شاليه 17
الفصل السادس عشر
-ما انتوا لازم تفهمونى اللى بيحصل حالا !! "هايدى"
داليا ؟ انتى ايه علاقتك بالموضوع ده ؟
انتى عارفة انا صحبتك ولا يمكن اعمل حاجة تئذيكى!!
-انتى اتجننتى يا بنتى ولا ايه !!
انا مليش علاقة,دنا حتى مقابلتهاش بقالى كتير , كل الحكاية ان من تلات اسابيع كانت بتتصل بيا و فى كل مكالمة تستغيث و كل ما اسألها عشان احاول اعرف هى فين ,معرفش,مبتدينيش فرصة و بتقفل السكة و الموبايل كله!!
بتتصل فى مواعيد غريبة و مش منتظمة !
بعتتلى صورة فيها SH
مفهمتش منها حاجة,بلغت البوليس و محدش رد عليا !
قلت ل ماجد قالى مقلب,عاجبك كده ؟؟!؟؟!
-ايه ايه ؟ هتشيليهانى ؟ و بعدين على فكرة ده قدرها احنا مكناش عارفين هى فين ولا هى قالتلنا !
"ماجد"
-التاريخ قديم يا ماجد! عارف يعنى ايه ؟؟
الكلام ده الأسبوع اللى فات! اول اسبوع اجى فيه هنا !!
يعنى بعد اخر مكالمة ب حاجة بسيطة!
-مانتى بلغتى البوليس! "ماجد"
-بس ماهتمتش !
ايا كان اللى حصلها,هى دلوقتى ماتت اه,بس على الأقل اعمل حاجة تغفرلى عدم اهتمامى,كفاية انها وثقت فيا انا الوحيدة و اتصلت بيا!
لازم اعرف اللى حصلها,واللى عمل فيها كده لازم يتجاب!!
"داليا بدأت تربط الخيوط ب بعضها و فهمت ان
SH
كان معناه sharm
مروة كانت فى شرم..."
-اهم حاجة لازم نعرفها دلوقتى...مروة ماتت فين ..فى انهى فندق ؟
-انا اعرف... "هايدى"
فى..فى روز...
-الفندق اللى احنا شغالين فيه!!! "ماجد"
-ايوة..بصراحة مكنتش اعرف ان ده ممكن يساعد ب اى شكل !
مروة كانت عندنا من اسبوعين تلاتة كده...
كانت جاية لوحدها , بس حجزت اسم جوزها معاها معرفش ليه ! مع انه مجاش ولا يوم!
"هايدى"
-طب ليه قلتيلى انك مشوفتيهاش بقاك فترة ؟
-ده كان طلبها ! "هايدى"
-طب ليه مش عايزة داليا تعرف ؟ "ماجد"
-معرفش,كل اللى اعرفه انى معرفتش اتقابل عليها لأنى كنت فى رحلة مع فوج سياحى,بس اول اما خلصت عرفت انها موجودة من صحابى فى الريسيبشن,و اما فضيت عشان اقابلها عرفت انها عملت تشيك اوت,و ب تاريخ موتها ده , انا كنت فى رحلة تانية ,ومحدش فى الفندق جاب سيرة الحكاية دى...
-اكيد عشان سمعة الفندق..
ان فى الوقت ده كنت بجيب داليا و بظبتلها اجراءات السفر و الشغل... "ماجد"
-هايدى..هى كانت قاعدة فين ؟
-فى....شاليه 17 "هايدى"
-فين ده ؟
-بعد التجديدات...
240...بتاعك...
