شاليه 17
الفصل الثالث
"تانى يوم"
"فى شركة الأدوية"
داليا:صباح الخير
موظفة:صباح النور
داليا:ااا,كنتوا منزلين اعلان فى الجرايد عن موظفين ؟ انا خريجة صيدلة السنادى
موظفة:ال cv بتاعك please ?
داليا: اه اتفضلى...
موظفة:مممم تمام استريحى شوية لحد ما تقابلى مستر مدحت المدير...
"بعد نص ساعة"
موظفة:اتفضلى
"دخلت داليا مكتب المدير,مكتب فخم مزود ب تكييف و اثاث من افخم الأنواع,ثلاجة صغيرة بها انواع و اشكال من الشوكولاتات,مدير يجلس على كرسى جلد اسود يرتدى بذلة سوداء و قميص ابيض,يدخن السيجار,فور دخول داليا اطفأ السيجار و طلب منها ان تتفضل بالجلوس.."
مدحت:اهلا وسهلا
داليا:اهلا بحضرتك
مدحت:اول مرة نشوفك مش كده ؟
داليا:منا بقدم على الوظيفة المعلن عنها فى الجرايد,هو التقديم بيبقى على مرتين ؟
مدحت:ههههههههه لا ا , قصدى يعنى مش اتعاملتى معانا قبل كده مش كنتى شغالة فى شركة تانية ؟
داليا:لا و الله اول شغل بعد التخرج
مدحت:ممممم تمام,متجوزة ؟
داليا:افندم ؟
مدحت:ابدا مجرد سؤال,بندردش يعنى
داليا:لأ مش متجوزة
"بدأت داليا تقلق..."
مدحت:واضح من الورق انك متفوقة و ب امتياز,مممم لأ تمام تمام
الوالد و الوالدة شغالين ايه ؟
داليا:متوفيين,الوالدة كانت مدرسة و الوالد مهندس بترول,كانوا فى الخليج...
مدحت:اه متأسف
طب تمام و الله الورق زى الفل بسسس فى حاجة كده يعنى
داليا:ايه ؟
مدحت:يشترط الخبرة,لازم تكون عندك خلفية بالشغل من قبل كده مش تبقى دى اول تجربة ليكى احنا اسفين يعنى و ....
داليا:طب انا اسفة مخدتش بالى من الشرط ده,استأذن انا
مدحت:استنى استنى,ممكن نلاقى حل
"نظرات مدحت لم تريح داليا و خاصا عندما بدأ فى تجاوز حدوده و لعب بخصلات شعرها,فبادرته داليا ب كف سودانى اصييل على وشه , فاحمر وجهه و ظهر عليه الغضب.."
مدحت:ايه اللى عملتيه ده انتى اتجننى !!!
داليا:ده انت اللى اتجننت , انا مش اللى فى دماغك و واضح انكوا شركة زبالة اساسا ما دام فيها ناس زيك !!
