شاليه 17
الفصل الحادى عشر
-مساء النور
-اااا...انا اسفة على التمثال,هدفعلك تمنه اكيد
قولى بكام بس و انا...
-عشرين جنيه !
-اه طبعا,اتفضل
-......
-حلو قوى المكان هنا و و التماثيل
الديكور كمان روعة,كأن جوا عصر و برا عصر تانى
-تشكرى,تؤمرى ب حاجة ؟ كنتى جاية تشترى حاجة يعنى ؟
-هههههه منا اشتريت اهو خلاص
مع انى فى الواقع مكنتش جاية اشترى,انا جاية اسأل على حاجة كده
"كان الرجل متجهما,كبيرا فى السن و لكن يظهر عليه انه يستطيع بناء برج وحده,مصلحجيا,غامضا او كما رسم لنفسه شخصية وسط اهل الحارة و الزوار بطبيعة عمله فى مجال الاثار,حتى يشعر المشترى ان صاحب المحل خبيرا فى هذا المجال,بل كان يشرب الشاى مع توت عنخ امون..."
-انا جاية اسأل على بيت مروة
-مروة مين ؟
-فين شارع العقاد ؟
-هو ده الشارع !
-طيب فين بيت مروة العقاد بقى !!
-يااااااه
تقصدى بيت الحاج سامى العقاد ؟
هو كان مخلف بنات اصلا ؟؟
-اه طبعا , امال مروة دى تبقى مين
-ممممم,تسمحيلى اسألك سؤال
-اتفضل
-هى مروة دى تقربلك ايه ؟
-زميلتى من ايام الكلية
بس مش غريب يا حج انك هنا من زمان و متعرفش اذا كان العقاد مخلف ولا لأ !
-الغريب اللى انتى بتقوليه يا انسه, سامى العقاد ده كان صاحبى,و حاجة زى دى المفروض ابقى انا عارفها اول واحد !
-طب اسمحلى اسألك سؤال,عيلته كانت بتتكون من كام فرد ؟
-بصى اللى انا اعرفه,بيت الحاج سامى العقاد كان عايش فيه هو و مراته هدى , اقصد الست هدى يعنى...
-اه, و بس كده ؟
-لأ طبعا , البيت ده كان بيت عيلة , كان عايش فيه مع مراته و اخواته و ولاد عمه كان ليهم شقق فى البيت بس كانوا كل ما يبقى فى مناسبة فيها بيات و كده يباتوا فى شققهم , لكن غير كده ليهم بيوت بره الحارة و منهم اللى كان ليه بيوت برا البلد خالص,عرفنا انه بعد جوازه من الست هدى ب 8 سنين,اتجوز تانى بس واحدة عمرنا ما شفناها
-عمركوا ما شفتوها ازاى يعنى ؟ كانت عايشة فى بيت تانى مثلا ؟
-لأ , كانت منقبة
