شاليه 17
الفصل السابع عشر
-ازاى يعنى ؟! مروة كانت فى شاليه,انا فى غرفة و دور عالى كمان!
-ماهو كان فى تجديدات فى الوقت اللى كانت فيه مروة هنا و من بعد ما اختفت كمان... " هايدى"
-مممم...طب,بياناتها لسه موجودة ؟ سايبة اى حاجة تخصها ؟
-تقريبا اه....انا يوميها لما خلصت الرحلة ,لقيت مكان جديد محجوز فى الأمانات ب اسمها و عمرها ما خدت اللى فيه,سيباه من ساعة ما جت لحد ما مشيت,ده كان كلام صحابى اللى شغالين هناك... "هايدى"
-مينفعش نشوف الحجات دى طيب ؟ "ماجد"
-صعب قوى بس هحاول,اصلكوا متعرفوش الحراسة عاملة ازاى على المكان ده.. بس احطياطى لازم يبقى عندنا plan b
"هايدى"
-داليا انتى من ساعة من جيتى ..فتشتى الأوضة ؟ "ماجد"
-لأ .. انا مستخدمتش غير الدولاب بس , و مدورتش فى اى ادراج من ساعة ما جيت
-ما بلاش يا جماعة,مش عايزين نوقع نفسنا فى مشاكل! انا مليش دعوة بالموضوع ده... "ماجد"
افتكروا انتوا اللى جبتوه ل نفسكوا! لو جرالنا حاجة ولا اترفدنا مليش دعوة !
"كان واضح جدا ان دى هى الخطوة الجاية ليهم عشان يعرفوا مروة حصلها ايه.."
"داليا مترددتش فى انها ترجع الفندق بسرعة و تفتش الغرفة اللى كانت قبل كده,شاليه 17"
"بعد 3 ساعات من البحث المتواصل,داليا قدرت تلاقى حاجتين,ظرف دهبى كبير و صندوق متوسط الحجم,الظرف كان عليه رسومات فرعونية...بسرعة افتكرت داليا ان مروة كانت زيها بالظبط..بتحب الفراعنة و كل و اى حاجة ليها علاقة بالفراعنة,زارت كل المتاحف و المقابر الفرعونية..الأهرامات و المتحف المصرى بقت حفظاهم اكتر من بيتها..و خصوصا فى الفترة الأخيرة اللى كانت داليا بتشوف مروة فيها .. كانت مروة بتاخد داليا معاها كتير فى رحلاتها الفرعونية..و داليا خدت منها عادة انها تشترى حجات فرعونية كل ما تروح الأقصر و اسوان"
"الظرف كان عليه رسوم و نقوش فرعونية,ملمسه كان اشبه ب ملمس ورقة بردى,و الرسومات اللى عليه كأنها محفورة مش مرسومة,فتحت داليا الظرف عشان تلاقى فيه فلوس,بس مش اى فلوس,فلوس فى شكل دهب ,الماظ,مجوهرات كتير..من بينهم لقت داليا خاتم كانت دايما مروة تلبسه فى كل زيارة للأماكن الفرعونية,كان مميز,غريب و فريد من نوعه...عليه رسمة مش واضحة بس كانت مروة دايما تقول "مش اى حد يفهمها" ,ده غير ان الظرف كان فيه فلوس كتير جدا...حوالى 50 الف جنيه"
"رجعت داليا بالأيام ل ورا,افتكرت مرة خدتها مروة معاها للمقابر الفرعونية و كانت مصرة قوى فى اليوم ده ان داليا تيجى..."
