شاليه 17
الفصل الثالث عشر
"كانت الموظفة فى شئون الطلبة ,الست الكبيرة التخينة , لبسها يرجع لفترة التمانينات , ودودة بس بتاعة مصلحتها و متعملش حاجة لوجه الله , دايما مكشرة فى وش الطلبة و تضحك فى وش الضيوف..."
"عدى حوالى ربع ساعة لحد ما جابت الموظفة ملف مروة,بدأت داليا تتفحصه ب هدوء"
الأسم:مروة سامى العقاد
السكن:غير معروف و غير ثابت
مسقط الرأس: الدقى
الصف:الخامس
كلية:الصيدلة
التقدير:ممتاز
......
-تمام , شكرا يا حجة
خدى دول
-شكرا يا دودووو
"دودو ؟ من امتى ؟!"
"مشيت داليا من الكلية و فى الطريق جالها اتصال من ماجد...
-الوووووو,ايه انتى فين من امبارح ؟
-فين ايه ؟
-اتصلت بيكى مليون مرة !
-الموبايل مرنش من امبارح خااالص,غير....
-غير ايه ؟ موضوع مروة تانى صح ؟
-عرفت منين ؟
-خمنت...
انتى عملتى ايه بالظبط !
-مفيش مفيش , انت قلت الطيارة امتى ؟
-يوم الأربع
-طيب خلاص,هشترى شوية طلبات واروح,سلام
"اتصلت داليا بعدها ب صحابها مرنا و زهرة عشان تاخدهم معاها و هى بتشترى لزوم السفر..."
"اتقابلوا فعلا و اتغدوا سوا,و بعد كده بدأوا رحلة الشوبنج ل داليا...
زهرة:انتى قلتيلى رايحة شرم صح ؟
داليا:اينعم !
زهرة:هممممم,حسب خبرتى و الأبحاث العلمية ....
مرنا:يادى النيلة !
داليا:ههههههههههههههههههههه
مرنا:البت دى هتغرقك اسمعى كلامى!
زهرة:بس بس,
داليا بتليق عليها قوى الدريسات
داليا:ال ايه يا ماما ؟
زهرة:الدريسااااات!
طالعة موضة دلوقتى !
و بتليق عليكى بطريقة غبية !
داليا:يا ساتر يا رب
مرنا:سيبيها تحقد, مش كفاية رايحة شرم ! فى حد يروح شرم و يزعل !
داليا: لا لا انا كده هولع فى الطيارة قبل ما اوصل !
زهرة:خليكى معايا بس , خدى الفستان ده
داليا:قصير قوى !
مرنا:طب التى شيرت ده تحححححححححفة
داليا:ضيق !
مرنا:طب انتحر و لا اعمل ايه !
زهرة:بت بت,داليا داليا داليا
داليا:ايوة ايوة ايوة
حوووووووووووووول
زهرة:هتسافرى مع الواد اللى اسمه ماجد ده اللى كان معاكى فى الكلية ؟ ها ها ها ؟
داليا:هنستعبط على بليل بقى !
يا بنتى انا حكيتلكوا اكتر من عشروميت مرة
انا شفته بالصدفة فى المحل و سألنى على الشغل و كده ف قلتله انى لسه مشتغلتش
ف هو اللى جابلى الشغل فى الفندق,بس !
مرنا:مااااشى ياااا عاااااااااااام
داليا:بلاش هبل على المسا,ده اخويا !
ده حتى اهله كانوا يعرفوا اهلى
هو الشعب المصرى كده !
مرنا:دى هتفتحلنا محاضرة ! انا غلطانة و ربنا !
داليا:دايما الشعب المصرى لو شاف اخ بيكلم اخته فى الشارع حتى ! ينسوا انه اخوها و يفكروا فى حجات تانية غريبة !
حسبى الله و نعم الوكييييييل!
زهرة:اتنيلى اسكتى خلاص مكانتش كلمة بنهزر بيها
خليكى كده مخللة لحد ما تعنسى
داليا:ههههههههههههههه اريح ياختى , يعنى اللى اتجوزوا عملوا ايه !
ده انتوا لسه مخطوبين و بتصوتوا :D
"و بعد ساعتين من الرغى و اللف على المحلات,كل واحدة روحت بيتها و بدأت داليا تجهز الشنطة..."
1 a.m
"مدت ايدها فى جيبها بالصدفة و لقت البادج !!,البادج بتاع هويدا دخل ازاى فى جيبها! دخل فى دماغها كذا فكرة لدرجة انها بدأت تشك فى نفسها انها سرقته من غير ما تحس !"
"لسه داليا بتحاول تقرا المكتوب على البادج تحت اسم هويدا لقتها كلمة غريبة , مش من الكلمات اللى اول ما عنيك تقع عليها تقراها, و فى بداية اول محاولة لقرايتها صوت جامد خلاها تقع من ايدها,صوت خبط الباب..."
