اميره في الخفاء مكتمله

اميره في الخفاء ١٩

#اميره_في_الخفاء١٩
#زينب_الموسوي
رغم جروحي ابتسمت من شفت اهلي منتظريني من ضمنهم هادي
بحضن بابا بجيت بكل قوتي على گرامتي الداسها انسان اتصورته حبيبي
وعلى اعز جزء بيه الضيعته هناك ابني
ماما يمه لولو شصاير بيج
الهام ماما ظليت بحسرة اشيل ابني بين اديه واشمه
ماما الله لاينطيهم ويطلع حوبتج بحيلهم وحلالهم وخشمج شبيه
بابا يله ياجماعه فرجتوا علينا المطار
الهام ضياء وين
بابا تعبان بقى يم خالتج
هادي شلونج لولو حمدالله على سلامتج
الهام هلا بيك هادي ماقصرت
هادي يله كافي تبجين وانسي الصار كله كابوس وانتهى

رجعت على بيت اهلي الجديد زغير الي منطيته الحكومه بعد اللجوءواحوال اهلي المعيشيه ضعيفه لان عايشين على الراتب ومصاريف علاج ضياء مكلفه مع ان الحكومه تتكفل العلاج يبقى في اشياء الحكومه متغطيها وبابا ماعنده سياره
الهام ماما ليش هيج حالتكم البيت تعبان ووزغير وبيتكم ذاك وينه
ماما ذاك كان تابع للدبلوماسين هو والسياره هسه احنا لاجئيين وانتي هم لازم تقدمين لجوء
الهام وبابا ليش ميشتغل
ماما ديدور شغل بجريده مجله
الهام وضياء هسه صحته احسن
ماما الحمد لله وتحول لمشرف بالكامب وهادي يوصله يوميه ويرجع ويه الشباب
الهام سوده عليه صعبه عليه يشتغل هو مريض بلكي يلگوله علاج ويشيل الحديد عن رجليه
ماما العلاج يم الله هو الشافي المعافي
الهام يمه فقد الطفل صعب نار متنحمل ماالومج من تركتي كولشي علموده و چ يمه اگعد بنص الليل اشم ملحفه وابجي
ماما الله لايوفقهم ياماما شتسووين اصبري وصيري قويه ترى مابيه حيل انتي هم تتمرضين شوفي شصاير بيج

هادي من لحظة شفت الهام بالمطار مذلوله وكولشي بيها مكسور مو بس خشمها من لحظتها مشاعري بين الاسى عليها وبين التشفي ماانكر برد جرح گلبي وانطفه رماده وبعدها حاصرني التفكير بيها اريد اعرف كل التفاصيل شلون انكسر خشمها واهم من هذا اريد اعرف كسر الگلب يأذيها لولا
منعت نفسي مرات اعطف عليها واگول گدام اهلي تستاهل وبين نفسي يرد گلبي لا ماتستاهل

هادي هايمه وين رايحه
ام هادي رايحه لبيت خالتك اسلم الامانه ل الهام واشوفها خالتك تگول حيل متاذيه
هادي ئي خلي بفلوس ذهب فهد تصلح خشمها المكسور
انتظري اروح وياج
رحت حتى اتشفى وماگدرت استمتع بلحظه نصر عليها دخلت لابسه اسود وعيونها حمره حالتها تقهر گعدت يم امي بعد ماسلمت عليها امي باستها وهي بچت
ام هادي عليمن تبچين على هذا البدوي الجبان ولج احمدي ربج خلصتي منه
هادي لايمه لاتغلطين عليه ترى الهام متقبل يجوز بعدها تحبه
ام الهام شتحب منه اصلا تدعي عليه صبح ومسى
ضياء طول الليل احجي وياها واكولها خلص انسي تكولي ابني مات بلا مااشوفه
ام هادي الله يساعدج يمه وينتقم منه
گوليلي يمه خشمج شبيه
الهام المصايب هوايه خليني ساكته
ام هادي لايمه احجي فضفضي السكته تموتج
تهربت من الاجابه واكتشفت ان امي جايه تتشفى مثلي
الهام
الكل يريد يعرف الصار ماحجيت ل احد شراح يفيد الحجي وبنهايه اسمع كلمة صوجج
حبست روحي عنهم وعن اهلي ابدي يومي بدمعه واني اشوف وجهي بالمرايا والتشوه الي بيه ودمعه ثانيه كل ماابدل ثيابي واشوف جسمي واتذكر كيف تحول مسرح ل استعراض رجوله زائفه عليه كل ليله
ودمعه ثالثه من اتذكر ابني
ادمنت الاكل والحلويات ومشاهدة التلفزيون ساعات وساعات بلا نوم وازعج شي عندي من يزورونا ضيوف ادعي النعاس ومااسلم