ضليت اصرخ
امي ادك علئ وجها وتملخ نفسها
اخواني يبجون
ماعرفت شسوي.. رحت اركض بشارع بدون حجاب ولا شئ ولا حته نعال) تكرمون
دكيت باب جيرانه ابو حيدر
طلعلي ابنهم عادل
تعجب من شافني بهذا الشكل
خوويه فدووه اختي ماتت الحك علينه خل ناخذها للمستشفئ
رجعت اركض
وراح عادل جاب امه والسويج مالت السياره
واجوو وراي
ام حيدر ضلت تهدي بأمي
وعادل شال حنان وركض بيها لسياره
عود ردت اروح وياهم
بس ماقبل عادل كال طبي جووه
شنو ابقه جوه اختي هاي
اي احنه وياها وامج ضلي يم اخوتج ماتشوفين حالتهم انتي
اخذوووها وراحوو... واني بقيت ابجي واخواني يبجون وياي
ضليت الوم نفسي اني السبب ياحبيبتي ياحنونه لو موافقه علئ هذا الشيبه ولا خسرتج
يااارب نذر عليه بس تصير زينه وماتموت الا ازوج نجم... وعلئ حالتي بقيت منا لليل
امي اتصل عليها ماكوو
رحت لاهل عادل بلكي يتصلون علئ عادل ونطمئن علئ حنان
دكت عليه اخته وجاوب
حاجيته اني
عادل اني رهف
فدووه شلون صارت رهف
ماكوو شئ ... تعدت الخطر
الله عليك
مو اكلج والله مابيها شئ
شبيها هيه
شبيها يعني اختج منتحره..الله يهديها وهس تحقيق وشرطه... وعبالهم اني زوجها وحجزوني
صدك
اي صدك
وبعدين
طلعت من عرفو جاركم.. اترخص اجيب دم
المن دم شبيها اختي
نزفت هواي... وراح اتبرع اني
سديته من عادل
ورجعت لبيتنه
طمني عادل عليها.... الحمدلله ارتاحيت
صفنت بيني وبين نفسي... سوده بوجهي اني طلعت بشارع هجي وتوني كاعده من النوم شعري كفشه ولابسه تراك بيت
ودكيت باب جيرانه من الصبح وطلعلي ابنهم عادل والله فشله
شيكول عني هذا
ضليت اصفن علئ الي سويته....
والطم علئ وجهي.... كلساع اروح اخابر عادل من اخته.. بعدين مليت رايحه راجعه اخذت الرقم مالت عادل
وضليت اطمئن علئ حنان واتصل عليه من جهازي
لحد ما كالي راح تطلع اختج الصبح
وارتاحيت... الحمدلله
سبحت اخوتي... وكملتهم
ونومتهم
واني خفت وحدي كلش..... طلع عادل مخابر علئ زوجة اخوو الجبيره
واجت يمي تبات.... طبعا فرحت كلش... لان شبعت خوف... ضليت اتخيل اشياء هواي... لحد ما اندكت الباب... خفت يكون مسلب حرامي
بس صاحتلي اني ساره زوجت حيدر جيرانكم افتحي الباب يلا رحت اركض وفتحته
الله جابج ساره شبعت خوووف
اي والله عادل دك عليه...وكالي
طبعا ساره مرت اخوه لعادل.... جبيره بس حليوووه ومرتبه وشخصيه.. ومثقفه...بس بسيطه كلش.....
نزلت الها فراش جديد.... وطلعت بطانيه من باكيت وغطيتها بيها
وتمددنه ويمنه صوبه نفطيه.....
واخوتي ناموو
سالتني عن حاله حنان
وحجيت الها عن حالتنه وعن اوضاعنه وشلون عشنه قبل
وعن قصه حنان وسبب انتحارها
وكتلها تريد ازوج احماها حته ماتطلك
ورفضت هاي الفكره نهائيا... وقنعتني مااتورط بهذا شئ... واتندم بعدين
كتلها ماشفتي اختي شسويت وانتحرت
لا هي ماتفتهم شنو ذنبج تورطج انتي وفوكاها مزوج وعنده سبع جهال عزززززه
شبيج يختي شنو عانس لو ارمله
وهيه حجتلي عن عيالها.. وبيتهم
وايام من كانت بالكليه....
وتحمد بعيالها... لحد ماوصلت لعادل
كالت هووو اخوي الي ماجابته اليه امي
متخرج علوم سياسيه وطبعاا حاليا ملازم اول وراح يصعد نقيب انشاءالله بس يخلص الدوره مالته
وحجتلي عن طيبته
وعن خسارته لحبيبته .... وشلون عافته
وطلعت وحده ماتستاهل بس لهس متاثر بيها
شكد خطبتله وماراد
حته قبل سنتين شفت اختج حليمه شكد حلووه وشايله جمال بس ماقبل بيها
لان يحب ذيج الحقيره
تعجبت شلون تعوف شخص مثل عادل
بقه الليل كله وي امي وماعافها لان ماعدنه رجال بالبيت
الصبح ب10 طلعت اختي
وجابها عادل بسيارته
لبست عبايتي مالت راس
وطلعت تلكيتهم
وشفته شلون يباوع اليه
هههه هس يكول امس كفشتها وهي كدامي واليوم عبايه فد مره ... صخام الصخمني كون
دخلنه حنان جوووه وام حيدر الي هي ام عادل ويانه
وساره بعدهي عدنه
وعادل ماقصر
كال اترخص وطلعوو هوو وساره
بقينه اني وامي وام حيدر
بساع سويت كرصه بيض...واجبان عدنه
وخبزتلي كم كرصه خبز.. وجاي
سويت الهم ريوك.. اكيد جوعانين
وخليته كدامهم
واكلوو
بس حنان ماتريد وتخونز اليه.... بنظره عتب
بعد نص ساعه
اجت ساره وجايبه علاليك وياها
ماعرفت شبيهم
لمن صاحتلي
نعم ساره
هذا مسواك مشو بيه نفسكم
شالقصه ساره ماكوو داعي
لا حبيبتي من عادل هذا.... ويعتذر خاف قصر وياكم
لا والله الاخوو مايسوي نفسه بهذا الوقت....اكلج ساره
بلي
والله خجلانه من عادل كلش
ليش
راح يكول عني خفيفه او شئ
ليش ولج
شافني بدون حجاب ولا شئ ... اكيد راح يكول عني خفيفه او شئ... او ماعدها اخلاق
لايختي اولا معذوره... حالتج مو مال وحده تكشخ وتجي .... واكيد مستعجله
ثانيا احنه نعرفكم والله ام حليمه عبالك رجال محد شاف منها حته عمي يحمد بيها وانتن يالبنات صار خمس سنين يمنه ماشفت وحده منكم بالباب ولاصوتكم طلع.... خو احنه حايط بالحايط... وحته ولدنه يحمدون بيجن كلش وماكوو نفس اخلاقجن بالمنطقه
لا خاف يفكر شئ ...
لا يكلبي مايفكر.... مثقف ويفهم البنات شنوو
وشايف هواي ويعرف
اي صح
بس اني اول مره اشوفه
هو انتي وين طالعه حته تشوفينه
اي والله صدك
خلت العلاليك وطلعت
فتحتهم
بيهن اشكال... دجاجه وسمجه جبيره مجمده
وبتيته .... وطماطه وطرح... وخضره.. وتفاح وبرتقال....وعنب.....
شكد عيب ليش هجي مسوك النه
شيكول عنه فقره شنوو
انقهرت علئ حالتنه والله
حنان من ضمن علاجها.. مهدئات .... بس نايمه وماتحجي وياي.... الي يشوفني يكول اني طردتها من عيالها
شويت السمجه.....وحشيتها.....
وسويت تمن وسلطه ومقبلات..... وخبزت
وام حيدر عدنه
وبصراحه ماكنت اعرفها
طلعت خووش مره .. وطايره بيه
كلما اسوي شئ.... الكاها تباوعلي... وتتبسم
هاي النظره مو غريبه عليه ياحجيه 😉
وغديتهم
ولميت المواعين... ونضفت المطبخ والبيت
راحت ام حيدر لبيتها
والعصريه هجي دخلوو علينه عيال حنان كلهم وزعاطيطهم ......
ورجلها.... ونجم
والبيت انكلب كلاب ماكووو مكان بيه
طبعا طلعت حنان تراسل رجلها وكايله اله السالفه
واجووو كلهم
صار المغرب
ضليت محتاره شسوي عشه
عندي بس دجاجه ماتكفي
حته منو يروح يسووكلي.. اخواني مامتعلمين يبعدون عنه ..... لان السوك بعيد
STORY CONTINUES BELOW
