شاليه 17
الفصل الخامس عشر
-ايه ده ؟!؟!؟! "مخضوضة"
مين ال...
هههههههههههههههههههههههههههه
-عملتها فيكى انا !
-وحشانى يا هايدى بجد وحشانى,انتى ايه اللى جابك هنا ؟
-انا بشتغل هنا
"هايدى صاحبة داليا من زمان,قضت معاها المدرسة لحد اعدادى و بعدين نقلت مدرسة تانية عشان عزلوا,بس كانوا على اتصال من وقت للتانى.."
-بس ازاى دخلتى هنا
- يا بت بقولك بشتغل هنا,انا لما قريت اسمك و اتأكدت ان انتى اللى جاية مصدقتش,وصيتهم على الغرفة و قلت استناكى لحد ما تيجى , ايه بقى مقولتيليش انتى اللى بتعملى ايه هنا ؟
-انا بردو هشتغل هنا
-فى تخصصك ؟
-اه
-مع الدكتور ماجد ؟
-بالظبط,ده دفعتى
-ده غتتتتتتتت
-هههههههههههههههههههههه شكل فى مشاكل
- هحكيلك هتروحى منى فين...
يلا هسيبيك تستريحى و بعدين نتكلم
"عدى اسبوعين على شغل داليا فى الفندق,فرحت قوى لما عرفت انها مش لوحدها و عندها هايدى واحدة من صحاب طفولتها,و عدى شهر و التانى و خلاص,داليا اتعودت,و نسيت , نسيت كل حاجة عن مروة و مكالماتها الغريبة اللى كلها استغاثات , صدقت فعلا اللى قاله ماجد ان ده كان مقلب,و فى زحمة الشغل و الحياة الجميلة اللى لقتها فى شرم,نسيت مروة تماما لحد ما جيه يوم...
"خبط على باب غرفة داليا"
"دب دب دب "
"فتحت الباب"
-صباح الخيييييير
-حد والنبى ييجى يصحى حد كده !
ده يوم اجازة يا ناااااس
-اجازة اه... الساعة 1 الضهر ! "هايدى"
-قومى يلا عشان ورانا مشاوير "ماجد"
-مشاوير فين ؟
-هنتفسسسسسسسسسسسسسسح ! "ماجد"
-و النبى ؟ مينيتاية و اخلص :D
"كان يوم اجازة ليهم كلهم,خرجوا و نزلوا الغواصة و راحوا البحر و بعدين راحوا خليج نعمة بليل عشان ياكلوا ...."
-اقعدوا انا تعبت "هايدى"
-خلاص وصلنا,اقعدوا هنا "ماجد"
تاكلوا ايه ؟
-انا هاخد مكس غريل
-و انا اسكالوب "هايدى"
"بعد ما طلبوا الطلبات,ماجد قام عشان يعمل مكالمة,سرحت داليا شوية فى المكان,بطبيعة خليج نعمة بليل,دنيا تانية...عالم لوحده بعيد عن كل الدنيا,ممكن تبقى جزيرة النور,زى ما داليا كانت بتسميها,ب كل انوارها و محلاتها , البزارات اللى فيها كل انواع الهدايا الفرعونية اللى دايما بتعشقها , طول الطريق و هما جايين لازم تقف عند كل محل و تشترى منه حاجة,سرحت فجأة فى ايام طفولتها اللى جريت بسرعة و ايام الجامعة و الرحلات و كل ثانية عدت عليها جت فى بالها و خليتها تسافر لعالم تانى.."
"و فى سرحانها,انتشلها منه بياع الجرايد..."
-مساء الخير يا فندم,جرايد ؟
-بليل كده ؟
-اكل العيش بقى
-طب خلاص هات ده,اتفضل
"اثناء قرايتها للأخبار ذات العناوين الضخمة,اللى دايما تاخد انتباه اى حد يفتح اى جرنال,كانت داليا على عكس الناس,عينيها كانت بتيجى على الأخبار ذات العناوين الصغيرة,بتحس انها اهم من الكبيرة,ودايما بتيجى الكوارث من الأخبار اللى مش باينة,كأنها علامة على اللى هيحصل,وفعلا..."
"و فجأة وقفت عيون داليا على خبر و مش عايزة تتحرك عنيها من عليه..."
هايدى قاطعتها:
-داليا ؟ دالياااااا ؟
-ا...اي..ايوة
-مقولتيليش ,اخبار البت مروة ايه ؟ من ساعة ما اتجوزت و زرناها مرة واحدة و بعدها معرفش عنها حاجة
"عيون داليا دمعت,و ادت الجرنال ل هايدى عشان تقرأ الخبر.."
"وفاة فتاة فى العشرينات,وجدت فى حمام سباحة فندق سبع نجوم ب شرم الشيخ,لا توجد معها بطاقة او اى شئ يثبت هويتها بخلاف اسمها الأول بعد فحص هاتفها المحمول,وتستمر التحقي......"
-ايه ده!!!!
حصل امتى و ازاى !!
ده ..ده كمان تاريخ الجرنال قديم !"هايدى"
-انا...انا السبب...انا السبب
لو كنت عرفت اوصلها مكانش كل ده حصل ....
-انتى السبب ؟ تقصدى ايه ؟؟؟
داليا انتى ليكى اى علاقة بالموضوع ده ؟ "هايدى"
"و فجأة ماجد جيه بعد المكالمة التيليفونية الطويلة اللى عملها...."
-ايه الأكل جيه ؟ انا مييت من الجوووع!
ايه يا جماعة فى ايه ؟
"لمح ماجد البنتين مركزين فى الجرنال و بيعيطوا"
-مالكوا؟هاتوا البتاع ده كده نشوف البلد فيها ايه
"خطفت داليا الجرنال منه.."
"اخده تانى.."
-ايييه يا بنتى,
يا هبل الجرنال تاريخه قديم,الواد تلاقيه ضحك عليكوا,ماهو ياما عملها فيا
"جت عنيه على الخبر.."
-داليا ؟؟!
