفيت
كعدنه ب6
رهف رهف
كعدت عمري.....
اي
سويلي جاي .. مصدع
اكل يعمري... كول شسويلك
مااريد بس جاي
حاظر طبيبي
شنوو طبيبج شقصدج هااا
شبيك ؟؟؟ مو كل شخص مريض اله طبيب خاص
اي... وشنو يعني
اووكف ...شبيك....اني مريضه
شبيك ..شيوجعج
كلبي يوجعني نجم
😒
كلبي يوجعني وانت طبيبي
بسته من كلبه .....وكتله هذا طبيبي ودواي
وهنا فراشي ومخدتي
وهنا اشوف دنيتي
وهنا احيأ.... وبفراكك اموووت
رهف
عيون رهف...» وعمرها.... لاتحجي
ليش
كلبي بيه حجي هواي الك
مااكدر اعبره... ولا اكدر ارتاح.... لان اريد اعبر الك عن سعادتي وياك
نجم... انت نجمتي.... انت الي ضويت ليلي
انت هديتي من ربي
اتمنئ اعيش كل العمر هنا ...اشرت علئ صدره
حضنك اماني....حضنك استقراري
نجم .... تفاركني ساعه احسبها سنه
اضل مثل الطفل الي مفارك ا
