شاليه 17
الفصل الرابع
"ملت داليا من الأعلانات الوهمية التى تجذب من يراها بالعروض والتخفيضات و الأقساط الطويلة المبسطة التى تنتهى ب "نصباية" و عندما همت بالرحيل استوقفها شخص"
-تؤمرى ب حاجة يا فندم ؟
-انا ؟
-ايوة
-لا ابدا , انا كنت بتفرج بس ...
-طب اتفضلى جوه فى المعرض عشان تشوفى اشكال و مميزات اكتر ..
-شكرا اصل...
-اتفضلى الباب من هنا
-اصلى مش عايزة اشت....
-اتفضلى يا فندم
"دخلت المعرض رغما عنها"
-يا استاذ اصلك مش فاهم انا مش...
-ده احدث موديل تيليفزيونات عندنا "مش بيقطع" "صورة نقية" "نضارات 3D"
"امكانية التنقل بين القنوات" لا يا راجل !!
"امكانية مشاهدة اكتر من قناة فى نفس الوقت"
"عليه ريسيفر هدية"
-كل ده جميل و ربنا بس انا...
-مبروك عليكى يا فندم,هتدفعى كاش ولا كريدت ؟
-اناااااا مشششششششش هشتررررررى!!!
-مش هتشترى ؟
امال سبتينى اوصف لحضرتك ده ليه ؟ وقتك ده كان اولى بيه عميل تانى !!!
- هو انت اديتنى فرصة !!!
"كان ذلك احد الموظفين العاملين فى محل الألكترونيات و متخصص فى مجال التيليفزيونات كما قال عن نفسه ل داليا,هؤلاء الموظفين الذى يعرف بعضا منهم بال "لزقة" لا يعطوا فرصة للشخص ان ينظر للسلعة المباعة بل يظل "يرغى و يرغى" و يلف حوالين الزبون زى النحلة و يحكيله عن المميزات الهائلة و الفظيعة للمنتج و يؤكد له انه لن يجد تلك المميزات فى سلعة اخرى, و لا يخرج الزبون فى هذه الحالة الا وهو متدبس فى السلعة , سواء الموظف حرجه و دبسه , او اوهمه بمميزات خيالية غير حقيقية,او اتدبس عن طريق مراته اللى شبطط فى الحاجة زى العيلة الصغيرة "هات دى" "اشمعنى الفت بنت عمتى جابتها و انا لأ" "اصرف شوية متبقاش جلدة" و هكذا..."
-.....
-عموما شكرا,هعدى عليكوا وقت تانى لأنى محتاجة تيليفزيون جديد فعلا...
-"محتاجة تيليفزيون جديد فعلا"
بيعيد كلامها "تريقة يعنى"
-انت بتقول ايه ؟
-مفيش..
-نحترم نفسنا احسن ولا ايه ؟
