اميره في الخفاء مكتمله

#اميره_في_الخفاء٤

#اميره_في_الخفاء٤
#زينب_الموسوي
فهد
عرفت من هادي ان امه وبنت خالته موجودين عندنا  انتباني فضول اشوفها سمعت بالتلفون گال انها شغلته اول ماشافها
تميت بغرفتي  اعرف الموعد ميطاول اكثر من عشرين دقيقه وگفت على السلم اطالعها وهي تطلع مع ان البيت في مكان للرجال ينزلون منه
وياريتني مااوگفت وطالعتها انتبهت عليه رفعت عينها وگفت تطالعني گلبي تدحرج على السلم قبل خطواتي وصلها ونزل عند طرف عبايتها
وهي تطالع
شردت بذهني بعيد
رجلي ماعادت على الارض طاير 
اهي هذي الي ابيها في بيتي
هذي الي كل يوم ارجع البيت الاگيها
هذي الي تكون اخر وجه اشوف قبل نومي واول وجه عند صباحي

الهام رفعت عيني في شاب بملابس خليجيه امير 
اتذكرت كل الاساطير الامراء والفرسان
الي نحلم بيها من الطفوله كلها  تجسدت امامي

خالتي سبقتني بخطوات واني واگفه وهو واگف گبالي
جتي الطفله سماره تركض حسيت  على نفسي
ويه صوته ينادي خالتي
خالتي ام هادي  ام هادي ياام هادي
بقيت بنص الصاله وخالتي اندارت
ام هادي هلا يمه فهد هلا ياطويل العمر
نزل الدرج بسرعه وگف يمنا الدشداشه ابيض من الثلج وحد الاردان مضروب اوتي مثل المسطره
(بارك الله بالهنديه الي غسلت وضربت اوتي )
دنگت عيني وجهي يشع حراره واحس عيونه عليه
فهد كيفج خالتي والله اني مشتاگلج
ام هادي واحنا اكثر
فهد وين رايحه خالتي بوصلج
ام هادي يايمه شلون يصير انت توصلنا هادي موجود برا يوصلنا
فهد هادي برى ومااتصل فيني صج انه مايستحي ابغه اشوفه اگعد معاه
ام هادي تعال عدنا الليله شنو مااشتاقيت لطبخ خالتك
فهد وعاد طباخج ينسي
اندارت عيونهم اثنينهم عليه وهو يوجه السوال عني لخالتي
خالتي من هذي البنت
ام هادي هذي الهام جتي تتشكر من الوالده عشان الفيزا
فهد كيفج الهام حياج الله بالبلاد
الهام الله يحييك
ظل يحجي ويه خالتي لحد طلعوا سوا يمشون برى واني وراهم فتحوا الباب الخارجي هادي منتظر بسيارته
شاف فهد طلع وبدا العناق والعتب
فهد نسيتنا كلش ماعاد تذكرنا
هادي صار يومين من رجعت والله وعلى اساس الخميس اتصل بيك ونطلع
خالتي صعدت ومن الثول الصار عندي بقيت واگفه
هادي الهام فوتي للسياره ليش واگفه
الهام ها حاضر
شجاني ليش وگفت
صعد فهد بسيارته وياه سماره
وهادي رجع للسياره
شغلها وهو يباوعني بالمرايه
هادي ها صدگتي صديقي امير
الهام مبين متواضع
هادي فهد دره متواضع وفقير  ويخاف يتصرف خطا  اهله شديدين عليه
الهام اشو بلا حمايه ليش
هادي مو گتلج الحمايات بس ل امراء الدوله يعني الي يحكمون وعدهم مناصب وصدگي لو عنده حمايه فهد ميطلع وياهم ولد حباب واصلا متحسين هو امير
الهام امه تختلف صح
هادي امه وابوه متمسكين باللقب ومتحكمين بحياة اولادهم وحلمهم واحد منهم يصير امير دوله
ام هادي خلي اسولفلج على فهد بلندن انعزم بحفله وراح الحفله ولد وبنات اخذوا صور اله ودوها ل ابوه
كان بوكتها والده جاي لندن يشوفه طرده من الشقه وبقى عدنا اسبوع
الهام معقوله شاب وامير واهله يتحكمون بحياته
هادي معظم الامراء هيج يخافون تجيهم حجايه تشوه سمعه العائله وتثير غضب الملك بعضهم ميهمه عايش حياته بالسر وباوربا وبعضهم يخلص حياته يتستر وخايف
بداخلي كان فراغ حسيته بدا ينملي