شاليه 17
الفصل الثامن عشر
-اسمى ؟؟؟ ليه اسمى ؟ معقول مروة كانت ناوية تأذينى ؟؟ و ليه؟ طب يا ترى عملت كده ب مزاجها و لا حد غصبها ؟
و يا ترى مكالمتها ليا دى كانت جزء من التعويذة عشان تتم ؟ يا ترى كانت فعلا بتموت و هى بتكلمنى ولا كان تمثيل...ومين اللى غرقها فى البسين بتاع الفندق ؟ اكيد مماتتش غرقانة,مروة بتعرف تعوم احسن من اى حد..انا لازم اشوف جثتها,اكيد هتمر عليا فى نطاق شغلى..مع انه مش تخصصى بس..مساعد الدكتور مش موجود و مفيش غيرى انا و ماجد و اكيد هيحتاجلنا...
...بس لازم اعمل حاجة الأول...
"داليا كان عندها شك فى كلام هايدى,كان لازم تتأكد..بعد ما خلصت تفتيش فى الغرفة نزلت الريسيبشن,من خلال خبرة داليا البسيطة فى سيستم الشغل فى الفندق..بيانات النزيل بتتمسح بعد شهر من check out
اللى بيعمله..و دى كانت الحاجة الوحيدة اللى هتساعد داليا..فى وجهة نظرها,و من غير تردد راحت لموظفة الريسبشن"
-انتى هترفدينا ب اللى بتعمليه ده! "ماجد"
-ملكش دعوة انت,امشى لو عايز...
-انا مش هسيبك تعملى كده "ماجد"
-نعم !! ب امارة ايه ؟
صباح الخير
-صباح الخير يا داليا "نهى"
-كنت عيزاكى فى خدمة ...
-انتى تؤمرى بس "نهى"
-كنت عايزة بيانات نزيلة كانت موجودة من اسبوعين تقريبا...مروة العقاد...
-اللى غرقت دى ؟
-exactly
-بس انتى...عارفة ان الحوار ده illegal
خصوصا انها مقتولة كمان...يعنى فى تحقيقات و اهلها يسألوا و كده... "نهى"
-ااا..ل...لا يا بنتى انا عايزاها فى الشغل , انتى ناسية و لا ايه,مساعدين دكتور رأفت مش موجودين و انا ماجد هنبقى مكانهم...
-انا هروح اعمل مكالمة "ماجد"
-ماشى "داليا"
-ا...اه انا اسفة يا داليا معلش انتى عارفة مسئولية..حالا هجهزهالك و ابعتهالك كمان شوية على الغرفة بتاعتك.. "نهى"
-طب سؤال تانى معلش... هى هايدى قابلت النزيلة دى ؟
-هايدى بتاعتنا ؟ اللى بتشتغل هنا ؟ اه..هايدى مكانش عندها ولا رحلة فى الوقت ده و كانوا بيقعدوا كتير مع بعض فى المطعم هنا و لما كنت بنزل نعمة كنت بقابلهم..طبعا ميزة الفندق انه قريب من خليج نعمة عشان كده سهل تلاقى اى نزيل من هنا..تلاقيه هناك على طول... "نهى"
