يمه ردي ردي.....رجلج يدك
يمه خيولي لاتردين....
شنو ماارد عيب.. حاجيه.... هس شراح يكول عنج طلعتي من غير ماتكوليله
يمه جيبي لموبايل..... وشمرته هناك......,وتفلش وسكت
بعد نجم ماكوو
انسي شئ اسمه نجم....يمه تعبت ....لاتصيرين ضدي انتي هم.. هذا مريض مو صاحي
شسويتي شبيج تخبلتي.... مو انتي ذيج المره عمليتج وانتي ورحتي تركضين اله للمستشفئ وتبجين عليه
هس صار مو زين نجم
يمه موتني.... بس يضرب ... يمه ماشفت احد منهم ضرب زوجته يمه كلش تحب نسوانها وتخاف عليها وعمرهم مارفعو صوتهم عليهن بس انا دوم يضربني ويعيط ويعاير ويتهمني كدام الكل
انتي ليش ماتفكرين بيه... اذا تعتبريني عاله عليج كولي والله اموت نفسي وارتاح
ضليت ابجي..... وامي تهدي بيه.....لحد ماشبكتني وضلت تبجي وياي...... لحد ماشبكتني وخلتني بحضنها
رحت للغرفه..... عندي برموده قديمه.... لبستها وكعدت بالصاله اني وامي
كعدنه وره ساعه..ونحجي...... ندك الباب....طلع اخوي من باب الدكان..... ونسمعه يسولف
وفتح الباب......وباوعلنه.....ودخل وراه نجم
امي كامت علئ حيلها
هله ابو سالم
ماعرفت شسوي بس كمت.....وضليت واكفه وره امي .... ونجم يخونزر بيه....... ويباوع علئ جسمي ولبسي
اكعد ابو سالم
مااكعد ام حليمه.... مصدوم منكم شلون تقبلينها بنتج هجي تسوي تطلع من بيت زوجها ومايدري بيها
وفوكاها تجذب علئ اهلي وتكول انا كتلها
مصدوم بيج ام حليمه......لو بنتي او اختي سوتها انا ارجعها بيدي
واكسر راسها
رهف تعذبت منك او سالم.....هواي سويت بيها وسامحتك وهواي ضربتها عكس اخوانك تعاملها
سكت
رهف .... الي تردينه شنوو كولي
اريد طلاك نجم......خلص طلكني وخل ارتاح...... كافي هنتني هواي....... جرحتني هواي
سمعتي ام حليمه... تريد تطلك ..... سالتيها لو لا ..... تريد تروح لعادل تريد تروح لضابط وعنده كاع وغني
وماتريدني بعد.... لان كلشي ماعندي
عرفتي ام حليمه مشتري كل كيعانه قبل....... تدرين موت كل زرعنه......وخرب كاعنه
امي سكتت
نجم..... شفا شلون اسلوبك كل حجايه جبت طاري عادل
كل لحضه تعايرني وتكول تريدينه وترجعيله.... انت هالدرجه ماعندك مشاعر
بيمن قصرت وياك
بيمن كولي...... شسويت الك......ليش هجي وياي
ليش الوحيد من بيتكم انا انذب وانضرب
تقبل اختك يضربها زوجها......بس انا ماعندي احد...... ماعندي اب ولا عم ولا خال ولا اخ يوكف بوجهك ويوكفم عن ضلمك اليه
شفت هيله ست اخوان عدها كلهم وكفو لاختهم ووكفوو ضدك وضد عمهم وكلشي سوو علمود اختهم
وانت لا ضربتها ولا شئ......ماكدرت تضربها وراها سته
انا منو وراي.........كول منووو ...... واضرب علئ صدره
احجي منوو اليه......... احجي
وراي حنان ..... الي دمرت حياتي......حنان الي شوفك تضربني مثل الحيوان ومارف كلبها عليه
حنان الي بعت كلشي علمووودها بعت كلشي نجم .....وهس صار سنه ماتحجي وياي واحنه عايشين ابيت واحد
منوو يدافعلي محسن الي كالي بس وافقي علئ نجم
راح اوكف الج واساعدج......وواعدني يعوضني كلشي.... شفت انت شسويت بيه.....انت دمرت حياتي
شكم سنه فرق بينه انا هس عمري22 وانت 42
كتت اصورك اب واخ وحبيب وزوج
بس هس صرت ولا شئ......نجم انت هس ولا شئ
اطلع من حياتي اطلع
الله لايوفقك نجم...... دمرت حياتي انت
اطلع بره
ضليت ادفع بيه كل قوتي وابجي....... اطلع روح روح
مااريدك بعد ........ولا اريد احب ولا راح احب
لعبت نفسي من كلشس بسببك ......اطلع منا يلا وادرفع بيه
كافي
لزمني من ايدي كافي
واشر الامي.......حته تروح........يمه لا ترحين ترئ يضربني
يمه تعالي...... وغمضت عيني حيل
حسيته راخ يسحلني ويضري بيه.......غطيت وجهي بإيدي
لا نجم لا تضربني لااا
سكته
ضليت افتح عيني شوي شوي
اباوع نجم واكف........ويبتسم بوجهي
فتحت عيني.....ومتعجبه علئ نجم وحالته
شسويت نجم
ماسويت شئ..... بس اباوع بيج مو كتلج انتي طفلتي
سكتت
رهف انا ميت بيج......رهف انتي حبيبة كلبي
انت مو صاحي
رهف مو بيدي اغار عليج مو بيدي احاول اغير طبعي ماكدر
ليش تشك بيه ....
لان اشوف نفسي جبير ومو من مستواج ولا جمالج ولا عمرج
نجم..... والله احبك
نجم ماعندي غيرك......انت مالي عيني
انت مالي كلبي بحبك ومحد كاعد بيع غيرك
عمري انتي وشمعتي
ضويتي حيلتي ونورتيها.... تحمليني ياوردتي الحلوووه
اتحمل كلشي منك بس لاتجيب طاري عادل وماضيي
خلص وعد رجال بعد ماجيب هجي موضوع سامحيني
يي سامحتك
باسني من كصتي
الله يهديكم يمه.......... عين وصابتكم الله يستر......
قل اعوذ برب الفلق
والله بنتج مخبله خاله
كتله
لا والله انت مسودن نجم..........
ولح لسانج........
شسوي للساني بله عيني ها كول بله كول بساع
اكصه
اها
شاورني ........اعضه بلساني حيل
هههههههههه
يلا نزعي هاي الكونيه الي لابسته ولبسي لبس معدل
ماااا
وجعااا
يله مشينه
لا حبيبي خل نبقه اليوم وي امي....... مشتاقه هنا ابقه.......
زحمه من امج خطيه.... وبيت ضيك
لا خاله شسالفه...... هو احنه نفرين
علئ راحتكم
بقينه يوم عند امي...... وتونسنه كلش
يوم الثاني....طلعنه للمحافضه ولازمين ايد بإيد وشفت عادل بالباب واكف هو واخوه
وكنت متقصده الزم ايد نجم حيل وامشي بالشارع
وهو نجم تاكد....... بحبي اله...... وحسيته اسعد شخص بالدنيا
رحنه فندق راقي بالمحافضه
وبقينه ثلاثة ايام........ عشت وي نجم
احلئ ايام عمري
اول مره احس بسعاده هجي... ماخله مكان مادزني اله
اسواق مولات
رجعنه للبيت يوم الرابع.... والكل رحب بينه وفرحانين علمودنه
وكعدوو الولد وقروو بفلوس الذهب والكاع العدهم يجمعوهن
وننتقل للمحافضه ويشترون بيت راقي هناك
ويفتحون مشروع...... هم بينهم الولد.... ونستقر هناك
وفعلا لكوو بيت بمنطقه راقيه....وجبير كلش
وباعو الكاع الي عدهم والبيت مالتنه..... واشترو البيت...وتاثث اثاث كامل كوله جديد
واخذنه بس غرفنه ويانه
رحنه بعد مرور شهر علما كملو البيت..... منطقه كلش راقيه
وشوارع حلوووه
واجهه البيت فد شئ..... كان كلش جبير
كل احنه مامصدكين....... بهذا البيت يجنن
دخلنه البيت مثل الحلم.... والنسوان كل وحده دخلت بغرفه... اني رأسا دخلت مطبخ
يجنن ... تصميم وديكور يخبل
صدك يخلي الواحد يشتهي يطبخ ويتعب ويصير عنده واهس حلم حياتي هجي مطبخ
وكل وحده لكت غرفتها وبيها حمام خاص. الها
جوه 6 غرف
2 لبيداء ولمياء .وبينهن صاله جبيره ومطبخ ومغاسل....
وعلئ الجه الثانيه غرفه وحدها للحجيه وغرفه لحيدر
وغرفتين متكابلات وحده لحنان.. وحده لميعه....
وفوووك مثل شقق اثنين كاملات كلشي بيهن
وحده لحكيمه...... وحده اليه
صعدت الها.... اباوع مستغربه مامعقوووله هاي اليه غرفه جبيره كلش ومغاسل ومطبخ زغير يجنن وميز ومعلق كولش حلوو وصاله زغيره
واكوو وصاله بين الشقتين يعني بينه اثنينه كلش جبيره
هذا حلمي معقووله
كنت ميته علئ شقه عادل هسه صار حلمي كدامي وربي عوضني
بلكوون جبير بيها..... وكلشي حلووو
اباوع من البلكون البيوت واحد احلئ من الثاني بهاي المنطقه
وعرفت انو حكيمه بايعه قطعه عدها وسعر جبير لذلك انطوها شقه وحدها
ولان نجم الجبير انطوه هم وحده شقه
وحنان كانت ماقابله ينطوها غرفه رادت شقه وحدها
بس عمتي كالت الها انتي ماخليتي فلس ويانه ولا بعتي ذهبج ويانه.... فسكتي احسن
بس ضلت تصرخ ومحسن. هم وياها يصرخ
وكبت الك عركه شكبرها
ورادو بيخلونها وي لمياء ويخلونه بيدائ مكانها
بس رادت شقه فوك...... وكلها ماقبلت لان نجم الجبير وحكيمه الها ربع البيت..... بس هي حنان. انانيه وخبيثه وكلها تكرها وامحد يحترمها بالبيت...... وطبعا هي عدها ولد
وهيله جابت ولد
وذبتها علينه......وسمعنه تزوجت....... وجابت جهالها لثمانيه عدنه
ذبتهم بالباب وراحت ماعبالك عدها كلب ام ولا عدها مشاعر. والولد بقه عندي والجهال بقو بغرفه عمتي
ومدللين وماناقصهم اي شئ
ونجم واخوانه فتحوو محلات...... وا شتهرو بالسوك
والحمدلله حالتنه كلش زينه
ونجم صتر كلشي بحياتي
احبه حب جنون
اشوف طوله شخصيته.......عيونه افقد
كلشي احبه بيه........,تغير كلش وياي..... وصار رومانس وياي وهدايا وسفرات وطلعات
مرت ثلاث سنوات...... ابن هيله صار ابني وكل حياتي وسميته محمد علئ اسم بابا
واني لهس ماكو طفل...... ماخليت طبيب لا شئ ماسويت بس امل ضعيف جدا احمل لكوني عندي بس مبيض واحد
بس صارو عندي 8 جهال واحبهم اعز من روحي .....
اخوي الجبير دخل كليه..... وخطبتله بنين بنت نجم
وتزوجوو ........وطبعا بفضل نجم ساعدنه وكلشي ساعدنه بيه من غرفه عرس....... حفله زواج
والحمدلله اخوي الازغر منه هم اعداديه ويحب وحده ههههه
