اميره في الخفاء مكتمله

#اميره_في الخفاء ١

#اميره_في_الخفاء١
#زينب_الموسوي

ملاحظه  اسم البلد  الخليجي لفهد  لن يذكر في القصه  وبعض الاطراف رفضوا  التحدث في القصه واعتمدت على ابطال اخريين في السرد
والقصه تبدأ  عام ١٩٨٨
🌹🌹🌹🌹🌹🌹🌹🌹🌹🌹

في عالم صغير فتحت عيني

لارى ضوء الشمس ...
كفراشة تخلصت من خيوط شرنقتها
وبدات تجرب الجناحين ..
عالم صغير.. يحويني كأي 
فتاة ابحث عن قصه لي
بين سطور كتاب الحياه
لم انتظر فارسا ..
ولا انتظرت حبيبا
لم تكن من ضمن احلامي ...
او تخاريفي.. او اقسى درجات هذياني ...
دون علمي دخلت ..
ودون اذن نميت
ونميت.. ونميت
قلتها: بثقه
(ستكونين اميرتي )
واجبت: (سمعا وطاعه سمو الامير )

زلزلت عالمي المليء
بالبراءه
واهديتني تاجا مرصعا بالاكاذيب
بالخوف.. والحيره

.....،،،
في بغداد وسط بيت صغير فتاة اسمها الهام هذه قصتها ....

:هادي البقيه بحياتج شدي حيلج

الهام حياتك الباقيه وحمدالله على سلامتك
:هادي شلونج الهام شراح تسووين
:الهام بصراحه ماادري صعبه ابقى الوحدي بعد وفاة ماما خديجه مابقالي احد
هادي والدتج دتحاول تقدملج فيزا وتسافرين لندن يم عائلتج
الهام اني ماعندي ام غير ماما خديجه الله يرحمها امل مااعرفها وين جانت كل هذي السنين هسه تذكرتني
هادي انتي تعرفين القصه امج كانت مضطره اتركج عند خالتج خديجه بعد ولاده اخوج ضياء مصاب بالشلل ومگدرت تعتني بيكم اثنينكم وخالتج خديجه ماعدها اطفال اصرت تبقين عدها بعد سفرهم
الهام هذي اعذار امل اختارت الولد وفرطت بيا لان بنت ١٨سنه اسمع اخبارها هي والدي... سافروا.. رجعوا
سافروا..رجعوا
مافكرت عدها بنت تسال عليها
هادي هسه خالتج توفت الله يرحمها وانتي ميصير تبقين لوحدج واني جاي اخذج ويايه لحد تكمل معاملة سفرج
الهام وين اروح وياك ؟
فهد اني هسه داشتغل بعقد بالخليج بعد ماخلصت دراسه بلندن.. وامي مو غريبه خالتج
الهام يمكن اني اول بنت تتيتم واهلها عايشين الله يرحم ماما خديجه ماخلتني فد يوم احس بالحاجه للناس دللتني وربتني لو ما مرضها الاخير كان مخلتني اترك المدرسه
هادي مقدر ومكتوب الهام احنا هم اهلج
ماتقصرون انشالله اكولك امي ليش ماجت وياك لو خاف العراق يجلب بيها
الهام انتي ماخذه موقف خطا من امج ضياء اخوج ماخذ كل وقتها مريض وكل ميكبر تكبر معاناتها وياه

الهام هذا مشهد من حياتي
واول لقاء اليه بابن خالتي هادي  الي يشبه بقية اقاربنا  من الملامح  ويختلف بطريقة اللبس والكم كلمه الانگليزيه الي  تتخلل حديثه 
ونظراته الدقيقه  لكلشي حواليه  لدرجة اتصورت جاي يفتش 
كان عمري ١٩ سنه امي الي ولدتني اسمها امل تزوجت والدي عن طريق خالتي ام هادي بوقتها خالتي كانت عايشه بلندن
والدي اسمه وليد كان صديق زوجها
ويشتغل دبلوماسي اعلامي بالسفاره العراقيه هناك وصارت القسمه
ولدتني ماما بالعراق لان والدي انقل لبغداد سنه ..بعد ولادتي بشهريين ماما حملت.. وجابت اخويه ضياء عمري بوقتها سنه تقريبا ضياء من الولاده مشلول وهذا السبب خلاها تتخلى عني لخالتي خديجه الي تزوجت على كبر عمو اشرف مات قبل سنتين وهي توفت قبل اسبوعين بقيت لوحدي
وهادي جاي من الخليج ياخذني عند خالتي ام هادي بعد مانتقلت للخليج ويه هادي كل بناتها متزوجات بلندن
شيماء.. وهبه
وابنها مصطفى عايش بلندن متزوجه انگليزيه و جلال متزوج عراقيه بالمانيا
...
لو اريد احجي عن حجم الالم الي احسه كل مااذكر حقيقه ان ماما وبابا تخلوا عني. اوصفه الكم بحجم العالم ويمكن اكبر
رغم ان ماما خديجه كانت ام واخت وصديقه تبقى الكسره اشوفها واحسها واقراها
وتزيدني مراره  واني
بعيون الناس مجرد طفله منبوذه
خالتها ربتها وامها عافتها من الطفوله
خلتني احس اني بلا قيمه وعايشه بسبب عطف ناس اقارب
هذا الشعور شلته سنين عمري وانتظر يوم احاسب ماما وبابا عليه
ياترى اللحظه الي تكونت بيها برحم امي الحقيقيه كانت لحظه حب ..لو خوف.. لو رفض ..