كعدت الصبح لعبانه نفسي ودايخه
كللللوووووش عالخير يمه
نجم كان بعيد عليه
شكو حجيه تهلهلين من لصبح.... وكتهع الله يهديج
ولك تعال نجيم مريتك حبله
نجم.... شنوو +
اني....شنووو... ,شنو حبله منين
يوو اسم الله شنو منين من رجلج غيررر
يمه متاكده حبله...
اي يمه مبينه من عيونها ذوله جهالنه كلهم انا اكتشفتهم
صاح نجم...... ولهب يطلع من عينه وجسمه
يمه كلكم اطلعووووو
اطلعووو بساع
طلعوو....وركع الباب وسداه
ولج منين حبله... ها منين
نجم لا والله مو حامل
اليوم اذبحج اليوم
لزمني من شعري كل قوتي
احجي منين حامل....من هذا ابو الاسطوح مو
نجم شبيك والله ماسويت شئ
اليوم ادفنج هنا....
واكتلج اباب بيتكم واخليج فرجه للعالم
نجم والله مو حامل ولا مسويه غلط بس تعبانه لان مااكل.....
يله بدلي كومي
وين
كومي بساع لا اندمج يلا
رحت لبست صايه.... وشال عالسريع
وصعدنه سياره
واخذني طبيبه نسائيه بمحافضه بغداد.... دخلنه العياده
ومايحجي وياي
وسالتني السكرتيره عن اسمي...انطاها اسم غير اسمي.... سماني زهراء
كان عدها ازدحام قوي
بس انطه السكرتيره. فلوس...ودخلتنه رأسأ..... معقووله هالدرجه يشك بيه اكون حامل واني مزوجه اسوي هجي
دخلنه علئ الطبيبه ورجلي....ترجف.. والدمعه بعيني
دخلنه علئ الدكتوره ... وسلم عليها وكانت تعرفه معرفه شخصيه
وسلم عليها..... وسال علئ الاهل
وكاللها
د. هاي زوجتي..... وشاك بيها حامل
اي عالخير شوكت تزوجت....وشنو هاي زوجتك ..... صلوات علئ محمد كمر
تعالي حبيبتي خلي افحصج.. بس اول شئ سوي تحليل حمل وفقر دم.... شكلج حيل اصفر.....وجهج تعبان
سكتت
واخذني نجم... سحبو مني دم... وكال ربع ساعه يطلع التحليل
وره ربع ساعه طلع التحليل
ونجم يخونز بيه ويجر بيه جر ويصرخ عليه كدام المراجعين واني بس دمعتي بعيني
والنسوان كلها صافنه علينه وعلئ اسلوبه وياي....وكلها متعجبه منه
ورحنه للتحليل
علئ الرغم ماعندي شئ بس خفت يغدر بيه الزمن وكلشي يطلع... اعرف بنفسي وثاقه بروحي بس الخوف ياكل بروحي اكل
ابو المختبر......زوجتك زهراء مو
اي
حامل مبروك
اني.... شنو حامل تاكد فدووه... اني مو حامل ومحد لامسني حرام عليك
والناس كلها تباوع.. نسوان وشباب
اختي هجي طلع اني شعليه
نجم باوعلي بغضب وسحلني بكل قوته من باب المختبر لحد غرفة الطبيبه كل قوته
دكتوره علياء يكول المختبر حامل...
اي عالخير صارو جهالك 8 نجم كافي بعد شنو ناوي تفتح بيهم مدرسه
علياء منين حامل وانا مالمستها
شنو
والله نجم محد لمسني من تزوجتك لهس يشهد عليه ربي
ها يعني لامسج وحبلج قبل لاتجيني مو
اليوم اذبحج يكرم طاري الله اذبحج مثل الجلب
رحت ركض يم الدكتوره..
ونزلت عد رجلها دكتوره والله مو حامل انا اعرف بنفسي محد متقربلي دكتوره تاكدي الله يخليج فحصيني
ولج شتفحصج خزيتينه
عزيزتي مايطلع لحمل بالسونار الا بعد شهرين او اقل بشويه....
دكتوره بروح ابوي ما مسويه شئ
امشي ولج...يشهد عليه ربي راح اذبح كدام بيت اهلج....وكدام عين هذا السافل
نجم....وروح ابوي بريئه لاتضلمني وتفضحني دكتوره سويها لوجه الله وفحصيني واثبتي طهارتي
ماما تحليل عدنه مضبوط وخاصه الدم وبعد بين
جربي اقسم عليج بالنبي محمد واهل بيته
يلا تاعلي ونامي علئ السديه
نومتني علئ السديه يمها
ونزلت البرده
وفحصتني
لا حول الله .... استغفر الله
نجم.... ها دكتوره حامل مووو....طلعت زانيه مو
وسحلني من شعري ويسحل بيه بالكاع... والدكتوره تصرخ عليه لحضه نجم لحضه
خل افهمك
نجم كافي زوجتك بعدهي باكر...
نجم هدني ... شنو باكر... والحمل منين اجه
خل اصيح ابو المختبر... لحضه
ودكت الجرس... واجت السكرتيره
وطلبت منها تصيح لابو المختبر
واجه بعد دقائق... وسالته عن تحليل رهف... كال ... دكتوره ماعدنه رهف
شلون ماعدنه رهف
اي هو كالي اسمها زهراء....
شنو زهراء.... شتحجي انت
نجم ....اي دكتوره صحيح اني سجلت اسمها زهراء
وكم زهراء عدنه.... اثنين وحده حامل ووحده لا
منو الي حامل لحضه اجيب التحاليل واجي
وراح جابهن واجه علئ السريع
دكتوره زهراء محمد مو حامل وزهراء عواد حامل
نجم انت شنو كتله اسمها
زهراء محمد
لا حول الله نجم.... ضلمت لبنيه .....تبقئ طول عمرك عصبي وماتتفاهم
اني حالتي تصعب حتئ علئ الكافر وخشمي يصب دم وحلكي مجروح.... وحته عباتي صارت كلها تراب
والدموع تصب
دكتوره علياء... مساع الصبح وكعت وكالت االحجيه حامل وانا تخبلت
اي غير زوجتك فشلون ماتحبل
دكتوره الحقيقه بعدني مامتقرب الها لان مريضه
اي هاي دمها 7 ضروري العلاج الها وعلاج اكل معين
هاي تعبانه ماتشوف وجها انت
نجم دنك
واني ضليت ابجي بالزايد
عليمن ابجي مااعرف
علئ حالتي... لو علئ وضعي...لو علئ الي وصلت بيه انا
لو علئ فرحتي لان طلعت بريئه
انطتني الدكتوره كومه علاج
وودعها نجم
واعتذرت منه علئ خطأ المختبر
بس نجم... كال الها مني الصوج لان انطيت اسم مستعار
طلعنه من الطبيبه والمراجعين عيونهم كلها عليه
شباب وشياب وبنات ونسوان
نجم طلع كدامي
واني وراه
صاحتلي الممرضه بالعياده
التفتنه عليها اني ونجم... هاج كوطنه خليها علئ خشمج وحلكج
اخذته وتشكرت منها
وفتحلي باب السياره وصعدت
وشغل لسياره....وضل يمشي بطيئ كلش
واني ابجي سكته ودموعي
تصب
واسولف بين كلبي... الله ينتقم منك عادل شسويت بيه عساها حوبتي ماتتعداك ماكلت ذوله عشاير وماخفت يسوي بيه شئ
بس مو صوجه صوج هذا الي يمي
ماكال بنيه منين حامل
وماصدكني
الله ينتقم منكم
اخذني لاهلي نجم
باوع عليه سكته
و وكف السياره... رهف .. اني الي شفته مو شويه .. شفت زوجي تحجي وي حبيبها بالسطح والساعه ب2بليل
ومحد يمهم
والحجيه كالت انتي حامل
شنوو تتوقعين يجي ابالي ها....
تاكد واحكم...خلص نجم
اخذني الاهلي هس
ماكوو روحه.. خلي اطيبج وروحي هناك ارتاحي كم يوم
والله اسوي شئ بنفسي
رهف كتلج خل تتحسين وانا اوديج بيدي
سكتت ودرت وجهي علئ الجامه
وضليت ابجي بحركه
كافي رهف...بروح اعزازج
انت بروح اعزازك وديني الاهلي
تردين ترحين العادل وتشكيله مني موو
نجم كافي كافي نزلي هنا نزلي.. والله افتح الباب وانزل
كافي اخبال... ماكوو روحه... وراح اخذج مكان بعيد
شنو .. وين
حته محد يشوف وجهج
مشينه شويه.. ونزل يم معرض سيارات
ابقي بالسياره
ونزل هووو....وقفل عليه السياره وراح
وره دقائق اجه
جبت مبلغ من صديقي لان مااكدر ارجع للبيت ويسالوني... راح نروح لمكان زين وترتاحين بيه
وين
للكاضميه
سكتت... بس ارتاحيت... لان محتاجه جوو. ارتاح بيه... محتاجه اشكي همي... وابجي بالامام
بس اني ماعندي ملابس ولا جايبه شئ وياي
هو اني ابالي هالشئ... وراح اشتريلج كلشئ تحتاجينه....
اني سكته
وراح ااجر شقه... ونبقه بيها لحد ماترتاحين بس اهلج ماكوو بعد.. تردين اهلج انا اجيبهم الج
سمعتي
هزيت راسي.... اي
وصلنه... وخلينه السياره بالكراج..... وفتريتنه كم فندق وكم شقق بس كلهم ماعجبوو نجم... تعبت كلش
وكلها تباوع مضهري ووجهي مورم من الضرب
كتله
نجم تعبت ... اجر النه اي شئ اريد ارتاح
و اجر شقه بفندق مقابل الامام الكاظم عليه السلام
مفروشه وكامله وجبيره حيل
نزعت عباتي... وتمددت علئ السرير.... جسمي كله يوجعني من الضرب حسبي الله عليك يانجم تطلع حوبه اليتيمه بيك انشاءالله بحق الامام الكاظم
هو نزل وقفل عليه الباب
ووره نص ساعه
جابلي تكه شوي... ومقبلات
وياها علاكه بيها تراك ... وشامبو وصابون وفرش اسنان.... مشط....ومنشفه.... وشغلات اله
يله ادخلي اسبحي ولبسي هذا التراك
اخذته ودخلت الحمام
جبير ويخبل وكامل كلشي بيه.... وحمام بخاري بيه....
دخلت وقفلت عليه باب الحمام
ونجم شغل التلفزيون ...واسمعه يخابر اخووه ويكوله رحت سفره وي المره... دير بالك عالشغل بعد
نزعت ملابسي
وخليتهم بالغساله.. وشغلت غساله عليهم
و سبحت... ارتاح جسمي من الضرب
اباوع بالمرايه.... وجهي مورم
فتحت الدوش ماي حار وبخار.... اه
كل شئ يوجعني ايدي رجلي راسي ضهري
اتذكر كلشي... عشته قبل
من دلال ابوي الي يفرق عن كل اخواني
الئ دلال امي
والئ دلال عادل.... وخوفه عليه
كلشي بيه تغير.... حته جسمي وجهي... صحتي... ضحكتي... روحي قبل راحت
صرت مره... ما كأني شابه وعمري20سنه
كملت
لبست التراك...مشطت شعري...ولفيت المشمر عليه
وطلعت.....
يلا رهف...تعالي اكلي
لا مااريد....
مو بكيفج.. دمج7 ولازم اكل ومقويات وعندج علاج
صدك كنت جوعانه
وطحت غير طيحه علئ الاكل
وهو بس يباوعلي سكته.... وبعينه الف حجايه
كملنه.... ولملمت الاكل.... ونضفت الهوسه
وردت انام
جسمي مكسر
رهف
باوعت اله.... بس سكته
رهف بعدج تحبيه مو
منو
عادل
لا مااحبه نجم....
عادل
لا مااحبه نجم.... ونسيته .. و رهف الي علئ ذمه رجال وتحب شخص ثاني
والشخص الاول شنو الج
سكتت
رهف جاوبي
الشخص الثاني... طعني بشرفي توقعته مثل حنان بابا اليه... بس سواني فرجه للعالم مساع
ماصدك بكلامي وراح يبقه طول عمره يشك بيه.... انا نسيت كل ماضي اليه
وشمرت كلشي وراي من جبتني بالبدله البيضه
تقرب مني
رهف انا اسف.....,رهف مو حقي هجي اسوي انتي عرضي ومرتي
انسه نجم
باوعلي صفح
ابو سالم اسفه
لا احب اسمع منج كلمه نجم.....
ليش
مااعرف
دك موبايله....
الووو شكووو
شبيج ام سالم شكوو
اي منوو
شوكت
الله يطيح حضه
هس جاي... خلي الولد يطلعون عليه واذا لزم الامر خلي يطخونه براسه
باوعت عليه
وكلبي ضل يرجف
وين موبايلج ... كومي
يا موبايل نجم
عندج موبايل طلعيه بساع
ويلا كومي خل نرجع وانا اعلمج هنا.... انتي ماتستاهلين اي عطف او شفقه
انتي مال ذبح... لا والله مال تعذيب
صاح بصوت عالي.... موبايلج طلعيه
انت شبيك وياي ياموبايل غير اخذته مني
لا عندج طلعيه
ماعندي والله .....ليش اضم عنك وشسوي بيه
حته تخابرين..... صاحبج مو
يا صاحب..... الله واكبر عليك.....كافي كلساع سالفه....هاك فتشني شوف
ولج هذا النذل داك الباب ويتهدد والناس كلها ملتمه عليه... ويكول ضاربين رهف
منو كاله ... كولي
شوكتي لحكتي تخابريه
خابرتيه من نزلت من لسياره
لو من دخلتي سبحتي
احجي احجي ولج
ولزمني من شعري
وضربني بكل قوته
لا اكدر اتحرك ولااكدر اداف عن نفسي
بس اصرخ
والفندق دكوو علينه الباب الا توقف ... كافي الله لاينطيك ....كافي... عذبتني
كافي انت مريض.... الا اشتكي عليك وادمرك مثل مادمرتني ...بعده جسمي ماطاب من ضرب مساع
وضربتني فوكاه
روح الله لا ينطيك يانجم
والله ينتقم منك ياعادل
دمرتوني.... حسي الله عليكم.. شنو ذنبي حبيت شنوو ذنبي ردت ارجع اختي
شحصلت منكم
وكومني
وفتشني بكل مكان..... ومالكه جهاز..... ولا عندي شئ.... وبدلنه
وطلعنه من الشقه..... وحاسبهم...... وصعدنه السياره...
وعيونه واصله بكصته..... وكلساع يخابروه
اخر شئ
خابر عليه عبد
كاله راح نطلع السلاح ونضربه براسه
نجم لاتسوي شئ ولا تكتله ابوس ايدك
تحبينه مو
لا مااحبه ولا اريده
نجم بروح اعزازك لا تسوي شئ.... وخلي يولي
اشش لا اكص لسانج
وصلنه للبيت...
ولكينه الشارع هوسه...زلم
وعادل واكف بالباب و وياه كم سياره شرطه
واخوان نجم واعمامه لازمين اسلحتهم
وينتظرون. بس اشاره من نجم ويهجمون بالاطلاق
نزلت ورجلي ترجف
نزلت وصار عادل بوجهي
لاكاني ركض
شبيه وجهج رهف.... مد ايده عليج.... يشهد عليه ربي .... الا اكص ايده هاي
عادل روح انا تزوجت واحب زوجي روح
تحبين االي يشوه وجهج هجي مو
وسحب ايدي تعالي وياي..... نجم تخبل
كدام اهله واحد يسحب مرته هجي وكدام اهله واعمامه
وصار الرمي..... واسمع صراخ النسوان
ونجم اختفه كان كدامي.... كان يمي قبل شوي
ضليت بالوسطه واصرخ
وبالكوه دخلت للبيت... والنسوان كلها تصرخ عليه
واجت دوريات ثانيه... واخذوو الكل... بس سمعت عادل متصوب ابطنه
ونجم بأيده.....
البيت مخبوص... ومنو يجي يصرخ بوجهي انتي السبب انتي السبب
اجتني حنان للغرفه
راح اطلك من رجلي بسببج ارتاحيتي. غير تزوجتي شكو تحبين وتواعدين ماتستحين هي هاي تربات امي ام السطوح
الله ينتقم منج راح اطلك بسببج هس ....
