خاله شبيه نجم ... الله عليج حاجيني
مابيه شئ.. بس تعاركوو هو ونجم بالمستشفئ... وصارت عركه بينهم جبيره وعادل ضرب نجم بسجينه
ونجم وينه
بالمستشفئ
وشلونه خاله احجي... ضليت اصرخ والطم علئ وجهي....
اجت امي... شافتني بهاي حالتي
واجوو اخواني..... وامي ضلت تلزم بيدي وتهدي بيه
شسويتي ياام حيدر الله يهديج محد كال الها... لان نعرف حالتها
ماعبالي ماتدري..... ونجم هس محبوس ومايطلعونه بكفاله..... فدوه يخيتي انا كلب ام اتوسلكم تتنازلون عنه.....
وقنعي بيت ابو نجم.... قدري ايام الجوره الي كانت بينه....
روحي ام حيدر ....والله كريم
اني بقيت ابجي .... يمه اريد اشوف نجم
بس كليلي شلونه
امي دنكت وسكتت... بعدين كالت.....
يمه انتي رهف ولدتي بيوم غلط ولدتي بحرب وضيم... وابوج سماج علئ اسم حبيبته وكنت من اشوفه يصيحلج.... ويحبج.... ويشمج..... بس ماكانت عندي غيره ... لان ماحبيت ابوج كان كلبي يم رضا.... كنت حاسه بيه لان اني لو بيدي اسمي حته اولادي علئ اسم رضا
يمه رضا تزوجته صح علئ حب
بس بضروف غلط.....عشت وياه اسؤء ايام حياتي
مو منه هو .....لا من اجدادج
عذبوني .... وكانو يأمروني اجيب ماي من جدول بعيد علينه حيل
ويامروني اجيب حطب مرات من بعيد
عشت وياهم...... انام جوعانه..... اكعد جوعانه.... بس تحملت علمودمن
علمود ابوج وحبه..... علمود رضا
تحملت كلشي.....مره امج سمعتني احجايه وغثتني كلش.... كالتلي اجيتي النه من الشارع بس ماسكتت الها ورديت عليها..... وابوج بيومها ضربني ضرب خلاني مااشوف دربي...
كنت اشتكي بس لله بكلبي
بس صبرت.....لحد ما ربج فرج عليه.... واجدادج حبوني وصرت بنتهم...
حبوني وتعودوو عليه.... صارو اهلي
حته من مات عمج.....ماقبلوو يفرطون بيه..... واخذوني لابوج
انتي تحبين نجم... وهو يحبج
واذا ضربج مو يعني مايحبج
بس هاي امه
تقبلين انتي ... نجم يحجي عليه
بس انا ماحجيت يمه
هو بعد سمع هجي وامه لابد انو يصدكها لاتخسرين نجم ولا اني تكدرين بدونه شوفي شلون حالتج من سمعتي بيه مصوب
اي يمه احبه
نمت بحضن امي
وضليت ابجي ولزمت عمليتي
يومه اخذيني اله... يمه فدووه اخذيني اله
يمه هو بلانعاش ومايدخلون اي شخص
يمه اروح فدوه لرجلج اخذيني
سكتت امي
بس شافت حالتي
وكالت لبسي يلا علما ادور تكسي ياخذنه
وبدلت وكملت
وصعدنه تكسي
وصلنن وره ساعه للمستشفئ عام
وكان هوووسه... واني كوه امشي ولازمه ايدي
واتوجع كلش...بس اضغط علئ نفسي
بس امي جابتلي عربه مالت مرضئ
وضلت تدفعني بيها
وصلتني للانعاش....وماقبلوو ندخل لان معقم
اول ماوصلت
شفت عبد وحيدر
حيدر......
شجابج هنا ساقطه
عبدد.. اششش لا تحجي
ضليت ابجي
ماعرفت شكول...... امي تكوله عيب هالحجي
وبالكوه حاجيت الاستعلامات
وعبد كاله من تدخلها اشتكي عليك
والولد خاف ومادخلني.... وبقيت لليل انتظر لا اكل ولا شرب
وبس ابجي
من شفت حيدر طلعوو هو وعبد
حاجيت ابو الاستعلامات
وضليت اتوسل بيه وابجي
وكمت علئ حيلي بالكوووه...ومن شاف حالتي اقتنع
وكالي بساع طلعي
ولبسوني مثل نايلون برجلي مثل الشوز وصدريه زركه يسموها كاون....
ودخلت جوووه.... ردهه جبيره حيل
كلها اجهزه .. مثل الي بالافلام... وناس بيها شبه ميته شكولهم تخوف
وحته ماكوو كادر ... يمكن يتعشوون
اباوع بالوجوه... ادور علئ كلبي
معقووله نجم بين ذووله الاموات
اي اموات ....حالتهم والاجهزه الي عليهم تاكد ذوله ميت ... واحد صوندا داخل ركبته وواحد صوندا وجهاز بحلكه
والي .... والي
نجم وين
امشي...ورجليه تثكل بالزايد.. . والم بطني يزيد
نجم وينك
وصلت قبل الاخير وباوعت هنا طفل والي مقابيله....نجم
لكيت ولفي.....
رحت يمه....بس مخلين صوندا ابطنه.... وجهاز علئ كلبه..نفس الي خلوه اليه لمن كنت بلانعاش
اول ماوصلت
بجيت...ضليت ابجي مثل الطفل عليه
لزمت ايده بستها وشميتها
نمت علئ صدره....وضليت اشتم بيه وابجي
نجم لاتعوفني
ما اليه غيرك بعد... نجم احبك
وعد بعد مااعوفك لاخر يوم بعمري
نجمتي تسمعني...اجيت الك توني دريت بيك اسفه يعمري تاخرت عليك
نجم كوم وياي...خل نبدي صفحه جديده
احجي وياه بس ماتحرك ولا رف رمش عينه
نجم اكعد
ضلين اصرخ عليه.. هس اكعدلي نجم....اكعد احجي وياك...مااسمحلك تخليني وتروح.... نجم انت زوجي وحبيبي لاتتركني
اكعد لحبيبتك يلا ...ضليت اكوم بيه بس مااكدر
نجم كوم وياي... كووم لخاطر يوم الي عشته وياي
ضليت اصرخ
واجوو الممرضين كلهم اليه.... وبالكوه حاولوو يطلعووني.... خلوني بس احاجيه
الله يخليكم بس اكوله كوم وياي
هو يحبني نجم
هس يكعد وياي......
طلعووني غصب عني... وسدو الباب
لكيت امي تنتظرني.....ومن شافتني. لزمتني وكعدتني عالكرسي
يمه يله نروح
لايمه مانروح هنا ابقه وي نجم
كومي يمه.. ماشفتي اخوانه شسوو بيه بهذولي كدام الناس
يمه ذوله مو هس شغلهم
يمه روحي انا ابقه وحدي.....
شلون اخليج كومي الصبح نجي ... شلعتن كلبي
اجه دكتور يركض وراه كم ممرض
ويكول دايد ب Bed namber 16
يعني ميت بسرير رقم 16
الجوو نخبص خبص
وابو الاستعلامات دخل جوووه
يمه نجم مات..... يمه خاف نجم هذا
ضليت اصرخ وابجي
ولناس الي واكفه. كلها عبالها هذا مريضهم الي مات
وكلها اختبصت..... والكل كان الي موجود بقاعه الانتظار
الي ابنه والي زوجته والي ابنها والي اخوها
كلها تكسر الكلب
بس انا شنو
انا حبيب..... اني خسرت هواي ناس
ماكدر اخسر بعد...... يارب لاتحرمني منه يارب ماكدر اتحمل
اكو وحده كانت حامل ووياها طفل زغير.... يجي عمره 4سنوات
كانت لوحيده الي زوجها حالته مستقره ومطمئنه مو زوجها الي مات.. او الي راح يموت
اباوع اله..... هنيالج مطمئنه واني كلبي نار
ضليت اروح يم الباب وارجع
ياررب مو نجم يااارب
ابجي وادعي ...وبكلبي حسره... نجم مافرحت وياه....عشت حب بس بعيد عني
اريد اعوض كلشي راح
واجوو حيدر وعبد وحيدر يتراكضون..هم كانو عبالهم نجم مات
بس شافوني.....اجه عبد
شسوين هنا.... روحي خوويه
روحي وخلي اخوونه يرتاح..... لا انتي ارتاحيتي وياه ولا هو ولا احنه ارتاحينه من اجيتي البيتنه لهسه
عبد انا مالي ذنب .... عبد والله احبه
وماخنته الله شاهد.... عبد احب نجم والله احبه
وعادل خابرني ورزلته وهو سمع انا شلون حاجيته بس ماصدكني
ماصدكني نجم
اي نجم يكول من حست بيه انا وراها وشافتني وراها سوت نفسها هجي تحجي وياه وترزل بيه حته تبين اليه ماكو شئ بينهم
والله وروح ابوي ماشفته
وعادل نسيته... واكرها....احب نجم
وعشت وياه اجمل ايام عمري
خويه ساعدني الله يخليك
ما االيه غيركم... حيدر انا مو ساقطه
حيدر انا نفس اخيتك لاتضلمني 1
نجم هو زوجي .....والله شاهد صنته
طلعوو الممرضين ويتضاحكون ويتشاقون بينهم
ولا كانما واحد مات
سالهم واحد شسمه الي مات...هستوه
حجي اسمه صادق... الله يرحمه
اجت الحامل
هي وابنها ووياها ولد شاب.... صادق ايش
صادق جلال
شنوو
هو اقاربج
صادق شبيه....... ووكعت علئ الارض
الولد كومها..... شبيه صادق
يقرب الكم
اي اخويه
البقيه بحياتكم
وضلت تصرخ المره الحامل والولد ينحب وياها
سبحان الله شكد جانت مطمئنه بس نست كل واحد ويومه مو شرط يكون شنو حالته
ضلت تصرخ وتعاتب بيه
وكل النسوان التمو عليها االي بالقاعه..... وتكوله ليش عفتني انا وابنك وبنتك الي ابطني
الكل ضل يبجي وياها
وجابوو الجثه بسديه ...وانطوها للولد واخذوو جنسيته
وهي راحت يمه وضلت تبجي وتصرخ
وتشبك بيه ،،،، وتشم بيه
وتعاتبه
علئ الرغم كسرت كلبي بكلامها
بس اطمئن كلبي مو نجم
الحمدلله ياربي......
عبد طلب مني يوصلني للبيت
وجبرني اروح
ووصلني بسيارته لان كانت ب11 والتكاسي تخوف هالوقت
رجعت البيت ... ونمت بفراشي
وبس ابجي
وماكدرت اكل ولا شئ
وامي تقنع بيه وماكووو...ومرن 4ايام
ويوميه اروحله وارجع واسولف وياه
واحجيله...واشكيله..... واحضنه
واشمه وارتاح...انسه كلشي لمن الزم ايده
يوم الخامس
رحتله بليل
وكنت كالعاده اسولف وياه وابجي
واشتم بيده
رهف
نجم
رهف
ياعمري كعدت
الحمدلله ..... رهف
عيون رهف ... لاتحجي
رهف مشتاقلج
قربت عليه حيل... وحضنته كل قوتي
وضليت ابجي كل قوتي
والكل اجووو
والتموو علينه.. وفرحو من كعد نجم....
الحمدلله كملت فرحتي
وكعد نجم
وطلعووه من المستشفئ
ورجع للبيت... واني رجعت وياه
والبيت كله مايحجي وياي.....
بس كاعده بالغرفه وي نجم.. واداري بيه.... واكوم بواجباته
محد يباوع بعيني ابد...كنت كاعده يم نجم واسولف وياه
اجه سالم باابا بابا ويركض
كول شبيك سلوم
كلت لبيبي انطيني فلووس وماتنطيني وهي عدها هوواي
شسوي بالفلوس انت اريد اعرف تاكلهم
